3/29/2024
Today from Hiiraan Online:  _
Wararka Maanta- Isniin, July 15, 2019
Xukuumadda Somaliland oo cambaaraysay weerarka siyaasadeed iyo dhaqaale ee dawladda Soomaaliya ku soo qaaday

 

Isniin, July, 15, 2019 (HOL)-Golaha wasiiradda Somaliland ayaa maanta kalfadhi aan caadi ahayn iskugu yimid sidii ay iskaga difaaci lahaayeen dagaalka siyaasadeed iyo dhaqaale ee ay ku soo qaaday dawlada SOomaaliya.

Shirkan aan caadiga ahayn waxa shirgudoominayey madaxweyne Muuse Biixi, waxaana ku wehelinaayey madaxweyne ku xigeenka C/raxmaan Saylici, kuwaas oo cambaareeyey Weerarka Siyaasadeed iyo Dhaqaale Ee Ka Soo Yeedhaya Soomaaliya

“Kal-fadhi aan caadi ahayn oo ay golaha wasiirradda Somaliland, maanta yeesheen oo uu shir gudoominayey Madaxweynaha Somaliland, Mudane Muuse Biixi Cabdi, kuna wehelinaayey Madaxweyne ku xigeenka Somaliland, Mudane Cabdiraxmaan Cabdilaahi Ismaaciil (saylici), ayaa lagu lafo-guray weerarka siyaasadeed iyo dhaqaale ee maamulka muqdisho ku hayo Somaliland, oo ay ugu danbaysay dacwaddii iyo dagaalkii ay u galeen sidii aanay xoolaha Somaliland u dhoofi lahayn, taasoo markhaati cad u ah carqaladaynta dhaqaalaha Somaliland, balse dedaal dheer oo dawladda Somaliland ka gashay sii daynta xoolahaasi ay ka degeen dalka sucuudiga.”ayaa lagu yidhi war-saxaafadeed ka soo baxay xafiiska madaxweynaha.

Waxaana intaas lagu sii daray “Golaha wasiirrada Somaliland waxa uu cambaaraynayaa weerarrada joogtada ah ee maamulka Xamar ku bartilmaameedsanayo horumarka Somaliland, taasoo muujinaysa cadaawadda aan gabbashada lahayn ee ay shacbiga Somaliland u hayaan.Waxa aan marnaba qarsoonayn is hortaaggii badheedhka ahaa ee ay maamulka Muqdisho isku dayeen in xoolo ka dhoofa dekeddaha Somaliland aanay ka degin dalka Sucuudiga. Balse waxa ayaandarro ah inay guuldarradaas ka dib sheegato Xamar, guusha Somaliland xoolaheeda ku geysay dalka Sucuudi Carabiya.

Dawladda Somaliland waxay si ballaadhan ugu mahadnaqaysaa dawladda boqortooyada Sucuudi Carabiya tallaabada geesinnimada leh ee ay ka qaadatay dejinta markabkii siday xoolaha ka dhoofay Somaliland kuna garawsatay muhiimadda isu socodka ganacsiga labada dal.”

Sidoo kale, waxa golaha wasiiradda lagu go’aamiyey in suuqyo ganacsi oo kale oo cusub loo raadiyo iibgeynta laf dhabarta dhaqaalaha ee xoolaha nool.

Si kastaba ha ahaatee, markab Xoollo ka qaaday dekada Berbera ayaa dhawr maalmood ku xayirnaa dekadda Jidda ee Sucuudiga ka dib markii dawladda Soomaaliya amartay in aan xoolahaasi sidan rusqadii caafimaad ee dawlada Soomaaliya, taasina ay keentay muran ah in la soo celiyo in aan la soo celin, ugu dambeynta maanta la fasaxay in laga dajiyo xoolahaasi.

Barkhad-ladiif M. Cumar, Hiiraan Online

[email protected]

Hargeysa, Somaliland. 













Click here
7/15/2019 3:39 PM EST
Isniin, July, 15, 2019 (HOL)-Allaha ha u naxariistee waxaa aas qaran loogu sameeyay magaalada Jigjiga labo ganacsade oo walaalo ahaa oo maanta gacan ka xaq daran ku dishay meel u dhaw magaalada Jigjiga oo Malawle lagu magacaabo.

7/15/2019 3:33 PM EST
Isniin, July, 15, 2019 (HOL)- Madaxweynaha dowlad-gobolleedka Jubbaland ,Axmed Maxamed Islaam ayaa maanta Aqalka martida ee magaalada Kismaayo ku qaabilay wakiilka gaarka ah ee Qaramada Midoobay u qaabilsan Soomaaliya James Swan iyo xubno kale oo kasocday hay'adda Qaramada Midoobay.

