9/22/2018
Today from Hiiraan Online:  _
Wararka Maanta- Axad, Aug 26, 2018
Waxgaradka degmada Garbahaareey oo kulamo la leh wasiirro ka tirsan Jubbaland oo ku sugan degmadaasi


Axad , August, 26, 2018 (HOL) – Ayadoo dhawaan dibadbaxyo waaweyn oo looga soo horjeeday maamulka degmada Garbahaareey iyo masuuliyiin ka tirsan Jubbaland oo degmadaasi gaaray ayaa waxaa soconaya dadaallo la doonayo in wax looga qabto cabashooyinka shacabka degmadaasi.

Wasiirka qorsheynta iyo xiriirka caalamiga ah ee Jubbaland Mudane Aadan Ibraahim (Awxirsi) oo ku sugan Garbahaareey, dhawaanna ay gurigiisa ku weerareen dad dhigayay dibadbaxyo, kuwaa oo daqar ka gaarsiiyay madaxa ayaa waxa uu sheegay in ay kulamo la qaateen odoyaasha dhaqanka, dhalinyarada, haweenka iyo saraakiisha ciidamada degmadaasi.

Wasiirka waxaa kulamada uu la qaadanayay ururrada bulshada rayidka ah ku wehlinayay wasiir kuxigeenka wasaaradda maaliyadda Jubbaland Mudane Xirsi Jaamac Gaanni.

Wasiir Awxirsi ayaa sheegay in dibadbaxyadii rabshadaha watay ee ka dhacay degmadaasi ay ahaayeen kuwo kor laga maamulayay, oo uu ku eedeeyay rag uu xusay in ay magacyo waaweyn leeyihiin.

“Dadka magacyada waaweyn leh ee qalalaasaha Garbahaareey sheedda ka boorinaya haysku xishoodeen,” ayuu wasiirku kusoo qoray bartiisa Facebook.

Waxa uu xusay in ay qaadanayaan dhaliilaha loo jeedinayo, diyaarna u yihiin in ay wax ka qabtaan tabashooyinka shacabka.

Qaar kamid ah shacabka Garbahaareey ayaa dhawaan isugu soo baxay wadooyinka magaaladaasi ayagoo dhigayay dibadbaxyo ay uga soo horjeedeen madaxda Jubbaland iyo maamulka degmadaasi.

Hiiraan Online,
News desk






Click here
8/26/2018 1:37 PM EST
Axad, August, 26, 2018 (HOL)- Madaxweynaha cusub ee dowlad deegaan-ka Soomaalida Itoobiya Mustafe Maxamuud Cumar Cagjar ayaa isaga iyo wafdi ballaaran oo uu horkacayo waxaa ay tageen magaalada Jigjiga ee xarunta u ah dowlad deegaan-ka Soomaalida.

8/26/2018 8:21 AM EST
Axad , August, 26, 2018 (HOL) – In ka badan afar iyo toban baabuur oo iskugu jira noocyadda kala duwan ee Gaadiidka oo laga soo dhacay Itoobiya ayaa maanta lagu wareejiyey dawladda Itoobiya.

8/26/2018 7:32 AM EST
Axad , August, 26, 2018 (HOL) – Ra’iisul wasaaraha xukuummadda federaalka Soomaaliya mudne Xasan Cali khayre oo wakiil ka ah madaxweynaha jamhuuriyadda, Maxamed Cabdullaahi Maxamed (Farmaajo) ayaa darajada Sarreeye Guuto u xiray Zakiya Xuseen Axmed oo noqotay gabadhii ugu horreysay ee darajadaas ka gaarta ciidanka Soomaaliya.

8/26/2018 6:52 AM EST
Axad , August, 26, 2018 (HOL) – Machadkan oo lagu magacaabo Hiigsi ayaa waxaa daahfuray dhalinyaro aqoonyahanno Soomaaliyeed ah oo ku nool dalka gudihiisa iyo dibaddiisaba, ayadoo machadku daraasaad iyo cilmi baaris uu ku sameyn doono arimaha isbadallada dalka Soomaaliya ka socda, gaar ahaan dhinacyada waxbarashada, siyaasadda, ammaanka iyo arimaha bulshada.

8/26/2018 6:49 AM EST
Axad , August, 26, 2018 (HOL) – Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) oo xafiiskiisa kula kulmay Wasiirka Arrimaha Gudaha iyo Federaalka Xukuumadda Federaalka Soomaaliya Mudane Cabdi Maxamed Sabriye ayaa warbixin ka siiyey Waxqabadka maamulka Gobolka ee lixdii bilood ee la soo dhaafay.

8/26/2018 6:44 AM EST
Axad , August, 26, 2018 (HOL) – Hey’adda Socdaalka iyo Jinsiyadda Soomaaliya, ayaa maanta magaalada Muqdisho ka furtay shir looga hadlayo wada shaqeynta hey’addaha ka howlgala albaabada Dalka laga soo galo ama looga baxo sida; Xuduudaha dhulka, Garoomada diyaaradaha iyo Dekadaha.

8/26/2018 4:34 AM EST
Axad , August, 26, 2018 (HOL)–Guddoomiyaha maxkamada sare Baashi Yuusuf Axmed ee dalka oo wareysi siinayay warbaahinta ayaa sheegay in la dhisayo Golaha adeegga Garsoorka dalka oo la kala diray sanadkii 2015ka, wixii ka danbeeyay waqtigaanna aan shaqeyn.

8/26/2018 2:12 AM EST
Axad , August, 26, 2018 (HOL) – Ra’iisal wasaaraha Itoobiya Abiy Ahmed oo magaalada Addis Ababa kula kulmay warbaahinta gudaha dalkaasi Itoobiya ayaa soo hadal qaaday waxa laga yeelayo arinta madaxweynihii hore ee dowlad deegaanka Soomaalida Itoobiya Cabdi Maxa’uud Cumar hadda ku jira gacanta hay’addaha Amniga.

8/26/2018 1:24 AM EST
Axad , August, 26, 2018 (HOL)-Dowladda Soomaaliya ayaa fariin digniin ah u dirtay ciidamada dowladda Soomaaliya, gaar ahaan kuwa Booliiska ee caadeystay sida ay hadalka u dhigtay in ay dad-weynaha ka qaadaan lacago sharci darro ah.

8/26/2018 1:03 AM EST
Axad , August, 26, 2018 (HOL) - Hoggaamiyaha mucaaradka Ruushka Alexei Navalny ayaa lagu xiray magaalada Moscow ee caasimadda Ruushka.

8/26/2018 12:52 AM EST
Axad , August, 26, 2018 (HOL)-Mid kamid ah siyaasiyiinta rug-cadaaga ee aqalka Senate-ka Mareykanka, John McCain ayaa ku geeriyooday da'da 81 sano.