9/25/2018
Today from Hiiraan Online:  _
Wararka Maanta- Talaado, May 15, 2012
Ururaddii Siyaasadda Somaliland ee Qiimeynta ku hadhay oo samaystay dallad ay ku Midoobeen eedeynna u jeediyay guddiga Diiwaan-gelinta



Talaado, May 15, 2012 (HOL) — Ururaddii siyaasaddda ee qiimaynta ku hadhay ayaa maanta ku dhowaaqay inay samaysteen dallad xaqoodda u raadisa, kuwaas oo sheegay in aanay wali ku qancin natiijaddii ay guddidda diiwaangelinta ururadda ku dhowaaqeen, isla markaana sheegay inay dadka usoo bandhigayaan cadaalad darooyinka ku dhacay ururadda hadhay.

Ururradan qiimeynta ku hadhay oo maanta xaflad ku qabsaday hotel Xaraf, ayaa sheegay inay dallad ay u dhan yihiin samaysteen oo ay u bixiyeen Daladda Ururadda , isla markaana gudoomiye u doorteen gudoomiyaha ururka NDB Foosiya Yuusuf X. Aadan, xubnana ay ka yihiin, Ibraahim Cabdilaahi Xuseen Dhego weyne (UDHIS), Axmed Sandoon (Jamhuuriga), Nuur Faarax Xuseen (Gurmad), Mustafe Cabdilaahi Jaamac (HORYAAL).


Cabdisalaan Yaasiin oo ka mid ah madaxda sarsare ee ururadda hadhay ayaa sheegay inay guddida diiwaangelintu ay jabisay xeerar badan oo dalka u yaal, isla markaana ay markii hore ahayd inay xubin garyaqaan ah oo maxkamadaha dalka ka soo shaqeeyey ay ku jiraan guddidda diiwaangelinta ururada balse taasina aanay dhicin.

"Guddidu waxay sameeyeen gefef ay xeerar ku jabiyeen, waxay ahayd in lix bilood hawlaha ururaddu ku dhamaysteen balse ay ka dhigeen saddex bilood halkaasna uu ku jabay qodobka 5aad, xarafkiisa C, waxa kale oo la yimaadeen madax tirin oo sharciga ku jirin, waxay ahayd in guddida ku jiraan garyaqaan heer maxkamadda sare gaadhay oo aqoon iyo waayo aragnimo leh, kumana jiro halkaasna waxa ku jabay qodobka 3aad xarafkiisa C ee xeerka doorashooyinka"ayuu yidhi Cabdisalaan Yaasiin oo ka mid ah ururadda hadhay.

Foosiya Yuusuf X. Aadan oo ah gudoomiyaha daladda ururadda hadhay, ayaa sheegtay in ilaa hadda aanay la kulmin gudidii oo ay ka dhuumanayaan, dhawr jeerna ugu tagtay xafiiskooda balse ay ka soo wayday, taasina ay tahay gef ay ka galeen ururadda.

Foosiya waxa kale oo ay sheegtay inay ku adkaysanayaan go’aankoodda, sidaa darteed ay ku adkaysanayaan inay hawlahoodda wataan, isla markaana ummadda usoo bandhigaan cadaalad daradaa lagu sameeyey.


"Ciidamadii loo tobabaray inay argagixisada la dagalamaan ayaa shacabkii loo adeegsaday, waanu haynaa sawiradii qaabkii hablaha loo garaacayey, marka waxaan shacabka leeyahay waa in laga hadlaa oo maanta haday dhacdo barina way dhacaysaa laga hadlaa, markaa idinka ayaanu maxkamad idinka dhignay "ayey tidhi Foosiya Yusuf oo ka hadlaysay dhawr jeer oo ay isku dayeen inay mudaharaadyo sameeyeen oo dhibaato ka soo gaadheen dadkii isku soo baxayey.

Gudoomiyaha ururka UDHIS Col: Ibraahim Cabdilaahi Xuseen (Dhego weyne), ayaa isna xukuumadda si adag u weeraray, sheegayna inay dhibaatooyinkan oo dhan ay abuurayso xukuumaddu, isla markaana aanay dan ka lahayn Nabadgalyadda somaliland ka jirta, isagoo sheegay inuu ka xun yahay in iyaga looga baqo nabadgalyadda Somaliland.

Waxa isaguna halkaasi ka hadlay gudoomiyaha wanaag farisa iyo xumaan reebista Sheikh Maxamed X. Maxamed, ayaa sheegay inay cadaaladdu tahay waajib ummadda muslimka ah ku waajibtay, xukuumadda iyo gudidda diiwaangelintana usoo jeediyey in la tixgaliyo dhowaaqa ka soo yeedhay ururadda hadhay, qaabkii loola dhaqmayna aanay wanaagsanayn, isagoo soo jeediyey in xeerarkii la qortay ee lagu heshiiyey lagu dhaqmo.




