9/25/2018
Today from Hiiraan Online:  _
Wararka Maanta- Talaado, May 15, 2012
Madaxweynaha Soomaaliya oo khudbad ka jeediyay Golaha Ammaanka ee Qaramada Midoobay (DAAWO)


Madaxweynaha Soomaaliya Shiikh Shariif Shiikh Axmed
Talaado, May 15, 2012(HOL): Madaxweynaha Soomaaliya Shiikh Shariif Shiikh Axmed ayaa maanta khudbad ka jeediyay Golaha Ammaanka ee Qaramada Midoobay oo arrimaha Soomaaliya shir ka lahaa, iyadoo khudbaddiisana ay dhinacyo badan  taabaneysay.

 

Waxaa uu khudbaddiisa ku soo qaaday Madaxweynaha qabyo-qoraalka dastuurka loo sameynayo Soomaaliya oo haatan oday-dhaqameedyo ay u fadhiyaan soo xulista ergooyinkii ansixin lahaa, wuxuuna sheegay in dastuurkani uu yahay midka ugu fiican dastuurrada caalamka, wuxuuna caddeeyay in waqti badan la geliyay sameynta dastuurkan.

 

Sidoo kale madaxweynaha Soomaaliya waxaa uu khudbadiisa ku soo qaaday wada hadallo ay yeelanayaan dowladda Soomaaliya iyo Somaliland, wuxuuna Golaha Ammaanka ee Qaramada Midoobay ka codsaday in Soomaaliya lagu gacan-siiyo shirweyne dib-u-heshiisiineed oo lagu ilaalinayo midnimada Soomaaliya, dadka Soomaaliyeedna ay nabad ku heli lahaayeen.

 

Madaxweynaha Soomaaliya Shiikh Shariif Shiikh Axmed oo shirkaas kaddib saxaafadda la hadlay ayaa sheegay in khudbaddiisii ay ku saabsaneyd warbixin uu ka siiyay Golaha Ammaanka ee Qaramada Midoobay halka ay marayaan arrimihii roadmap-ka, gaar ahaan halka ay Soomaaliya hadda taagan tahay, halka loo socdo kumeel gaarka kaddib, aammanka dalka iyo arrimaha gargaarka Bani’aadannimada.

 

Madaxweynaha waxaaa uu sheegay in dareenka beesha Caalamka ee Soomaaliya uu haatan fiican yahay marka la eego Shirka Qaramada Midoobay ee uu maanta ka yeeshay arrimaha Soomaaliya, Shirkii London ee dowladaha badan ay ka qeybgaleen iyo shirka soo socda ee Stanbul lagu qaban doono.

 

Wuxuu sheegay in ay ku faraxsan yihiin sida uu shirka u dhacay iyo dareenka beesha Caalamka ee Arrimaha Soomaaliya.
 

Madaxweynaha oo ka jawaabaya su’aalo laga weydiiyay la-dagaalanka burcad badeedda ee Yurub iyo arrimo kale oo ku saabsan ammaanka ka daawo shirka jaraa’id oo Af-Soomaali ku baxaya.


Salaad Iidow Xasan (Xiis), Hiiraan Online

[email protected]







Click here
5/15/2012 9:38 AM EST
Talaado, May 15, 2012 (HOL) — Munaasabad si heer sare ah oo loosoo agaasimay isla markaana uu soo qaban-qaabiyay urur dhalinyarro oo lagu magacaabo SYAO ayaa maanta lagu qabtay magaalada Beledweyne ee xarunta gobolka Hiiraan.

5/15/2012 9:17 AM EST
Talaado, May 15, 2012 (HOL) — Ururaddii siyaasaddda ee qiimaynta ku hadhay ayaa maanta ku dhowaaqay inay samaysteen dallad xaqoodda u raadisa, kuwaas oo sheegay in aanay wali ku qancin natiijaddii ay guddidda diiwaangelinta ururadda ku dhowaaqeen, isla markaana sheegay inay dadka usoo bandhigayaan cadaalad darooyinka ku dhacay ururadda hadhay.

