Isniin, November, 11, 2019 (HOL)-Wararka ka imanaya deegaanka Tareedisho ee dulleedka magaalada Muqdisho ayaa sheegaya in gaari ay la socdeen ciidamada dowladda lala eegtay Qarax Miino.
Dad ku sugnaa goobta uu qaraxu ka dhacay ayaa warbaahinta u sheegay in miino nooca dhulka lagu aaso ah lala eegtay gaari ay la socdeen ciidamada dowladda, islamarkaana uu jiro khasaare kala duwan oo ka dhashay qaraxa.
Ciidamada la bartilmaameedsaday ayaa la sheegay in qaraxa kaddib ay fureen rasaas culus taasoo argagax ku riday dadkii ka agta dhawaan goobta.
Inta badan Waddada xiriirisa magaalooyinka Muqdisho iyo Afgooye waxaa ka dhaca qaraxyo miino lagula eegtaa ciidamada dowladda iyo kuwa AMISOM inta ay ku socdaalayaan wadadaas.