Mo Farah oo rikoor cusub dhigay British 10.000 Road race oo lagu qabtay magaalada London

Khamiis, May 28, 2009(HOL): Orodyahanka Mo Farah ayaa jabiyay rikoorkii oradka 10 Km ee lagu qabtey maalinimadii Isniinta taariikhduna ahayd 25 May 2009  magaalada London kadib markii uu ku orday  xawaare  aad u sareeya oo uu kaga gudbay Line xariga  27 daqiiqo iyo 50 ilbiriqsi.
 
Mo Farah waa 26 jir u dhashay dalka Soomaaliya isla markaana degan Galbeedka magaalada London kana tirsan ciyaaryahanada u orda xulka  dalka Britain, ciyaaryahankaan ayaa lasoo baxay wixii ka dambeeyay ciyaarihii Olympicada firfircooni dheeri ah guulo cusub, kuwaasoo uu ku dhigay rikooro cusub.
 
Oradka 3000M ee European indoorka waxay u dhigay rikoor cusub bishii Maaro 2009, hadana oradka Marathonka 10KM waxa u dhigay rikoor kale oo cusub, Mo Farah ayaa ku jabiyay rikoorkii oradkan Marathonka London oo uu hore u haystey ciyaaryahan u dhashay dalka Britain  Mark Scruton wax ka yar 5 second.
 
Mo Farah oo ku orday 27 daqiiqo iyo 50 ilbiriq kuna guulaystey oradka  London kana galay kaalinta 1aad halka kaalinta 2aad u galay  ciyaaryahan u dhashay dalka Kenya  lana yiraahdo Samuel Kosgei, kaalinta 3aad waxaa galay isna ciyaaryahan u dhashay dalka Ukrain lana yiraahdo Sergiy Lebid.
 
Mo Farah oo jaraa’idka Metro la hadlayay markii uu soo afjarey guushii oradka 10KM  London   ee uu ku jabiyay  British Rikoorka  ayaa yiri  sidatan ‘’  Run ahaantii waan ogaa in dhismaha jirkaygu  uu ahaa mid diyaarsan,waxaana rabay inaa ku guulaysto,isla markaana  ku soo xiro 28 daqiiqo  jabiyana British  rikoorka si aan guno ugu qaato guusha rikoorka cusub’’ ayuu Mohamed Farah yiri isagoo ku faraxsan guusha oradka 10.000m London Road race.
 
Guusha Mo Farah  ee London iyo Rikoorkiisa cusub ayaa lagu soo bandhigay Jaraa’idka ka soo baxa dalka Ingiriiska guud ahaan, nasiib xumo dadka Soomaaliyeed ee ku nool magaalada London oo lagu qiyaasay wax ka badan 100.000 oo qof ayaanan ka qayb galin ama u soo daawasho tagin halyeey Mohamed Farah guushiisa,inkastoo ay iskugu hambalyaynayeen guusha Mo Farah markii ay jaraaidka ka aqristeen maalinimadii Talaadada.
 
Mo Farah ayaa ka qayb galaya bisha soo socoto ciyaaraha oradada lagu qaban doono dalka Germany gaar ahaan magaalada Berlin hadii Eebe idmo.
 
W/D: Yusuf Yusuf
Sports Editor of SSPAMEDIA
[email protected]
London, UK