10/15/2019
Today from Hiiraan Online:  _
Wararka Maanta- Jimco, Oct 11, 2019
Soomaaliya oo dib ugu biirtay Urur Goboleedka Bariga ee la dagaalanka Ayaxa


 

Jicmo, October, 11, 2019 (HOL)- Waxaa duleedka magaalada Addisababa Bishoftu Itoobiya, kusoo gababoobay shirkii 64-aad Wasiirada Beeraha Bariga Africa ee Ururka Bariga Africa ee la dagaalanka Ayaxa Saxaraha(DCL0-EA) 10th-11th October 2019.

Soomaaliya ayaa markii ugu horeysay dib ugu biirtay ururka kadib 29 sano oo ay banaanka ka ahayd iyadoo 1991 kii kadib aysan qayb ka ahayn shaqooyinka ururka goboleedka DLCO-EA.

Wasiirka Beeraha Dowlada Federalka Itoobiya Dr.Sani Redi Ahmed oo ah Gudoomiyaha Urur Goboleedka ee sanadkaan iyo Agaasiimaha Guud ee Ururka Dr.Stephen W.Njoka,ayaa si rasmi ugu dhawaaqay in Soomaaliya ay si rasmi ah ugu soo noqotay ururka DLCO-EA ee la dagaalanka Ayaxa guurguura ee lama dagaanka,iyadoo ay heli doonto adeegyada ururka u qabto dalalka xubnaha ka ah Urur Goboleedka DLCO,

Ayaxa iyo Shimbiraha ayaa waxay ka mid yihiin dulimada hayaama dhib weyna ku haya beeraleyda Soomaaliyeed.

Ayaxu wuxuu dhib weyn ku hayaa goboladda Awdal, Bari iyo Sanaag. Halka Shimbiraha dhib weyn u geysteen dhammaan goboladda koonfureed Gu’gii aan soo dhaafney ayna dhibaata weyn u geysteen Bariiska iyo Masagada.

Dib ugu biirida Urur goboleedkan  waxay Soomaaliya u fududeen doontaa helida adeegyada ay u baahnaayeen beeraleyda Soomaaliya, taas oo yereen doonta khasaaraha beeraleyda Soomaaliya uga imaan jirey Ayaxa iyo Shimbiraha.

C/raxmaan Diini, Hiiraan Online
[email protected] 

 










Click here
10/11/2019 2:34 PM EST
Jicmo, October, 11, 2019 (HOL)- Waxaa maanta ka deggay magaalada Kismaayo ee xarunta KMG u ah maamulka Jubbaland wafdi uu horkacayay guddoomiye ku-xigeenka Koowaad Aqalka Sare Abshir Bukhaari.

10/11/2019 11:28 AM EST
Jimco, October, 11, 2019 (HOL)-Laba gantaal ayaa lagu weeraray Markab saliidda qaada oo ay leedahay Iran, xilli uu ku safrayey Badda Cad, meel u dhow Sacuudi Carabiya, sida ay maanta ku warrameen saraakiil Iranian ah.

10/11/2019 8:57 AM EST
Jimco, October, 11, 2019 (HOL)-Wararka ka imanaya magaalada Jowhar ee xarunta dowlad gobolleedka Hirshabeelle ayaa sheegaya in iskahorimaad hubeysan duullaadka ah uu ku dhex maray ciidamada dowlada federalka iyo dagaalamayaal Al-Shabaab ah.

10/11/2019 7:19 AM EST
Jimco, October, 11, 2019 (HOL)-Diyaarad rakaab ayaa shil ku gashay garoonka diyaaradaha Wilson ee magaalada Nairobi kaddib markii diyaaradda ay ka baxday khadka garoonka ay diyaaradaha ku orddaan.

10/11/2019 6:53 AM EST
Jimco, October, 11, 2019 (HOL)-Aadan Barre Ducaale oo ah hoggaamiyaha aqlabiyada Baarlamaanka Kenya ayaa xaqiijiyay in dowladda Kenya wafdi sare u direyso caleemo saarka madaxweynaha Jubbaland Axmed Maxamed Islaam

10/11/2019 5:34 AM EST
Jimco, October, 11, 2019 (HOL)-Ra'iisul wasaaraha Itoobiya, Abiy Axmed ayaa ku guuleystay biladda abaal marinta nabadda.

10/11/2019 4:04 AM EST
Jimco, October, 11, 2019 (HOL)-Magaalada Kismaayo ee xarunta KMG u ah maamulka Jubbaland waxaa ku sugan inta badan siyaasiyiinta mucaaradka ku ah dowladda hadda jirta ee Federaalka, waxaana ka mid ah mas'uuliyiinta Kismaayo ku sugan madaxweynayaashii hore ee Soomaaliya Xasan Sheekh Maxamuud iyo Shariif Sheekh Axmed.

10/11/2019 1:58 AM EST
Jimco, October, 11, 2019 (HOL)-Madaxweynaha Jamhuuriyadda Federaalka Soomaaliya Maxamed Cabdullaahi Farmaajo oo khudbad ka jeediyey furitaanka Beerta Midnimada oo ah mashruuc dalxiis oo laga hirgeliyey dalka Itoobiya ayaa sheegay in fududeynta isu-socodka iyo duulimaadyada tooska ah ee Soomaaliya iyo Itoobiya ay saameyn wanaagsan ku yeesheen iskaashiga ganacsi ee labada dal.

10/11/2019 1:48 AM EST
Jicmo, October, 11, 2019 (HOL)- Wasaaradda Arrimaha Dibadda iyo Iskaashiga caalamiga ah ee Soomaaliya ayaa u yeertay safiirka Dowladda Kenya u fadhiya Jamhuuriyadda Federaalka Soomaaliya Mudane Lucas Tumbo.