12/15/2019
Today from Hiiraan Online:  _
Wararka Maanta- Talaado, Dec 3 , 2019
Dibadbax looga soo horjeedo Wasiirka Arrimaha Gudaha Hirshabeele oo ka socda Buula-burte


 

Talaado, December, 03, 2019 (HOL)- Wararka naga soo gaaraya degmada Buula-burte ee gobolka Hiiraan ayaa sheegaya in subaxnimadii hore ee saakay uu halkaa ka bilaawday dibadbax looga soo horjeedo booqasho uu maanta ku taggi lahaa degmada Wasiirka Arrimaha Gudaha Hirshabeelle Maxamed  Cali Caadle.

Dad isku soo baxay ayaa xiray dariiqdayada muhiimka ah ee degmada iyo waddada ka timaada Garoonka diyaaradaha degmada Buula-burte, iyaga oo ku dhawaaqaya erayo ka dhan ah Wasiir Cadaale oo ku eedeynayaan in uu  sabab u yahay xiisadda siyaasadeed ee muddo dheerba ka soo jirtay degmada.

Degmada Buulo Burde ee Gobolka Hiraan ayaa waxaa ku sugan wafdi uu  horkacayo la-taliye sare oo ka tirsan Xafiiska Madaxweynaha  Hirshabeelle iyo Wasiiro, iyaga oo ku howlan sidii loo xalin lahaa  xiisada ka dhalatay isbedelkka lagu sameeyey Maamulkii degmada Buulo  Burde.

Wasiirka Arrimaha Gudaha Hirshabeelle ayaa wax ka yar Bil isku kala badalay ilaa saddex guddoomiye oo ay yeelaneyso degmada Buula-burte, taasoo la yaab ku noqotay dadka degmada Buula-burte, iyaga oo arintaa ku tilmaamay mid la doonayo in bulshada leysaga horkeeno.

C/raxmaan Diini, Hiiraan Online
[email protected] 


 

 

 










Click here
12/3/2019 11:31 AM EST
Talaado, December, 03, 2019 (HOL)- Wareegto ka soo baxay madaxweynaha dowlad gobolleedka Hirshabeelle Maxamed Cabdi Waare ayaa xilalkii looga qaaday Wasiirradii Amniga iyo Warfaafinta.

12/3/2019 10:13 AM EST
Talaado, December, 03, 2019 (HOL)- Wasaaradda Deegaanka, Beeraha iyo Isbedelka Cimilada Puntland ayaa shacabka Puntland uga digaytay roobab wata dabaylo oo ku soo wajahan xeebaha Badweynta Hindiya (Garacad, Eyl, Suuj, Bayla).

12/3/2019 9:21 AM EST
Talaado, December 03, 2019 (HOL )– Golaha Guurtida Somaliland ayaa maanta ansixiyey xeerka ismaamulka gobolada iyo degmooyinka oo wax ka bedel iyo kaabis ku sameeyey ka dib markii golaha Wakiiladu usoo gudbiyeen.

12/3/2019 6:28 AM EST
Talaado, December, 03, 2019 (HOL)- Dowladda Mareykanka ayaa ku dhawaaqday in ay ku bixineyso lacag dhan $ 5 Milyan oo dollar madaxa Labo sarkaal oo lagu magacaabo Omar Shafik Hammami iyo Jehad Serwan Mostafa kuwaa oo ka tirsan Ururka Al-shabaab.

12/3/2019 6:27 AM EST
Talaado, December, 03, 2019 (HOL)-Dowlad goboleedka Puntland ayaa shaaciyay in bishii 11-aad shaqadii laga ruqseeyay sarkaal hoggaaminayay ciidamo ku biiray Somaliland oo lagusoo bandhigay degmada Taleex ee gobolka Sool.

12/3/2019 5:39 AM EST
Talaado, December, 03, 2019 (HOL)-Dowladda Soomaaliya ayaa mar kale digniin culus ka soo saartay Fatahaaddo hor leh oo ku dhufta qeybo ka mid ah dalka Soomaaliya.

12/3/2019 4:08 AM EST
Talaado, December, 03, 2019 (HOL)-Inta la xaqiijinayo hal qof ayaa ku dhintay labo ruux kalana waxaa ay ku dhaawacmeen rasaas ciidamada AMISOM ay ku fureen dad dibadbaxayaal ah degmada Buula-burte ee gobolka Hiiraan

12/3/2019 3:50 AM EST
Talaado, December, 03, 2019 (HOL)-Duufaan magaceeda lagu sheegay Ambali oo sidata Roobab culus ayaa la filayaa inay ku dhufato dhulka ku teedsan xeebaha badweynta Hindiya ee koonfurta iyo waqooyi bari ee Soomaaliya.

12/3/2019 12:51 AM EST
Talaado, December, 03, 2019 (HOL)- Waxey aheyd maalin murugo badan oo xasuus ku reebtay Qalbiyada bulshada Soomaaliyeed meel kasta oo ay joogaan 03 bishii December, 2009 maanta oo kale ka dhacay Hotelka Shaamow ee magaalada Muqdisho munaasabad ay ku qalin jabinayaan Ardey Soomaaliyeed oo u badnaa dhakhaatiir ka baxday Jaamacadda Banaadir.