12/15/2019
Today from Hiiraan Online:  _
Wararka Maanta- Talaado, Dec 3 , 2019
Duufaan iyo Roobab culus oo laga cabsi qabo inay ku dhuftaan xeebaha bari ee Soomaliya


  

Talaado, December, 03, 2019 (HOL)-Duufaan magaceeda lagu sheegay Ambali oo sidata Roobab culus ayaa la filayaa inay ku dhufato dhulka ku teedsan xeebaha badweynta Hindiya ee koonfurta iyo waqooyi bari ee Soomaaliya.

Hiiraan Online oo soo xiganaysa warbixin uu qoray website-ka faalooda  cimilada ee la yiraahdo accuweathe, ayaa sheegaysa, in ay duufaantaan kasoo bilaabanayso jasiiradda Madagaskar oo kutaala badwayenta Hindia, iyadoo kadibna kusoo fidaysa illaa xeebaha bari ee Soomaaliya.

Roobabka xoogooda ayaa lagu wadaa inay gaaraan qaar kamid ah magaalooyinka Puntland, sida Garowe, Gaalkacyo iyo Bosaso, waxayna arrintaan dhacaysaa afarta illaa shanta bisha December.

Hiiraan Online oo la xidhiidhtay agaasimaha hay'adda maaraynta masiibooyinka ee maamulka Puntland, Cabdullaahi Axmed Ceyrow, ayaa u sheegay in hay'addu sameynayso qiimayn kadibna ay warbaahinta macluumaad siindoonaan.

Wasiir ku xigeenka wasaaradda gargaarka Soomaaliya, Abdirashiid Mohamud Hassan oo ahaa masuulkii ugu horeeyay ee arintaan ka hadla ayaa ku baaqay in la helo wacyigalin warbaahineed oo loogu digayo dadka ku nool deegaanadaas.

Wixii kusoo kordha kala soco Hiiraan Online.

Abdiweli Mohamed Sheikh, Hiiraan Online









Click here
12/3/2019 11:31 AM EST
Talaado, December, 03, 2019 (HOL)- Wareegto ka soo baxay madaxweynaha dowlad gobolleedka Hirshabeelle Maxamed Cabdi Waare ayaa xilalkii looga qaaday Wasiirradii Amniga iyo Warfaafinta.

12/3/2019 10:13 AM EST
Talaado, December, 03, 2019 (HOL)- Wasaaradda Deegaanka, Beeraha iyo Isbedelka Cimilada Puntland ayaa shacabka Puntland uga digaytay roobab wata dabaylo oo ku soo wajahan xeebaha Badweynta Hindiya (Garacad, Eyl, Suuj, Bayla).

12/3/2019 9:21 AM EST
Talaado, December 03, 2019 (HOL )– Golaha Guurtida Somaliland ayaa maanta ansixiyey xeerka ismaamulka gobolada iyo degmooyinka oo wax ka bedel iyo kaabis ku sameeyey ka dib markii golaha Wakiiladu usoo gudbiyeen.

12/3/2019 6:28 AM EST
Talaado, December, 03, 2019 (HOL)- Dowladda Mareykanka ayaa ku dhawaaqday in ay ku bixineyso lacag dhan $ 5 Milyan oo dollar madaxa Labo sarkaal oo lagu magacaabo Omar Shafik Hammami iyo Jehad Serwan Mostafa kuwaa oo ka tirsan Ururka Al-shabaab.

12/3/2019 6:27 AM EST
Talaado, December, 03, 2019 (HOL)-Dowlad goboleedka Puntland ayaa shaaciyay in bishii 11-aad shaqadii laga ruqseeyay sarkaal hoggaaminayay ciidamo ku biiray Somaliland oo lagusoo bandhigay degmada Taleex ee gobolka Sool.

12/3/2019 5:39 AM EST
Talaado, December, 03, 2019 (HOL)-Dowladda Soomaaliya ayaa mar kale digniin culus ka soo saartay Fatahaaddo hor leh oo ku dhufta qeybo ka mid ah dalka Soomaaliya.

12/3/2019 4:08 AM EST
Talaado, December, 03, 2019 (HOL)-Inta la xaqiijinayo hal qof ayaa ku dhintay labo ruux kalana waxaa ay ku dhaawacmeen rasaas ciidamada AMISOM ay ku fureen dad dibadbaxayaal ah degmada Buula-burte ee gobolka Hiiraan

12/3/2019 12:51 AM EST
Talaado, December, 03, 2019 (HOL)- Waxey aheyd maalin murugo badan oo xasuus ku reebtay Qalbiyada bulshada Soomaaliyeed meel kasta oo ay joogaan 03 bishii December, 2009 maanta oo kale ka dhacay Hotelka Shaamow ee magaalada Muqdisho munaasabad ay ku qalin jabinayaan Ardey Soomaaliyeed oo u badnaa dhakhaatiir ka baxday Jaamacadda Banaadir.

12/3/2019 12:33 AM EST
Talaado,December,03, 2019 (HOL)- Wararka naga soo gaaraya degmada Buula-burte ee gobolka Hiiraan ayaa sheegaya in subaxnimadii hore ee saakay uu halkaa ka bilaawday dibadbax looga soo horjeedo booqasho uu maanta ku taggi lahaa degmada Wasiirka Arrimaha Gudaha Hirshabeelle Maxamed Cali Caadle.