7/20/2018
Today from Hiiraan Online:  _
Wararka Maanta- Talaado, July 10, 2018
66 ergay oo Ceel Afweyn u jooga heshiisiinta laba beelood oo deegaankaasi dagaal ku dhexmarayey


 


Talaado, July, 10. 2018 (HOL) - Lix iyo lixdan ergay oo iskugu jira Culimo, madax dhaqameed, waxgarad iyo siyaasiyiin ayaa gaadhay degmadda Ceel Afweyn oo ay ka jirto colaad u dhexeysa laba beelood oo walaalo ahi, taas oo dagaal soo noqnoqday ka dhacay.

Ergooyinkan waxa hogaaminayey madaxweyne ku xigeenka Somaliland C/raxmaan C/laahi Saylici, waxaanu kulamo gaargaar ah la yeeshay culimadda iyo madax dhaqameedka iskaga kala yimid dhamaan gobolada Somaliland.

Madaxweyne ku xigeenka ayaa odayaasha iyo madax dhaqameedka ugu baaqay in nabadda la ilaaliyo oo dhibaatooyinka ka jira dhinac looga soo wada jeesto.

"Arrinta aynu u soconaa waa arrin nabad-galyo,waxaynu u baahan nahay in wax kasta oo ay inagu qaadanayso aynu nabadgelyo dhex-dhigno dadka walaalaha ah ee deegaankan, waa dad walaalo ah oo aanay waxba u kala soocnaynayn, hadana waa nasiib daro dagaalka dhex marayaa, hawshaas waxaynu u galaynaa sida ugu fiican"ayuu yidhi Saylici oo la hadlayey madax dhaqameedka Somaliland.

Sidoo kalana waxa uu madaxweyne ku-xigeenku kulan la yeeshay culimada ugu caansan gayiga Soomaalidu degto oo magaalada ceel-afweyn u jooga sidii ay u xoojin lahaayeen dadaalada nabadgelyo ee ay xukuumadda Somaliland ka waddo deegaanadaas, culimada ayaa ballan qaaday inay si daacada u gali doonaan hawlaha nabadaynta deegaankaasi.

Weftiiga Culimadda waxa hogaaminaya sheekha Caanka ah ee Sheekh Maxamed Cumar Dirir iyo sheekhul baladka Boorama Sheekh Cabdilaahi Sheekh Cali Jawhar, kuwaas oo ballanqaada inay doorkoodda qaadan doonaan.

Magaaladda Ceel Afweyn waxa kafurmay shirka nabadeynta labaddan beelood ee dagaalka soo noqnoqday ee khasaaraha badan dhaliyey loo dhamayn lahaa, iyadoo maalmo ka hor laba qof lagu dilay deegaankan.

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
7/10/2018 11:51 AM EST
Talaado, July, 10. 2018 (HOL)-War Qoraal ah oo soo garay Hiiraan Online ayaa lagu sheegay in shaqo joojin lagu sameeyay Maareeyaha Guud ee Hey’adda Duulista iyo Saadaasha Hawada Yuusuf Cabdi Cabdulle (Yuusuf Jaalle).

7/10/2018 10:41 AM EST
Talaado, July, 10. 2018 (HOL)-Dowladda Mareykanka ayaa soo dhaweysay in la dhammeeyo xiisaddii dagaal ee ka dhaxeysay dalalka Eritrea iyo Itoobiya, kadib markii dhawaan uu dalka Eritrea booqdey ra’iisul wasaaraha Itoobiya Abiy Ahmed.

7/10/2018 10:32 AM EST
Talaado, July, 10. 2018 (HOL)-Soomaaliya ayaa markii ugu horreysay ka qeyb ka ah shirweynaha caalamiga ah ee hay’adaha isgaarsiinta oo ka dhacaya magaalada Geneva inta u dhexeysa 9ka illaa 12ka bishan.

7/10/2018 10:31 AM EST
Talaado, July, 10. 2018 (HOL)-Dalkeena Soomaaliya ayaa markii ugu horreysay ka qeyb galaya shirweynaha caalamiga ah ee hay’adaha isgaarsiinta oo ka dhacaya magaalada Geneva inta u dhexeysa 9ka illaa 12ka bishan.

7/10/2018 10:13 AM EST
Talaado, July, 10. 2018 (HOL) - Inta la xaqiijinay Labo ruux ayaa ku dhimatay dadka kalana waa ay ku dhaawacmeen kaddib markii ciidamo ka tirsan Booliiska Hirshabeelle rasaas ku fureen gaari rakaab ah oo marayay deegaanka Qalimoow ee gobolka Shabeellaha Dhexe.

7/10/2018 10:02 AM EST
Talaado, July, 10. 2018 (HOL)-Madaxweynaha Soomaaliya Mudane Maxamed Cabdullaahi Farmaajo ayaa maanta kulan kula qaatay Magaalada Ankara ee dalka Turkiga Madaxweynihii hore Soomaaliya Xasan Sheekh Maxamuud.

7/10/2018 9:48 AM EST
Talaado, July, 10. 2018 (HOL)-Dowlad deegaanka Soomaalida ee dalka Itoobiya ayaa maanta lugu wadaa in xabsiga dhexe ee magaalada Jigjiga ka-sii daayso inta badan maxaabiista ku xiran.

7/10/2018 1:54 AM EST
Talaado, July, 10. 2018 (HOL)–Madaxweynaha dowlad gobolleedka Koonfur Galbeed Shariif Xasan Sheekh Aadan ayaa ku eedeeyay howlgalka midowga Africa AMISOM in ay ku fashilmeen isku furida sida uu hadalka u dhigay Waddada xiriirisa Baydhabo iyo Muqdisho.

7/10/2018 1:43 AM EST
Talaado, July, 10. 2018 (HOL) - Madaxweynaha Mareykanka Donald Trump ayaa garyaqaan Brett Kavanaugh u magacaabay inuu noqdo mid ka mid ah xeer-ilaaliyaasha Maxkamadda Sare ee Mareykanka, si uu u bedello booska uu banneeyay Justice Anthony Kennedy oo howlgab noqday.

7/10/2018 1:37 AM EST
Talaado, July, 10. 2018 (HOL)-Madaxweynaha dalka Turkiga Rajab Dayib Erdogan ee mar kale la soo doortay ayaa magacaabay golihiisa xukuumadda wax yar uun kaddib markii xafiiska loo dhaariyay.

7/10/2018 12:57 AM EST
Talaado, July, 10. 2018 (HOL)-Xoghayaha caafimmaadka ee dalka Britain, Jeremy Hunt ayaa loo magacaabay xilka wasiirka arrimaha dibadda ee Britain, kadib markii uu xilkaasi iska casilay Boris Johnson.

7/10/2018 12:51 AM EST
Talaado, July, 10. 2018 (HOL) - Howlgalka midowga Africa AMISOM ayaa qoraal ka soo baxay waxaa uu si adag uga hadlay weerarkii dhawaan Al-shabaab ay ku qaadeen xarunta Otto Otto oo ay hadda ku shaqeeyaan Wasaaraddaha Arrimaha gudaha iyo Amniga dowladda Soomaaaliya.