Isniin, November,
11, 2019 (HOL)- Ra’iisal Wasaaraha Xukuumadda Soomaaliya Xassan Cali
Kheyre ayaa dalka Faransiiska uga qeybgalaya Madasha Nabada Paris ee dalka
Faransiiska.
Shirka oo maanta furmaya ayaa waxaa uu socon
doonaa ilaa 13bisha,waxaana looga hadlayaa Nabadda iyo Amniga, arrimaha horumarinta,
deegaanka, tegnoolojiyadda cusub, dhaqaalaha loo dhan-yahay, dhaqanka iyo
waxbarashada, waxaana sidoo kale lagooga doodayaa xal u helidda dhibaatooyinka
caalamka ka jira.
Kulanka ayaa waxaa ka qeybgalaya madax ka socota
dalalka caalamka iyo hey’addaha caalamiga ah, waxaana Ra’iisul Wasaare Xassan
Cali Khayre inta uu ku sugan-yahay Faransiiska kulamo doceedyo uu la qaadanayaa
qaar kamid ah madaxda kala duwan ee kasoo qayb geleysa kulanka.
Dhinaca kale, Ra’iisul Wasaare Khayre ayaa
safarkiisa Faransiisaka kadib waxuu tegayaa magaalada Brussels ee dalka
Belgium, oo uu kula kulmayo hoggaanka cusub ee midawga Yurub.
C/raxmaan Diini, Hiiraan Online
[email protected]
