Madaxweyne Waare oo daah furay kalfadhigii Seddexaad ee baarlamaanka Hirshabeelle
Khamiis, Janaayo, 11, 2018 (HOL) – Madaxweynaha maamul gobolleedka
Hirshabeelle Maxamed Cabdi Waare ayaa maanta si rasmi ah u furay Kalfadhiga
3aad ee Baarlamaanka Dowlad Goboleedka Hirshabeelle.
Munaasabada lagu furayay Kalfadhiga Baarlamaanka Hirshabeelle
ayaa waxaa ka soo qeyb galay madaxweynaha Dowlad Goboleedka Hirshabeelle
Maxamed Cabdi Waare iyo Madaxweyne ku xigeenka Dowlad Hirshabeelle Cali
Cabdulaahi Xuseen Guudlaawe, Guddoonka Baarlamaanka Xildhibaano , Waxgarad
siyaasiyiin iyo marti sharaf kale .
Guddoomiyaha baarlamaanka Hirshabeelle Cisman Barre
Maxamed & Guddoomiye ku-xigeenka baarlamaanka Marwo Canab Cabdi Ciise oo khudabdo ka
jeediyay ayaa kaga hadlay waxqabadka Baarlamaanka iyagoo sheegay in ay qeyb ka
ahayd isbedelkii hoggaanka sare Doorasahada iyo Xil ka qaadista intaba.
Madaxweyne Kuxigeenka Hirshabeelle Mudane Cali Cabdulaahi
Xuseen Guudlaawe oo hadal kooban ka soo jeediyay ayaa ugu sheegay in Horumar
lagu gaari karo Midnimo & Iskaashi dhex mara Golaha Sharci dejinta &
Golaha fulinta intaba.
Madaxweynaha Hirshabeelle Mudane Maxamed Cabdi Waare ayaa ugu
dambeyntii si rasmi ah u furay kalfadhiga 3aad ee Baarlamaanka isagoo
bogaadiyay booqasahada Madaxweyne farmaajo ku marayo Puntland wuxuuna sidoo
kale sheegay in loo baahan yahay in laga wada shaqeeyo amniga .
Madaxweyne Waare ayaa ugu baaqay dhinacyada Somaliland &
Puntland in ay joojiyaan colaada ka dhex jirta.
Furista Kalfadhigga 3aad ee Baarlamaanka Hirshabelle ayaa
hore dib u dhac uu ugu yimid iyadoo Madaxweynaha Hirshabelle Maxamed Cabdi
Waare uu safar shaqo ugu maqnaa magaalada Muqdisho.
C/raxmaan Diini, Hiiraan Online
[email protected]