Talaado, July 31, 2012 (HOL) — Kooxo hubeysan ayaa xalay ku dilay Waqooyiga degmada Gaalkacyo ee gobolka Mudug nabaddoon caan iyo nin la dhashay, iyadoo sidoo kale ay kooxo hubeysan ku dileen degmada Baydhabo shalay gallinkii dambe nin taksiile ah.
Goobjoogayaal ku sugan xaafadda Garsoor ee Waqooyiga Gaalkacyo oo ay Puntland ka taliso ayaa sheegay in nabaddoonka iyo walaalkiis la dilay xilli ay kasoo baxeen masaajid ay ku tukadeen salaaddii maqrib, kooxaha dilka geystayna ay baxsadeen.
"Waxaan socda baaritaanno lagu raadinayo kooxihii dilka labada ruux geystay, kani waa fal aad looga naxo," ayuu yiri taliyaha qaybta gobolka Mudug ee Puntland, Jaamac Maxamed Axmed oo saxaafadda la hadlay.
Nabaddoonka la dilay iyo walaalkiis ayaa waxaa lagu kala magacaabi jiray: C/llaahi Maxamed Xasan iyo Cismaan Maxamed Xasan, iyadoo la sheegay in maalmahan ay wadeen dadaal lagu adkeynayo ammaanka degmada Gaalkacyo, waxaana dilalkan ay qayb ka noqonayaan dilal horay loogu geystay shacab, shaqaale dowladeed iyo nabaddoon.
Sidoo kale; kooxo bastoolado ku hubeysan ayaa degmada Baydhabo ee gobolka Bay ku toogtay nin taksiile ah, iyagoo ay u suurogashay inay goobta ka baxsadaan, lama oga sababta keentay in la dilo ruuxaas taksiilaha ah.
Maamulka gobolka Bay iyo kan degmada Baydhabo ayaan ka hadlin dilak degmadaas loogu geystay, iyadoo sidoo kale aysan jirin cid sheegatay inay mas'uul ka tahay dilka loo geystay taksiilahan.
Maxamed Xaaji Xuseen, Hiiraan Online
[email protected]
Muqdisho, Soomaaliya
Dilal Qorsheysan oo siyaabo kala duwan uga dhacay Degmada Baydhabo ee Gobolka Bay iyo Degmada Gaalkacyo
More News
- Dab khasaare maaliyadeed geystay oo gubey qaar ka mid ah beeraha tuulada Karin ee Degmada Boosaaso ee Gobolka Bari
- Madaxda wasaaradda caafimaadka Puntland oo maanta kulan la qaatay maamulka Isbitaalka guud ee Garoowe
- Col. Farey oo maanta Gaalkacayo lagu aasay iyo dowladda Puntland oo dilkiisa ka tacsiyeysay
- Majaajiliistihii Caanka ahaa ee Marshaale oo Muqdisho lagu dilay
- Xoghayaha Arrimaha Dibadda ee Mareykanka oo lagu wado inay Madaxda Soomaalida kula kulanto Magaalada Nairobi ee dalka Kenya
- Ishaysiga IFISO oo maanta looga dhawaaqay Muqdisho iyo Mas'uuliyiin kala duwan oo ka hadlay Munaasabadii furitaanka
- Taliyaha Ciidanka Booliska Somaliland oo sheegay in tuug badan oo shacabka khatar ku hayey ay xabsiga u taxaabeen
- Murashaxiin ku shiray Muqdisho oo sheegay inay Mideynayaan Awooddooda si ay uga qaybgalaan doorashada Madaxnimo ee dalka
- Kulan dhexmaray Rugta Ganacsiga Soomaaliya iyo Ganacsato Dhawaan Maxjar weyn ka furay Magaalada Muqdisho
- Qarax khasaare geystay oo Ciidamada DKMG ah lagu weeraray iyo shil ay ku dhinteen dad rayid ah oo Muqdisho ka dhacay
- Hay'adda CRD oo wadda Barnaamij loogu magac daray Baraarug oo Dhallinyarada Soomaaliyeed lagu Maalgelinayo
- Ciidammo ka tirsan kuwa Dowladda KMG Soomaaliya oo Xalay dhac baahsan ka geystay Degmada Afgooye
- Dhagaysiga dacwad ka dhan ah Guddiga Diiwaan-gelinta Somaliland oo ka furantay Magaalada Hargeysa