Isniin, October, 07, 2019 (HOL)-Guddiga KMG ah ee soo diyaarinta sharciga Doorashooyinka Qaranka ee Golaha Shacabka ayaa kulan xarrunta Villa Hargeysa waxa ay kula yeesheen Xildhibaanadda iyo Odayaasha Dhaqanka ee kasoo jeedo Goboladda Waqooyi ee Soomaaliya.
Ujeedka kulanka uu guddiga la yeeshay xildhibaanadda iyo Odayaasha dhaqanka ee ka soo jeedo goboladda Waqooyi ee soomaaliya ayaa ahaa sidii ay aragtiyadooda ku aadan sharciga doorashooyinka qaranka ay ugu soo bandhigi lahaayeen guddiga.
Xildhibaanadda iyo Odayaasha Dhaqanka ee kasoo jeedo Gobolada waqooyi
ayaa guddiga KMG ah ee soo diyaarinta sharciga doorashooyinka qaranka
ee Golaha Shacabka usoo bandhigay talooyinkooda iyo aragtiyadooda ku
wajahan Sharciga Doorashooyinka Qaranka.
“Marka hore waxa aan idiin kaga mahadcelinaynaa sida aad inooga
ogolaateen in aan kulankaan wada yeelano, marka xigto waxaan idiin kaga
mahadnaqaynaa sida aad guddiga aad ugu soo bandhigteen talooyinkiina iyo
aragtiyadiina wanaagsan ee la xariiro sharciga doorashooyinka
qaranka”waxaa sidaasi yiri gudooomiyaha Guddiga KMG ah ee soo diyaarinta
sharciga doorashooyinka Qaranka ee Golaha Shacabka Xildhibaan C/llaahi
Abuukar Xaaji (Eng.Carab).
Tan iyo markii la magacaabay guddigaan waxa uu waday kulama uu la
yeelanaayo qeybaha kala duwan ee bulshada si ay ula wadaagaan
aragtiyadooda la xariira sharciga dooorashooyinka Qaranka.
C/raxmaan Diini, Hiiraan Online
[email protected]
