Senator sheegay in Xildhibaan Boqorre toddobaad ka hor laga kaxeystay ilaaladiisii
Axad, Feberaayo, 24, 2019 (HOL)- Senator Xusseen Sheekh Maxamuud oo ka mid ah
Golaha Aqalka Sare ee Soomaaliya ayaa sheegay in toddobaad ka hor ciidamadii
ilaalada u ahaa laga kaxeystay alle ha u naxariisteen xildhibaan Cismaan Cilmi
Boqorre oo shalay gallinkii danbe lagu dilay magaalada Muqdisho.
Senator –ka ayaa intaa ku daray
in xildhibaanka la dilay ay ka wada tirsanaayeen Xisbiga UPD ee uu hoggaamiyo
madaxweynihii hore ee Soomaaliya Xassan Sheekh Maxamuud.
‘’ Xildhibaanka oo aan kulanay toddobaadka hor wuxuu ka walaacsanaa Amnigiisa gaar ka ah
maadaama taliska ciidamadaBooliska ay ka kaxaysteen ciidamadii ilaalada u ahayd
sida uu ii sheegay”ayuu yiri Senator Xuseen Sheekh Maxamuud.
Xildhibaan ayaa inta badan khudbadiisa
Baarlamaanka waxaa uu ku boorin jiray xidhibaannada in ay ka soo baxaan
hotellada iyo madaxtooyada oo ay degaan xaafaddaha dhaxdooda si bulshadu ugu
kalsoonaato madaxdooda.
Wuxuu uu degnaa degmada Kaaraan ee Waqooyiga
Muqdisho inta badanna waxaa la arki jiray isaga oo si xor ah isaga dhaxmaraya
magaalada Muqdisho.
Madaxweynaha dowladda Soomaaliya Maxamed
Cabdullaahi Farmaajo ayaa amray laamaha amniga in baaritaan dheeraad ah lagu
sameeyo cida ka danbeysa dilka xildhibaanka.
C/raxmaan Diini, Hiiraan Online
[email protected]