3/29/2024
Today from Hiiraan Online:  _
Wararka Maanta- Arbaco, Jun 26, 2019
Hargeysa oo looga dabaaldegay sanad guuradii 59 aadka soo wareegtay 26 june


Arbaco, June, 26 2019 (HOL)-  Xuska 59 guuradii ka soo wareegtay maalintii Ingiriiska ka qaateen xoriyadda Somaliland ee 26 june ayaa xalay lagu xusay magaaladda Hargeysa, waxaana ka soo qaybgallay madax iyo shicib faro badan oo xusayey maalintan.

Munaasibadda loogu dabbaaldegayo sannad-guurada 59-guurada kasoo wareegtay 26-kii, ayaa waxa ka qaybgalay madaxweynaha Somaliland, Mudane Muuse Biixi Cabdi, madaxweyne-ku-xigeenkiisa, mudane Cabdiraxmaan Cabdilaahi Ismaaciil (Saylici), madaxweynihii hore ee Somaliland, mudane Axmed Maxamed Maxamuud (Siilaanyo), shirguddoonka goleyaasha guurtida iyo wakiillada, guddoomiyaha maxkamadda sare ee Somaliland, garyaqaan Aadan Xaaji Cali, hoggaanka saddexda xisbi qaran ee UCID, KULMIYE iyo WADDANI, qaar kamid ah madaxweyne-ku-xigeennadii hore ee Somaliland, wakiillo ka socda dalalka Jabuuti, Itoobiya iyo Turkiga, qaar ka mid ah golaha wasiirradda, xildhibaanno, siyaasiyiin, haldoor, haween, badiba labeenta bulshada reer Somaliland iyo marti-sharaf kale oo tiro badan, waxana munaasibadda laga jeediyey hadallo salka ku haya muhiimadda ay maalintaasi leedahay iyo taariikhda ma guuraanka ah ee ay xambaarsan tahay.

Xubno ay kamid yihiin guddoomiyaha ku meel-gaadhka ah ee xisbiga WADDANI, Mudane Cabdiqaadir Xaaji Ismaaciil Jirde, guddoomiyaha xisbiga UCID, Eng. Faysal Cali-waraabe, wasiirka wasaaradda horumarinta beeraha, mudane Axmed Muumin Seed, wasiirkii hore ee wasaaradda gaashaandhigga, mudane Axmed Xaaji Cali Cadami, Abwaan Maxamed Aadan Dacar oo munaasibadda ka hadlay, ayaa si isku mid ah u sharraxay muhiimadda ay munaasibadda 26-ka June u leedahay guud ahaanba ummadda reer Somaliland iyo sida ay mudan tahay in wax badan laga barto taariikhda ku duugan.

Madaxweyne Biixi oo munaasibadda loogu dabbaal-degayey 59-guurada kasoo wareegtay 26-kii June sannadkii 1960-kii, ayaa ugu horrayn ka hadlay taariikhda ku duugan munaasibaddaas iyo sidii ay ku timi, waxana uu sheegay inay Somaliland kamid tahay dalalka Afrika ee ugu taariikhda dheer.

“Xorriyadda Somaliland waxa ay kasoo bilaabantaa markii qarnigii 18-aad ay odayaasha Somaliland Ingiriiska kula saxeexdeen badda ee dhammaan odayaasha Somaliland oo dhammi uu mid waliba uu halkiisa kaga saxeexday qodobbada ah, annagu isticmaar noqon maynno, dushaad naga ilaalinaysaa, dhulkayaga kuma dhali kartid, markaannu ku nidhaahno naga tagna waad naga tegaysaa. U mallayn maayo dal Afrikaan ah oo intaas haleelay inuu jiro, taariikhduna halkaasay kasoo bilaabantaa,” ayuu yidhi madaxweyne Muuse Biixi Cabdi.

Sidoo kale, waxa uu madaxweynuhu si gaar ah carrabka ugu adkeeyey shuruudaha aan la aqbali Karin ee ay dawladda Sucuudigu ku xidhay dhoofka xoolaha Somaliland, isaga oo sheegay in ganacsatada reer Somaliland ee xoolaha dhoofiyaa go’aan ku gaadheen inaanay u hoggaansamin shuruudaha uu sucuudigu dhoofinta xoolaha Somaliland ku hoos geeyey Soomaaliya, isaga oo dhammaanba dadka ka ganacsada dhoofka xoolaha Somaliland-na usoo jeediyey inay taageeraan go’aanka ay ganacsatadaasi ku taageereen qarannimada Somaliland.

Madaxweyne Biixi waxa uu dawladda Itoobiya ka tacsiyadeeyey saraakiishii iyo siyaasiyiintii la laayey, waxana uu sheegay inay xukuumad ahaan dareenka xanuunka leh la wadaagayaan shacabka iyo xukuumadda Itoobiyaba.

