9/20/2018
Today from Hiiraan Online:  _
Wararka Maanta- Sabti, May 26, 2012
Madaxweyne Sheekh Shariif oo Soomaalida ku nool Dalka Koonfur Afrika ka dalbaday in lacago ay ku taageeraan Dowladda KMG ah



Sabti, May 26, 2012 (HOL) — Madaxweynaha Soomaaliya, Shariif Sheekh Axmed oo ku sugan dalka Koonfur Afrika ayaa wuxuu xalay kulan kula yeeshay Johannesberg dadweyne Soomaaliyeed oo ka mid ah kuwa ku nool dalkaas, isagoo ka dalbaday inay dowladda lacago ku taageeraan.

Sheekh Shariif ayaa hadal uu ka jeediyay kulanka uu la yeeshay Soomaalida wuxuu ku sheegay in dowladdu ay horumar ka gaartay dhinacyo badan, isagoo qabsashadii degmada Afgooye ku tilmaamay guul weyn oo ay dowladdu gaartay.

"Markii ay jireen ururrada, kooxihii qabiillada iyo Maxkamadihii Islaamka lacago badan ayaan ku taageeri jirteen, haddana dowladda waxba kuma taageertaan, ma waxaad maqasheen wararka beenta ah ee sheegaya in dowladdu ay tahay mid musuq uu ka dhex jiro," ayuu madaxweynuhu ku yiri hadalkiisa.

Sidoo kale, wuxuu Soomaalidii uu la kulmay u sheegay in looga baahan yahay inay lacago ku taageeraan dowladda si howlaha horyaalla ay u fuliso, isagoo xusay inay ka go'an tahay dowladda inay meel-mariso howlaha horyaalla oo dhan.


"Qof walba haddii uu bixin karo 10-doollar, 15-doollar, 20-doollar illaa 30-dollar waa mid ay dowladdu uga baahan tahay shacabkeeda dibadaha ku nool," ayuu Sheekh Shariif ku sheegay hadalkiisa. "Dalka Koonfur Afrika ganacsato badan oo Soomaaliyeed ayaa ku nool; waana mid looga baahan yahay inay ogaadaan mas’uuliyadda dadkooda iyo dalkooda ka saaran."

Madaxweynaha ayaa codsi uu ujeediyay dadkii Soomaaliyeed ee uu la hadlay kaga codsaday inay ka qayb-qataan dhisida dalka isagoo si gaar ah uga codsaday inay dhisaan hal iskuul, hal waddo iyo hal isbitaal, wuxuuna kula taliyay inay bartaan kitaabka ka hadlayay iibka.

Mid ka mid ah dadkii kulanka la yeeshay madaxweynaha ayaa wuxuu ka dalbaday in madaxda dalka Koonfur Afrika uu kala hadlo sidii wax looga qaban lahaa dilalka iyo dhaca loo geysto ganacsatada Soomaaliyeed ee ku nool Koonfur Afrika.



Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/26/2012 9:32 AM EST
Sabti, May 26, 2012 (HOL) — Kumannaan ka mid ah ardayda wax-ka-barta jaamacadda Muqdisho ayaa maanta oo Sabti ah u fariistay imtixaankii ugu dambeeyay ee sanad-waxbarashadeedka 2011/2012.

5/26/2012 8:35 AM EST
Sabti, May 26, 2012 (HOL) — Odoyaal-dhaqameedyada Soomaaliyeed ee uu shirku uga socday Muqdisho oo ay tiradoodu ahayd 135-ta xubnood si ay u soo xulaan ergada ansixinta dastuurka iyo xubno ka tirsan ururrada bulshada rayidka ayaa maanta loo dhoofiyay dalka Turkiga si ay uga qaybgalaan shir arrimaha Soomaaliya looga hadlayo.

5/26/2012 8:06 AM EST
Sabti, May 26, 2012 (HOL) — Xarakada Al-shabaab ayaa ku hanjabtay maanta oo Sabti ah inay weerarro gaadmo ah la beegsanayso ciidamada dowladda KMG ah iyo kuwa AMISOM ee gacanta siinaya, kaddib markii shalay laga qabsaday degmada Afgooye oo ahayd goob ay awood badan ku lahayd.

5/26/2012 7:27 AM EST
Sabti, May 26, 2012 (HOL) — Ugu yaraan hal qof oo rayid ah ayaa ku dhintay illaa shan qof oo kalena way ku dhaawacmeen madaafiic ku dhacay duleedka Muqdisho gaar ahaan deegaanka Ceelasha-biyaha oo ay gacan ku hayntiisa isku haystaan xoogaga Al-shabaab iyo ciidamada dowladda KMG ah ee Soomaaliya oo kaashanaya kuwa AMISOM.

5/26/2012 7:16 AM EST
Sabti, May 26, 2012 (HOL) — Kooxo bastoolado ku hubeysan ayaa xalay waxaa ay ku toogteen magaalada Beledweyne ee xarunta gobollka Hiiraan nabadoon ka mid ahaa odayaasha dhaqan-ka magaalada.

5/26/2012 7:08 AM EST
Sabti, May 26, 2012 (HOL) — Hay’adda horumarinta iyo isku-xirka dhallinyarada Soomaaliyeed ee SOYDEN iyo hay’adda CPD ayaa Muqdisho ka furay tartan isboorti oo ay ku tartamayaan 10-kooxood oo ka kala socda sideed degmo oo gobolka Banaadir ka tirsan iyo laba kooxood oo ka socda ciidanka booliiska Soomaaliyeed.

5/26/2012 3:33 AM EST
Sabti, May 26, 2012 (HOL) — Wararka laga helayo degmada Afgooye ayaa waxay sheegayaan in ciidamada dowladda KMG ah iyo kuwa AMISOM oo isgarabsanaya ay saakay u dhaqaaqeen dhinaca degmada Marko ee xarunta gobolka Shabellada Hoose.

5/26/2012 3:22 AM EST
Sabti, May 26, 2012 (HOL) — Maamulka Ahlusunna Waljamaaca ee gobollada dhexe xil ka qaadi ku sameeyay guddoomiyihii saddexda gole ururkaas, Prof. Xirsi Maxamed Hillowle (Laba-garre) kaddib shirar saddexdii maalmood ee lasoo dhaafay u socday degmada Guriceel ee gobolka Galguduud.

5/26/2012 2:46 AM EST
Sabti, May 26, 2012 (HOL) — Xiisado colaadeed oo u dhexeeyay ciidamada DKMG ah oo kaashanaya AMISOM iyo xoogaga Al-shabaab ayaa ka tagaan deegaannada u dhexeeya Muqdisho iyo Afgooye halkaasoo ay weli ku sugan yihiin xoogagga Al-shabaab.