12/15/2019
Today from Hiiraan Online:  _
Wararka Maanta- Talaado, Dec 3 , 2019
Golaha Guurtida oo wax ka bedel ku samaysay xeerka ismaamulka gobolada iyo degmooyinka Somaliland


 

Talaado, December 03,  2019  (HOL )– Golaha Guurtida Somaliland ayaa maanta ansixiyey xeerka ismaamulka gobolada iyo degmooyinka oo wax ka  bedel iyo kaabis ku sameeyey ka dib markii golaha Wakiiladu usoo gudbiyeen.

Golaha Guurtida ayaa wax ka bedelkii uu golaha Wakiiladu ku soo sameeyey xeerka ismaamulka gobolada iyo degmooyinka kuwaas oo kaabis iyo wax ka bedel ku sameeyey.

Golaha Guurtidu waxay xeerkan wax ka bedel kaga sameeyeen 16 qodob, waxaana ka mid ah qodobada ugu muhiimsan ee wax laga bedelay kuwan hoos ku qoran:

Golaha Guurtidu waxay wax ka bedel ku sameeyeen darajooyinka degmooyinkii darajadda C-da ahaan jirey oo ay u dalacsiiyeen darajooyinka B, kuwaas oo kala ah degmadda Caynaba, Taleex iyo Balligubadle,si ay ula jaanqaadan gobolada cusub ee degmooyinkoodda ahaa darajooyinka B .

Waxa kale oo ay wax ka bedel ku sameeyeen tiradii lagu ridi jirey gudoomiyeyaasha degmooyinka golaha deegaamadda oo awal ahaan jirey hal dheeri, waxa hadda laga dhigay saddex meelood laba ka qaadi karta xilka gudoomiyeyaasha degmooyinka ama maayiradda dalka waxaana lala meeqaam dhigay goleyaasha Baarlamaanka oo kale.

Qodobada kale ee wax laga bedelay waxa ka mid ah marka uu muddo xileedka goleayasah deegaanku dhamaado may jirin cid u kordhin karaysay, waxaase lagu soo daray qodob tilmaamaya in golaha Guurtiddu muddo xileedkooda u kordhin karto sida goleyaasha kale u kordhiso oo kale

Sidoo kale waxa wax ka bedel ku sameeyeen in xildhibaanka golaha deegaanku xasaanad leeyahay halka golaha Wakiiladu xeerka ku soo dareen in xildhibaanada goleyaasha deegaanka aanu xasaanad lahayn marka laga reebo maayarka iyo ku xigeenka mooyee.

Mudooyinkii u dambeeyey xeerar badan oo ay soo ansixiyeen golaha Wakiilada waxa dib u celiyey golaha Guurtida, halka qaarkood wax ku bedel ku sameeyeen.

Barkhad-ladiif M. Cumar, Hiiraan Online

[email protected]

Hargeysa, Somaliland.

 










Click here
12/3/2019 11:31 AM EST
Talaado, December, 03, 2019 (HOL)- Wareegto ka soo baxay madaxweynaha dowlad gobolleedka Hirshabeelle Maxamed Cabdi Waare ayaa xilalkii looga qaaday Wasiirradii Amniga iyo Warfaafinta.

12/3/2019 10:13 AM EST
Talaado, December, 03, 2019 (HOL)- Wasaaradda Deegaanka, Beeraha iyo Isbedelka Cimilada Puntland ayaa shacabka Puntland uga digaytay roobab wata dabaylo oo ku soo wajahan xeebaha Badweynta Hindiya (Garacad, Eyl, Suuj, Bayla).

12/3/2019 6:28 AM EST
Talaado, December, 03, 2019 (HOL)- Dowladda Mareykanka ayaa ku dhawaaqday in ay ku bixineyso lacag dhan $ 5 Milyan oo dollar madaxa Labo sarkaal oo lagu magacaabo Omar Shafik Hammami iyo Jehad Serwan Mostafa kuwaa oo ka tirsan Ururka Al-shabaab.

12/3/2019 6:27 AM EST
Talaado, December, 03, 2019 (HOL)-Dowlad goboleedka Puntland ayaa shaaciyay in bishii 11-aad shaqadii laga ruqseeyay sarkaal hoggaaminayay ciidamo ku biiray Somaliland oo lagusoo bandhigay degmada Taleex ee gobolka Sool.

12/3/2019 5:39 AM EST
Talaado, December, 03, 2019 (HOL)-Dowladda Soomaaliya ayaa mar kale digniin culus ka soo saartay Fatahaaddo hor leh oo ku dhufta qeybo ka mid ah dalka Soomaaliya.

12/3/2019 4:08 AM EST
Talaado, December, 03, 2019 (HOL)-Inta la xaqiijinayo hal qof ayaa ku dhintay labo ruux kalana waxaa ay ku dhaawacmeen rasaas ciidamada AMISOM ay ku fureen dad dibadbaxayaal ah degmada Buula-burte ee gobolka Hiiraan

12/3/2019 3:50 AM EST
Talaado, December, 03, 2019 (HOL)-Duufaan magaceeda lagu sheegay Ambali oo sidata Roobab culus ayaa la filayaa inay ku dhufato dhulka ku teedsan xeebaha badweynta Hindiya ee koonfurta iyo waqooyi bari ee Soomaaliya.

12/3/2019 12:51 AM EST
Talaado, December, 03, 2019 (HOL)- Waxey aheyd maalin murugo badan oo xasuus ku reebtay Qalbiyada bulshada Soomaaliyeed meel kasta oo ay joogaan 03 bishii December, 2009 maanta oo kale ka dhacay Hotelka Shaamow ee magaalada Muqdisho munaasabad ay ku qalin jabinayaan Ardey Soomaaliyeed oo u badnaa dhakhaatiir ka baxday Jaamacadda Banaadir.

12/3/2019 12:33 AM EST
Talaado,December,03, 2019 (HOL)- Wararka naga soo gaaraya degmada Buula-burte ee gobolka Hiiraan ayaa sheegaya in subaxnimadii hore ee saakay uu halkaa ka bilaawday dibadbax looga soo horjeedo booqasho uu maanta ku taggi lahaa degmada Wasiirka Arrimaha Gudaha Hirshabeelle Maxamed Cali Caadle.