6/22/2018
Today from Hiiraan Online:  _
Wararka Maanta- Khamiis, Jan 11, 2018
Wasaaradda Amniga oo cafis sharuud ku xiran u fidisay siyaasiyiinta mucaaradka


 

Khamiis, Janaayo, 11, 2018 (HOL) - Wasaaradda Amniga Soomaaliya ayaa sheegtay in cafis sharuud ku xiran u fidineyso siyaasiyiinta mucaaradsan dowladda Soomaaliya.

Cabdiciis Xildhibaan afhayeenka oo warbaahinta la hadlayay ayaa sheegay in dowladda Soomaliya ay cafis u sameyneyso siyaasiyiin dowladda ugu eedeysan Qaran dumis, haddii ay joojiyaan dhaqankooda la xiriira wax duminta iyo baabi’inta rajada shacabka Soomaaliyeed.

Waxaa uu sheegay in hay’adaha ammaanka ee dowladdu ay isku afgarteen in siyaasiyiintan lala xisaabtamo haddii ay dhacdo in mar kale ay soo celiyaan falka hadda ay ku eedeysnayeen.

Afhayeenka Wasaaradda amnigu ma sheegin magacyada siyaasiyiintan uu sheegay in dowladdu ay cafiska fidineyso.

Siyaasiyiinta mucaaradka ayaan weli ka jawaabin cafiska shuruudeysan ee dowladdu u fidisay waxaana dad badan ay aaminsan ineysan soo dhoweyn doonin oo ay halkooda ka sii wadi doonaan waxyaabaha ay dowladu ku dhibsatay.

C/raxmaan Diini, Hiiraan Online
[email protected]







Click here
1/11/2018 1:38 PM EST
Khamiis, Janaayo, 11, 2018 (HOL)–Madaxweynaha Soomaaliya Maxamed Cabdullaahi Farmaajo ayaa uga mahad-celiyey shacabka iyo Dowlad Goboleedka Puntland sida wanaagsan ee ay u soo dhaweeyeen isaga iyo wafdigiisa.

1/11/2018 1:19 PM EST
Khamiis, Janaayo, 11, 2018 (HOL) – Madaxweynaha maamul gobolleedka Hirshabeelle Maxamed Cabdi Waare ayaa maanta si rasmi ah u furay Kalfadhiga 3aad ee Baarlamaanka Dowlad Goboleedka Hirshabeelle.

1/11/2018 11:18 AM EST
Khamiis, Janaayo, 11, 2018 (HOL) - Ra’iisal Wasaaradda Xukuumadda Soomaaliya Xasan Cali Kheyre, ayaa maanta shir guddoomiyey kulanka Khamiislaha ah ee Golaha Wasiiradda Soomaaliya oo looga hadlay qodobo ay kamid yihiin Xaaladda Amniga dalka, Sharciga Shaqaallaha Rayidka ah iyo arrimo kale, waxaana warbixino looga dhageystay kulankaasi Wasiirka Amniga gudaha iyo Wasiirka Gaashaandhigga dalka.

1/11/2018 10:07 AM EST
Khamiis, Janaayo, 11, 2018 (HOL) - Khamiis,January 11,2018 (HOL)- Shirkii golaha Wasiiradda Somaliland ayaa maanta lagaga dooday xiisadda ka soo cusboonaatay deegaanka Tukko Raq, waxaana laga soo saaray go’aan ah in la ilaaliyo xuduudda,isla markaana aan cidna laga ogolaan inay ku soo xadgudubto taako ka mid ah dhulka Somaliland.

1/11/2018 6:19 AM EST
Khamiis, Janaayo, 10, 2018 (HOL) - Golaha Iskaashiga dowlad goboleedyada ayaa war murtiyeed ka soo saaray kuraasta Xildhibaanada ee ka banaan baarlamaanka 10aad, muddo lix bilood ka badan, iyadoo Golaha walaac ka muujiyay, kana soo horjeestay go’aanka Maxkamadda sare ee gal dacwadeed ugu furtay kuraasta Xildhibaanada ee bannaan.

1/11/2018 3:55 AM EST
Khamiis, Janaayo, 11, 2018 (HOL)– Madaxweynaha Mareykanka Donald Trump ayaa sheegay inuu wadahaddalo la billaabi doono Dowlada Kuuriyada Waqooyi marka la gaaro xilliga ay ku habboon tahay.

1/11/2018 3:38 AM EST
Khamiis, Janaayo, 11, 2018 (HOL) – Dowladda Soomaaliya ayaa markii ugu horeysay magaalada Muqdisho hergalisay xarun dhalinyarada looga wacyi-galinayo ku biirista kooxaha Xag-jirka sida Al-shabaab iyo Daacish, iyadoo la adeegsanayo Internet-ka

1/11/2018 3:10 AM EST
Khamiis, Janaayo, 11, 2018 (HOL) –Madaxweynaha dowladda Soomaaliya Soomaaliya Maxamed Cabdullaahi Farmaajo oo booqasho ku jooga dowlad goboleedka Puntland xalayna ku hoyday magaalada Qardho ee Gobolka Bari ayaa maanta wuxuu gaari doonaa magaalo Xeebeedka Boosaaso.

1/11/2018 12:34 AM EST
Khamiis, Janaayo, 11, 2018 (HOL)-Hay’adda Sirdoonka iyo Nabadsugidda Qaranka Soomaaliyeed ee NISA ayaa u dabaal degtay 08 01 2018 oo ku beegneyd 48 guuradii ka soo wareegatay markii la aas aasay 8-dii Janaayo 1970-kii.

1/11/2018 12:23 AM EST
Khamiis, Janaayo, 11, 2018 (HOL)- Ma’aha socdaalkiisii ugu horeeyay ee madaxweyne Farmaajo oo uu ku tago meel ka baxsan caasimada tan iyo markii 08 bishii Febarayo ee sanadkii tagay 2017 loo doortay madaxweyne, laakiin waa socdaalkii ugu horeeyay masaafo dheer uu ku safro dhulka isaga oo sii maraya deegaanno kala duwan.