Xaalada deegaannada Bacadweyn iyo Camaara ee Goballka Mudug oo saakay degan iyo Khasaarihii ka dhashay dagaalka oo sii kordhaya..

Khamiis, 1, Apri, 2010 (HOL) Waxaa saakay xaalad degnaasho laga soo sheegayaan deegaannada Bacaadweyn iyo Camaara oo ka wada tirsan Goballka Mudug halkaa oo maalintii shalay dagaal culus oo ku dhaxmaray Maleeshiyada Beello in muddo ah halkaa ku dagaallamayay.

Dagaallka oo dhacay xili halkaa ay ku sugnaayeen Guddi Dowladda Soomaaliya u saartay waan waan laga dhax bilaabo labada Beellood ayaa tarida dadka ku geeriyooday waxaa ay hadda mareysaa ku dhawaad 29 ruux, halka intaa ka badana ay ku dhaawacmeen.

Wararka laga hellayo Isbitaalada Degmooyinka Xaradheere iyo Cadaado ayaa sheegaya in saacadihii ugu danbeeyay la dhigay qaar ka mid ah dhaawaca Maleeshiyada dagaallku dhaxmaray, waxaana ay wararku intaa ku darayaan in dhaawacyada qaarkood yihiin kuwo halis ah oo ay adag taay in ay wax ka qabtaan dhaqaatiirta ku sugan Isbitaalada la dhigay.

Sidoo kale waxaa jirra baaqyo wali loo jeedinayo dhinacyada ku dagaallamaya deegaannada Camaara iyo Bacaadweyn kuwaa oo ka kala imanaya qeybaha Bulshada, iyo Xildhibaannada Dowladda Soomaaliya oo sheegay in dagaallkaasi yihiin kuwo aan wax micno ah ku fadhiyin loo baahan yahay in Waxgaradka Beelluhu caqliga ka shaqeysiiyaan si nabad loo gaarro.

C/raxmaan Diini, Hiiraan Online
[email protected]