10/25/2020
Today from Hiiraan Online:  _
Wararka Maanta- Isniin, July 2 , 2018
Dowladda Britain oo qalab ku kacaya 5.6 million ugu deeqday howlgalka midowga Africa AMISOM



Isniin,  July, 02, 2018 (HOL)–Dowladda Britain ayaa qalab uu qiimahooda gaarayo 5.6 milyan oo baund ugu deeqday Hawlgalka Midowga Afrika ee Soomaaliya (AMISOM) si ay gacan uga geystaan nadiifinta waddooyinka muhiimka ah xilli ay ciidamadu sii xoojinayaan hannaanka kala-guurka ah ee ku saleysan shuruudo.

Qalabkan oo ay ka mid yihiin gaadiidka cagafta nooca xamuulka, cagaf-cagafta, nooca cagafta afka gadaal ku leh iyo kuwa horey ku leh, gawaarida alaabta baabur kale loogu wareejiyo, gaadiidka xamuulka, iyo kuwa kale ayaa waxaa laga adeegsan doonaa Qaybta Koowaad, Labaad iyo Shanaad iyo Qaybta Xoojinta Hawlgalka ee saldhiggeedu tahay Muqdisho.

David Concar safiirka Britain ee Soomaaliya , ayaa markii uu qalabka wareejinayay maalintii Sabtida waxaa uu sheegay in dowladdiisa ay ku faraxsan tahay in ay AMISOM kala shaqeyso dadaalladeeda ay ku dooneyso in ay xasiliso Soomaaliya, ayna nabad iyo amni waara ka dhaliso dalka.

“Waxa aan maanta sameyneyno, in aan qalab qiimahooda lagu qiyaaso 5.6 milyan oo baund in aan wareejinno, waxaan rajeyneynaa in ay si weyn gacan ka siiyaan AMISOM in ay nadiifiyaan waddooyinka, waddooyinka muhiimka ah iyo in ay sii wadaan xasilinta Soomaaliya, iyo in la shaqeeyaan ciidamada Soomaaliya, xilli ay awooddooda sii kobceyso,” ayuu yiri Safiirka Dowladda Ingiriiska u fadhiya Soomaaliya.

Concar ayaa uga mahadnaqay ciidamada nabad-ilaalinta iyo waddamada ciidamada deeqay dadaalka ay geliyeen in ay xaqiijiyaan in ay Soomaaliya hesho xasillooni.

“Waan idin kaga mahadcelineynaa AMISOM wax walba oo aad qabateen iyo waddamada ciidamada deeqay, iyo gaar ahaan ciidamada meelaha halista ku sugan ayaga oo naftooda u hura xasilloonida iyo horumarka aan aragnay,” ayuu raaciyay Safiirka Ingiriiska.

Asaga oo la wareegayo 49-ka makiinado o oculus, ayaa Taliyaha Ciidamada AMISOM, Sarreeye Guud Jim Beesigye Owoyesigire, sheegay in qalabkan ay wax badan tari doonaan xilligaan oo ay ciidamada ku dadaalayaan in ay Al-Shabaab ka saaraan meelaha muhiimka ah oo ay wali gacanta ku haayaan.

“Waan uga mahadcelineynaa dowladda Ingiriiska taageerrada sida ay noogu taageertay qalabkan lagu xoojiyo ciidamada,” ayuu yiri Sarreeye Guud Owoyesigire.

Taliyaha Qaybta Koowaad, Sarreeye Guuto Paul Lokech, oo qaabilay 14-ka makiinado oo loogu deeqay ayaa ballan-qaaday in uu si wanaagsan u adeegsan doono qalabka si loogu guuleysto hannaanka kala-guurka.

“Waan garaneynaa qalabka, waan wanaajin karnaa awooddeenna dhinaca hawlgallada sidoo kale waxa ay nag caawin doonaan, anaga oo la kaashaneyno Soomaalida, in aan ku guuleysanno wajiga koobaad ee kala-guurka.

Marka laga soo gudbo qaybta koowaad, 12 makiinado ayaa loogu deeqi doonaa Qaybta 2, Qaybta shanaand (12) iyo Qaybta Xoojinta Halwgalka (11).

