10/15/2019
Today from Hiiraan Online:  _
Wararka Maanta- Jimco, Oct 11, 2019
Kulamo wadatashi ah oo ka soconaya magaalada Kismaayo


 

Jimco, October, 11, 2019 (HOL)-Magaalada Kismaayo ee xarunta KMG u ah maamulka Jubbaland waxaa ku sugan inta badan siyaasiyiinta mucaaradka ku ah dowladda hadda jirta ee Federaalka, waxaana ka mid ah mas'uuliyiinta Kismaayo ku sugan madaxweynayaashii hore ee Soomaaliya Xasan Sheekh Maxamuud iyo Shariif Sheekh Axmed.

Wasiirka Wasaaradda Warfaafinta Jubbaland Cabdi Xusseen Sheekh Maxamed oo warbaahinta gudaha la hadlay ayaa sheegay in sababta mas'uuliyiintan u soo gaareen Kismaayo aheyd oo kaliya in ay ka qeybgalaan caleemo saarka madaxweyne Axmed Madoobe, balse sidoo kale ay jiri doonaan sida uu hadalka u dhigay kulamo wada tashi ah oo looga arrinsanayo  marxaladaha siyaasadeed ee dalka.

''Isku imaatinka mas'uuliyiinta ma'aha caleemo saar oo kaliya ee waxaa jira kulamo looga wada-hadlayo masiirka Umadda Soomaaliya Soomaaliya, Asxaab kala duwan ayaa timid, waxaa laga wada hadlayaa siyaasada Soomaaliya ee jahwareerka gashay, '' ayuu yiri Wasiirka.

Waxaa uu intaa ku daray in wax-yaabaha laga wada hadlayo ka mid yihiin sida loo wajahayo doorashooyinka soo socda ee dalka la filayo in ay ka dhacaan, iyo arrimo ay ka mid yihiin dhameystirka Dastuurka iyo hagaajinta siyaasadda.

Axmed Madoobe madaxweynaha caleemo saarkiisa loo joogo Kismaayo ayaa ku eedeeyay dowladda Soomaaliya in ay ka weecatay sida uu hadalka u dhigay nidaamkii lagu soo heshiiyay oo ay Umadda Soomaalyeed isku raacsanaayeen, sidaa daraadeed muhiim tahay in Soomaalidu ka wada hadlaan ayahooda.

C/raxmaan Diini, Hiiraan Online
[email protected] 

 










Click here
10/11/2019 4:45 PM EST
Jicmo, October, 11, 2019 (HOL)- Waxaa duleedka magaalada Addisababa Bishoftu Itoobiya, kusoo gababoobay shirkii 64-aad Wasiirada Beeraha Bariga Africa ee Ururka Bariga Africa ee la dagaalanka Ayaxa Saxaraha(DCL0-EA) 10th-11th October 2019.

10/11/2019 2:34 PM EST
Jicmo, October, 11, 2019 (HOL)- Waxaa maanta ka deggay magaalada Kismaayo ee xarunta KMG u ah maamulka Jubbaland wafdi uu horkacayay guddoomiye ku-xigeenka Koowaad Aqalka Sare Abshir Bukhaari.

10/11/2019 11:28 AM EST
Jimco, October, 11, 2019 (HOL)-Laba gantaal ayaa lagu weeraray Markab saliidda qaada oo ay leedahay Iran, xilli uu ku safrayey Badda Cad, meel u dhow Sacuudi Carabiya, sida ay maanta ku warrameen saraakiil Iranian ah.

10/11/2019 8:57 AM EST
Jimco, October, 11, 2019 (HOL)-Wararka ka imanaya magaalada Jowhar ee xarunta dowlad gobolleedka Hirshabeelle ayaa sheegaya in iskahorimaad hubeysan duullaadka ah uu ku dhex maray ciidamada dowlada federalka iyo dagaalamayaal Al-Shabaab ah.

10/11/2019 7:19 AM EST
Jimco, October, 11, 2019 (HOL)-Diyaarad rakaab ayaa shil ku gashay garoonka diyaaradaha Wilson ee magaalada Nairobi kaddib markii diyaaradda ay ka baxday khadka garoonka ay diyaaradaha ku orddaan.

10/11/2019 6:53 AM EST
Jimco, October, 11, 2019 (HOL)-Aadan Barre Ducaale oo ah hoggaamiyaha aqlabiyada Baarlamaanka Kenya ayaa xaqiijiyay in dowladda Kenya wafdi sare u direyso caleemo saarka madaxweynaha Jubbaland Axmed Maxamed Islaam

10/11/2019 5:34 AM EST
Jimco, October, 11, 2019 (HOL)-Ra'iisul wasaaraha Itoobiya, Abiy Axmed ayaa ku guuleystay biladda abaal marinta nabadda.

10/11/2019 1:58 AM EST
Jimco, October, 11, 2019 (HOL)-Madaxweynaha Jamhuuriyadda Federaalka Soomaaliya Maxamed Cabdullaahi Farmaajo oo khudbad ka jeediyey furitaanka Beerta Midnimada oo ah mashruuc dalxiis oo laga hirgeliyey dalka Itoobiya ayaa sheegay in fududeynta isu-socodka iyo duulimaadyada tooska ah ee Soomaaliya iyo Itoobiya ay saameyn wanaagsan ku yeesheen iskaashiga ganacsi ee labada dal.

10/11/2019 1:48 AM EST
Jicmo, October, 11, 2019 (HOL)- Wasaaradda Arrimaha Dibadda iyo Iskaashiga caalamiga ah ee Soomaaliya ayaa u yeertay safiirka Dowladda Kenya u fadhiya Jamhuuriyadda Federaalka Soomaaliya Mudane Lucas Tumbo.