Talaado, July, 10. 2018 (HOL) - Madaxweynaha Soomaaliya Mudane Maxamed Cabdullaahi Farmaajo ayaa maanta kulan kula qaatay Magaalada Ankara ee dalka Turkiga Madaxweynihii hore Soomaaliya Xasan Sheekh Maxamuud.
“Waxaan maanta kula kulmay magaalada Ankara madaxweynihii hore ee Soomaaliya Xassan Sheekh Maxamuud, waxaan iska wareysannay horumarka, fursaddaha iyo caqabaddaha horyaalla dalkeenna, annaga oo isla qaadannay ahmiyadda ay leedahay iskaashiga iyo wada shaqeynta madaxda haatan iyo kuwii hore ee dalka si loo xaqiijiyo mustaqbal barwaaqo u horseeda dadkeenna” ayuu yiri Madaxweyne Farmaajo.
Madaxwenihii hore Xasan Sheekh Maxamuud ayaa hadda ah xildhibaan ka tirsan Baarlamaanka Soomaaliya, isaga oo tan iyo markii doorashada lagaga guuleystay sanadkii hore dalka dibed joog ka ahaa.
Iman Mohamed Jama, Hiiraan Online
[email protected]
Nairobi, Kenya