5/15/2012 8:27 AM EST
Talaado, May 15, 2012 (HOL) — Sakaal ka tirsan ciidamada booliiska Kenya ayaa ku dhintay laba kalena dhaawacyo culus ayaa kasoo gaaray kaddib qarax miino oo maanta lagula eegtay xeryaha qoxootiga Dhadhaab ee dalka Kenya.

5/15/2012 8:10 AM EST
Talaado, May 15, 2012 (HOL) — Munaasabad lagu xusayay maalinta dhallinyarada Soomaaliyeed ee 15-ka May ayaa maanta lagu qabtay magaalada Muqdisho, taasoo ay ka qaybgaleen wasiirro, xildhibaano, qaybaha bulshada iyo dhallinyaro isugu jiray wiilal iyo gabdho.

5/15/2012 7:42 AM EST
Talaado, May 15, 2012 (HOL) — Dad shacab ah iyo ciidamada amniga Somaliland ayaa maanta dagaal waqti kooban socday wuxuu ku dhexmaray bariga magaalada Hargeysa, kaasoo sababay khasaare dhimasho iyo dhaawac ah oo soo kala gaartay labada dhinac.

5/15/2012 6:48 AM EST
Talaado, May 15, 2012 (HOL) — Ergooyinkii Puntland uga qaybgalaysay shirka odayaasha dhaqanka ee Muqdisho ayaa maanta ka dhoofay Muqdisho, iyagoo dib ugu laabtay Garoowe, waxaana afhayeenka odyaashan uu sheegay in sababta ay Puntland ugu laabteen ay tahay sidii ay wadatashi uga sameyn lahaayeen maamulkooda.

5/15/2012 6:36 AM EST
Talaado, May 15, 2012 (HOL) — Warsaxaafadeed maanta kasoo baxay taliska AMISOM ee Muqdisho ku sugan ayaa lagu sheegay in Maj. Emannuel Bizimana oo Al-shabaab ay sheegtay inay dileen habeenkii talaadada ahaa uu ka mid ahaa saraakiil 20-kii Oktoobar 2011 lagu dilay dagaal Al-shabaab iyo AMISOM ku dhexmaray degmada Dayniile.

5/15/2012 6:23 AM EST
Talaado, May 15, 2012 (HOL) — Ciidamada Midowga Yurub ee ku sugan xeebaha dalka Soomaaliya oo isticmaalaya diyaaradaha qummaatiga u kaca ee Helicopter-ka loo yaqaan ayaa maanta weeraray saldhig ay burcadbadeeddu ku lahaayeen meel ku dhow degmada Xarardheere ee gobolka Mudug.

5/15/2012 3:28 AM EST
Talaado, May 15, 2012 (HOL) — Dowladda KMG ah ee Soomaaliya ayaa sheegtay in aysan wax taageero ah oo la taaban karo ka helin beesha caalamka, iyadoo kaddib muddo saddex bilood ah la filayo in looga gudbo marxalada ku-meel-gaarka.

5/15/2012 3:06 AM EST
Talaado, May 15, 2012 (HOL) — Madaafiic ayaa xalay lagu weeraray madaxtooyada Soomaaliya, sidoo kalena waxaa isla xalay ka dhacay jidka warshadaha dagaallo u dhexeeyay ciidamada DKMG ah iyo kuwa Al-shabaab.

5/15/2012 3:02 AM EST
Talaado, May 15, 2012 (HOL) — Maamulka Galmudug oo ka mid ah maamullada ka jira Soomaaliya ayaa xaqiijiyay in deegaanno uu ka taliyo ay gaareen xoogag Al-shabaab taabacsan, iyadoo maamulku uu sheegay inuu billaabay howgallo uu kaga hortagayo.