7/15/2019 2:05 PM EST
Isniin, July, 15, 2019 (HOL)-Ra’iisul Wasaaraha xukuumadda federaalka Soomaaliya (XFS) Mudane Xasan Cali Khayre, ayaa magaalada Dhuusamareeb ee xarunta dowlad gobaleedka Galmudug kula kulmay madaxweynaha Hirshabeelle, Maxamed Cabdi Waare

7/15/2019 1:04 PM EST
Isniin,July, 15, 2019 (HOL)-Madaxweynaha dowlad gobolleedka Hirshabeelle Maxamed Cabdi Waare oo maanta galinkii hore gaaray degmada Dhuusa-Mareeb ayaa sheegay in socdaalkoodu yahay mid qeyb ka ah dhiiri-galinta dadaallada lagu dhisayo Galmudug cusub.

7/15/2019 11:49 AM EST
Isniin, July,15,2019 (HOL)-Shirkadda duulimaadyada ee Ethiopian Airline ayaa maanta duulimaadkii u horreeyay ka billowday magaalada Garoowe ee xarunta Puntland.

7/15/2019 11:40 AM EST
Isniin, July,15,2019 (HOL)-Wasiirka waxbarashada Xukuumadda Federaalka Soomaaliya Cabdullaahi Goodax Barre ayaa maanta xariga ka jaray qeyb ka mid ah Xarunta Akademiyada, Cilmiga, Fanka iyo Suugaanta oo dayactir lagu sameynayo, isla markaana ay maalgelinayso Midowga Yurub.

7/15/2019 10:18 AM EST
Isniin, July,15,2019 (HOL)- Wasiirka Shaqada iyo Arrimaha Bulshada xukuumadda federaalka ah ee Soomaaliya, Mudane Sadiiq Xirsi Warfaa ayaa maanta si rasmi ah magaalada Garoowe uga furay shir weynaha madasha mustaqbalka shaqo ee dalka oo ay ku miideysanyihiin dowladda federaalka iyo dowlad-gobolleedyada.

7/15/2019 9:38 AM EST
Isniin, July,15,2019 (HOL)- SomBank oo ah Bangi si gaar ah loo leeyahay ayaa furay laanta koowaad ee Soomaaliya oo laga furay magaalada Garoowe iyada oo maalmaha soo socdana la furi doono xarunta weyn ee Muqdisho.

7/15/2019 5:25 AM EST
Isniin, July,15,2019 (HOL)-Wasiirka wasaaradda arimaha dibadda iyo iskaashiga caalamiga mudane Axmad Ciise Cawad oo booqasho rasmi ah ku yimid dalka Jamhuuriyadda Ireland ayaa si maqaamkeedu sarreeyo waxaa loogu soo dhaweeyay Dublin-Ireland, isagoo markuu garoonka diyaaradaha ka soo degayba wasiirka iyo wafdigiisaba loo galbiyay xarunta wasaarada arrimaha dibadda Ireland, halkaas oo uu kula kulmay Ra’iisul wasaare ku xigeenka (The Tánaiste) ahna wasiirka arimaha dibadda dalka Ireland, Simon Conveney.

7/15/2019 5:13 AM EST
Isniin, July,15,2019 (HOL)-Shirkadda duulimaadka ee Ethiopian Airline ayaa goor dhow la sugaya inay duulimaadkii u horreeyay ku timaado magaalada Garoowe ee xarunta Puntland.

7/15/2019 4:45 AM EST
Isniin, July,15,2019 (HOL)-Dhul gariir halbeegiisu ahaa 5 rektar iskeel ayaa la sheegay fiidnimaddii xalay inuu ku dhuftay deegaan 106 mayl dhanka Waqooyi galbeed kaga toosan degmadda Bereeda oo u dhow degmadda Caluula ee gobalka Bari.

7/15/2019 4:40 AM EST
Isniin, July,15,2019 (HOL)-Ra’iisul wasaaraha dalka Canada, Justin Trudeau ayaa ka tacsiyeeyay geerida Hodan Naaleeye iyo seygeeda Jaamac Faarid, wuxuu tacsi u diray dhammaan ehelada iyo qoyska.

7/15/2019 4:04 AM EST
Isniin, July,15,2019 (HOL)-Puntland waxaa ka socda qaban qaabo loogu jiro shir weynaha maalgashiga, oo lagu tilmaamay midkii ugu horreeyay ee lagu qabanayo.

7/15/2019 1:32 AM EST
Isniin, July, 15, 2019 (HOL)-Olole lagu baadi goobayo dadka magangalyo doonka ah ee sharci darrada ku jooga gudaha dalkan maraykanka ayaa laga bilaabay gobolada dalkan oo dhan Axaddii shalay.

7/15/2019 1:17 AM EST
Isniin, July,15,2019 (HOL)-Guddaha magaalada Dhuusa-Mareeb saacadihii ugu danbeeyayb waxaa ka soconayay howlgalo Amaanka lagu sugayo kaddib qaraxyadii is xig xigay ee maalintii shalay halkaa ka dhacay.