Guddoonka Baarlamaanka Soomaaliya oo qado sharaf u Sameeyey Wafdi ka Yimid Minnesota. SAWIRO
Arbaco, July, 18,2018 (HOL)Gudoomiyaha
Baarlamaanka Soomaaliya Max'ed Mursal Cabdiraxmaan & Ku xigeenkiisa 1aad
C/wali Ibrahim Muudey ayaa qado sharaf sameeyey Wafdi ka yimid Minnesota oo maalmahaan ku sugnaa Magaaladda Muqdisho, waxaa wafdiga ka mid ahaa Imaamka Masjidka Abuubakar Sadiiq
Minneapolis Dr. Sh.Cabdiraxmaan Sh
Cumar, & Wiilka ku guulaystay Tartanka Quraanka Imaaraadka Axmed Burhaanoo
iyagu cusaamad ka helay Madaxwaynaha Dowlada Fedaraalka Soomaaliya Mudane
Max’ed Cabdulaahi Farmaajo.
Gudoomiye Mursal ayaa qado sharafta aad
ugu soo dhaweeyey wafdiga ,una hanbalyeey Axmed Burhaan guusha uu soo hooyey,
waxayna Gudoomiyaashu uga warbixiyeen wafdiga xaalada dalka iyoguulaha laga
gaaray xaga horemarka.
Waxay tahay wax lagu farxo in dhulkii looga
walwal qabay in diinta looga tago ay maanta ku guulaystaan tartan quraan oo
Caalimi ah, waxaana uga mahadceliyey culumadda Soomaaliyeed dadaalka ay ugu
jiraan fidinta Diinta Islaamka, Axmed waxa uu tusaale u yahay wajiga wanaagsan
ee qurbojoogta lee yihiin.
Gudoomiye Xigeenka 1aad ee Barlamaanka
Cabdiwali Ibraahim Muudey ayaa isaguna
dhankiisa u hanbalyeey guusha Axmed Burhaan, waxuuna sheegay in uu si toosa u
daawanayey habeenimadii Ramadaanka aheed ee tartanka ka socday Imaaradka
Carabta uuna aad ugu farxay markii uu maqlay guusha Axmed.
Sh. Cabdiraxmaan Sh Cumar ayaa isaguna
kulanka hadal kooban ka jeediyey ugana mahadceliyey madaxda qaranka sida diiran
ee sharafta leh ay u soo dhaweeyeen ,waxuuna warbaxin kooban ka siiyey
bilowgii dacwada Masaajidka Abuubakar oo
ah halkii uu quraanka ku bilaabay Axmed Burhaan,oo ugu yaraan sanadkii ay
quraanka ku dhameeyaan in ka badan 250 arday oo isagu jira wiilal & gabdho.
Qado sharaftii shalay ayaa waxaa
gudoonka ku wehilyey gudiga Farsamada Baarlamaanka iyo Siyaasiin kale sida Prof
Max’ed Cumar Dalxa oo si aad u soo dhaweeyey Wafdiga iyoAxmed Burhaan
Siyad Said Salah
Hiiraan Online
[email protected]