Barkhad-Ladiif M. Cumar
[email protected]
Hargeysa, Somaliland







Click here
5/15/2012 4:11 PM EST
Talaado, May 15, 2012(HOL): Madaxweynaha Soomaaliya Shiikh Shariif Shiikh Axmed ayaa maanta khudbad ka jeediyay Golaha Ammaanka ee Qaramada Midoobay, iyadoo khudbaddiisana ay dhinacyo badan taabaneysay.

5/15/2012 9:38 AM EST
Talaado, May 15, 2012 (HOL) — Munaasabad si heer sare ah oo loosoo agaasimay isla markaana uu soo qaban-qaabiyay urur dhalinyarro oo lagu magacaabo SYAO ayaa maanta lagu qabtay magaalada Beledweyne ee xarunta gobolka Hiiraan.

5/15/2012 8:27 AM EST
Talaado, May 15, 2012 (HOL) — Sakaal ka tirsan ciidamada booliiska Kenya ayaa ku dhintay laba kalena dhaawacyo culus ayaa kasoo gaaray kaddib qarax miino oo maanta lagula eegtay xeryaha qoxootiga Dhadhaab ee dalka Kenya.

5/15/2012 8:10 AM EST
Talaado, May 15, 2012 (HOL) — Munaasabad lagu xusayay maalinta dhallinyarada Soomaaliyeed ee 15-ka May ayaa maanta lagu qabtay magaalada Muqdisho, taasoo ay ka qaybgaleen wasiirro, xildhibaano, qaybaha bulshada iyo dhallinyaro isugu jiray wiilal iyo gabdho.

5/15/2012 7:42 AM EST
Talaado, May 15, 2012 (HOL) — Dad shacab ah iyo ciidamada amniga Somaliland ayaa maanta dagaal waqti kooban socday wuxuu ku dhexmaray bariga magaalada Hargeysa, kaasoo sababay khasaare dhimasho iyo dhaawac ah oo soo kala gaartay labada dhinac.

5/15/2012 6:48 AM EST
Talaado, May 15, 2012 (HOL) — Ergooyinkii Puntland uga qaybgalaysay shirka odayaasha dhaqanka ee Muqdisho ayaa maanta ka dhoofay Muqdisho, iyagoo dib ugu laabtay Garoowe, waxaana afhayeenka odyaashan uu sheegay in sababta ay Puntland ugu laabteen ay tahay sidii ay wadatashi uga sameyn lahaayeen maamulkooda.

5/15/2012 6:36 AM EST
Talaado, May 15, 2012 (HOL) — Warsaxaafadeed maanta kasoo baxay taliska AMISOM ee Muqdisho ku sugan ayaa lagu sheegay in Maj. Emannuel Bizimana oo Al-shabaab ay sheegtay inay dileen habeenkii talaadada ahaa uu ka mid ahaa saraakiil 20-kii Oktoobar 2011 lagu dilay dagaal Al-shabaab iyo AMISOM ku dhexmaray degmada Dayniile.

5/15/2012 6:23 AM EST
Talaado, May 15, 2012 (HOL) — Ciidamada Midowga Yurub ee ku sugan xeebaha dalka Soomaaliya oo isticmaalaya diyaaradaha qummaatiga u kaca ee Helicopter-ka loo yaqaan ayaa maanta weeraray saldhig ay burcadbadeeddu ku lahaayeen meel ku dhow degmada Xarardheere ee gobolka Mudug.

5/15/2012 3:28 AM EST
Talaado, May 15, 2012 (HOL) — Dowladda KMG ah ee Soomaaliya ayaa sheegtay in aysan wax taageero ah oo la taaban karo ka helin beesha caalamka, iyadoo kaddib muddo saddex bilood ah la filayo in looga gudbo marxalada ku-meel-gaarka.

5/15/2012 3:06 AM EST
Talaado, May 15, 2012 (HOL) — Madaafiic ayaa xalay lagu weeraray madaxtooyada Soomaaliya, sidoo kalena waxaa isla xalay ka dhacay jidka warshadaha dagaallo u dhexeeyay ciidamada DKMG ah iyo kuwa Al-shabaab.

5/15/2012 3:02 AM EST
Talaado, May 15, 2012 (HOL) — Maamulka Galmudug oo ka mid ah maamullada ka jira Soomaaliya ayaa xaqiijiyay in deegaanno uu ka taliyo ay gaareen xoogag Al-shabaab taabacsan, iyadoo maamulku uu sheegay inuu billaabay howgallo uu kaga hortagayo.