Sanadkii la soo dhaafay, Golaha Ammaanka ee QM ayaa waxaa uu meelmariyay in si tartiib ah loo dhimo tirada ciidamada AMISOM, isla markana mas’uuliyadaha amniga loogu wareejiyo ciidamada ammaanka ee Soomaaliya.

C/raxmaan Diini, Hiiraan Online
[email protected]













Click here
7/2/2018 4:33 PM EST
Isniin, July, 02, 2018 (HOL)–Ururka Al-Shabab ayaa galinkii dambe ee maanta meel fagaaro ah ku toogtay nabadoon caan ka ah gobalka Shabellaha Dhexe, gaar ahaan degmada Balcad.

7/2/2018 11:28 AM EST
Isniin, July, 02, 2018 (HOL) – Wasiirka Xannaanada xoolaha dhirta iyo daaqa Soomaaliya Nuur Maxamed Xassan ayaa sheegay in dhoofinta xoolaha dalka ay meel wanaagsan marayaan, lana qaaday xayiraaddii saarneyd dhoofinta xoolaha Soomaaliya ee loo dhoofin jiray dalka Sucuudiga taas oo la saaray sanaddii 2016-kii.

7/2/2018 9:25 AM EST
Isniin, July, 02, 2018 (HOL)–Shirkan oo uu shir gudoominayay madaxweynaha dowlad goboleedka Jubbaland ayaa ahaa shirkii billaha ahaa ee golaha amniga Jubbland, waxaana ka qeybgalay wasiirro ka tirsan Jubbaland, saraakiisha ciidamada xoogga dalka iyo kuwa Jubbaland, saraakiil ka kala socotay howlgalka AMISOM iyo kan Mareeykanka ee Soomaaliya.

7/2/2018 9:03 AM EST
Isniin, July, 02, 2018 (HOL)–Deegaannada Puntland, waxaa la jaangooyay qiimaha safirka doollar oo muddooyinkii dambe sare u kacay,waxaana lugu amray ganacsatada iyo sarif la-yaasha inaysan diddii karin lacagta shillinka Soomaaliga.

7/2/2018 7:15 AM EST
Isniin, July, 02, 2018 (HOL)–Ilaa saddex ruux ayaa lagu waramayaa in ay ku dhaawacmeen qarax gaari lagu soo xiray oo goor dhaw oo maanta ah ka dhacay Isgoyska Siinaay ee magaalada Muqdisho.

7/2/2018 3:08 AM EST
Isniin, July, 02, 2018 (HOL)–Faah faaahin dheeraad ah ayaa ka soo baxaya dilka mid ka mid Darawalada ku shaqeysta gadiidka yar yare ee Mooto Bajaajka oo subaxnimadii hore ee saakay askari ka tirsan ciidamada dowladda ku toogtay degmada Hodan.

7/2/2018 3:00 AM EST
Isniin, July, 02, 2018 (HOL)– Dowladda Soomaaliya ayaa cambaareysay weerarkii Madaafiicda ahaa ee ka dhacay degmada Wadajir 1-da Luulyo 2018, Dowladda Federaalka ayaa tacsi tiiraanyo leh dirtay Qoysaska dadkii noloshooda ku waayay weerarka, iyadoona u rajeysay kuwa ku dhaawacmay in si deg deg ah Alle u bogsiiyo.

7/2/2018 1:11 AM EST
Isniin, July, 02, 2018 (HOL)– Madaxweynaha Soomaaliya Maxamed Cabdullaahi Farmaajo ayaa Madaxtooyada Qaranka ku qaabilay wafdiga ka socday Jamhuuriyadda Jabuuti oo Muqdisho uga qeyb galay xuska maalinta xorriyadda Gobollada Koonfureed iyo israacii Waqooyi iyo Koonfur ee 1-da Luuliyo.

7/2/2018 12:58 AM EST
Isniin,July, 02, 2018 (HOL)–Saraakiisha ciidamada xoogga dalka Soomaaliyeed ee ka howlgala gobolka Jubbada Hoose ayaa warbaahinta u soo bandhigay sarkaal ka tirsanaa Al-shabaab oo uu wehliyo mid ka mid ah dagaalamayaasha Ururka.