Ugu dambayntii waxa calanka Somaliland la saaray markii ay saacaddu ahayd ahayd 12:00-kii Habeennimo, iyada oo uu madaxweynuhu salaan siiyey calanka Somaliland.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
6/26/2019 11:13 AM EST
Arbaco, June, 26, 2019 (HOL)-Ra’iisul Wasaaraha Soomaaliya, Xasan Cali Khayre iyo wafdi uu hoggaaminayo oo safar dhulka uga soo baxay magaalada Madaxda Dowlad gobaleedka Galmudug ee Dhuusamareeb ayaa soo gaaray degmada Cadaado ee gobalka Galguduud.

6/26/2019 10:58 AM EST
Arbaco, June, 26, 2019 (HOL)-Maxkamad ku taalla caasimadda Itoobiya ee Addis Ababa waxaa ka soo muuqday dhowr qof oo loo haysto falal argagixisanimo iyo eedeedo kale oo la xiriira iskudaygii xilka looga tuurayay dawlad goboleedka Amxaarada ee Itoobiya.

6/26/2019 10:26 AM EST
Arbaco, June, 26, 2019 (HOL) -Ra’iisul Wasaare ku-xigeenka xukuumadda federaalka Soomaaliya, Mahdi Maxamed Guuleed (Khadar) iyo dhiggiisa dalka shiinaha oo ka wada hadlay horumarinta dhaqaalaha iyo ganacsiga labada dal ayaa si wadajir ah u sameeyay guddi dhaqaale oo ay xubna ka yihiin mas’uulyiin ka socda labada dal.

6/26/2019 10:19 AM EST
Arbaco, June, 26, 2019 (HOL) -Ra’iisul wasaaraha xukuumadda federaalka ee Soomaaliya, Xasan Cali Khayre ayaa socdaal dhulka ah ku maraya deegaannada gobolka Galgaduud ee dowlad-gobolleedka Galmudug.

6/26/2019 9:36 AM EST
Arbaco, June, 26, 2019 (HOL) -Madaxweynaha Soomaaliya Maxamed Cabdullaahi Farmaajo oo maamuusaya halgankii gobonnimo doonka Soomaaliyeed iyo geesiyaashii naftooda u huray sidii Soomaaliya ay uga xoroobi lahayd guumaystaha ayaa saaka ubax dhigay Taallada Dhagaxtuur ee magaalada Muqdisho.

6/26/2019 5:06 AM EST
Arbaco, June, 26, 2019 (HOL)-Dowladda Dalka Iiraan ayaa si cara leh ug ajawaabtay go’aankii dowladda Mareykanka ee ku aadanaa xayiraada hogaamiyaasha Iiraan,iyo saraakiil sar sare kuwaasi oo laga xayiray in wax galangal ah ay ku yeeshaan suuqa dhaqaalaha Caalamka.

6/26/2019 5:04 AM EST
Arbaco, June, 26, 2019 (HOL) -Ra’iisul Wasaaraha xukuumadda federaalka Soomaaliya, Xasan Cali Khayre oo bulshada magaalada Dhuusamareeb kala qayb galay munaasabadda xuska sannad guurada 59-aad ee xorriyadda goballada Waqooyi ee dalka, ayaa hambalyo u diray ummadda Soomaaliyeed.

6/26/2019 4:55 AM EST
Arbaco, June, 26, 2019 (HOL)-Degmada Cadaado ee xarunta KMG u ah dowlad gobolleedka Galmudug waxaa lagu wadaa in saacadaha soo socda uu gaaro ra'iisal wasaaraha xukuumadda Soomaaliya Xassan Cali Kheyre

6/26/2019 4:54 AM EST
Arbaco, June, 26, 2019 (HOL) -Munaasabad loogu dabaal-deggay sannad guurada 59-aad ee ka soo wareegtay xornimadii gobollada Waqooyi ee dalka ayaa xalay lagu qabtay magaalada Baydhabo ,iyadoo ay ka qeybgaleen madaxweynaha dowlad-gobolleedka Koonfurgalbeed, guddoomiyaha Baarlamaanka ee maamulka , mas’uuliyiin iyo qeybaha bulshada.

6/26/2019 4:50 AM EST
Arbaco, June, 26, 2019 (HOL) -Maxkamadda caalamiga ah ee cadaaladda (ICJ) ayaa ku dhawaaqday xilliga ay dib u billaabeyso dhageysiga kiiska Soomaaliya ay u gudbisay ee ka dhanka ah Kenya.

6/26/2019 1:27 AM EST
Arbaco, June, 26, 2019 (HOL)-Wasaaradda Warfaafinta xukuumadda Soomaaliya ayaa beenisay warqad been abuur ah oo Baraha bulshada lagu faafiyey ee sheegeysa in xilka laga qaaday Wasiir ku-xigeenka Batroolka Maxamed Cabdqaadir Hilaal.

6/26/2019 1:17 AM EST
Arbaco, June, 26, 2019 (HOL) -Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo ka qayb galay xuska sannad-guurada 59-aad ee ka soo wareegtay maalintii Xorriyadda Gobollada Waqooyi ee dalka ayaa u hambalyeeyay dhammaan shacabka Soomaaliyeed.