12/16/2018
Today from Hiiraan Online:  _
Wararka Maanta- Axad, Aug 26, 2018
Abiy Ahmed : Cabdi Maxamuud Cumar Sharciga ayaa la mari-nayaa


 

Axad , August, 26, 2018 (HOL) – Ra’iisal wasaaraha Itoobiya Abiy Ahmed oo magaalada Addis Ababa kula kulmay warbaahinta gudaha dalkaasi Itoobiya ayaa soo hadal qaaday waxa laga yeelayo arinta madaxweynihii hore ee dowlad deegaanka Soomaalida Itoobiya Cabdi Maxa’uud Cumar hadda ku jira gacanta hay’addaha Amniga.

‘’Arintaa waxaa ay u taallaa laamaha cadaallada waxa laga yeelayo Cabdi Maxamuud Cumar iyo wax ay mudan doonaan mas’uuliyiintii dhibaatada ka geysatay dowlad deegaanka Soomaalida’’ ayuu yiri Abiy Ahmed.

Dhinaca kale, waxaa uu sheegay in ururrada hubeysan ee dalka Itoobiya ee dhawaantan uu u fidiyay gogosha nabadeed laga doonayo in ay hubka iska dhiggaan, taa badalkeedana ku dagaalamaan qalinka iyo fikirkooda.

Su’aal aheyd wax ka jira in uu xannuun la soo darsay xiligii uu booqanayay dalka Mareykanka ayuu si fudud ugu jawaabay Abiy Ahmed’’ " Aniga maba ihii dadka isticmaala dawooyinka mana soo gato dawo, waxaan aaminsanahay jimicsi iyo spoorti"

Jimcihii ayuu ra’iisal wasaaraha Itoobiya kula kulmay magaalada Addis Ababa ergo ka kala soctay dhulka dowlad deegaanka Soomaalida Itoobiya, isaga oo ugu baaqay nabad iyo in la ilaaliyo degenaashaha.

C/raxmaan Diini, Hiiraan Online
[email protected]

 







Click here
8/26/2018 1:37 PM EST
Axad, August, 26, 2018 (HOL)- Madaxweynaha cusub ee dowlad deegaan-ka Soomaalida Itoobiya Mustafe Maxamuud Cumar Cagjar ayaa isaga iyo wafdi ballaaran oo uu horkacayo waxaa ay tageen magaalada Jigjiga ee xarunta u ah dowlad deegaan-ka Soomaalida.

8/26/2018 8:21 AM EST
Axad , August, 26, 2018 (HOL) – In ka badan afar iyo toban baabuur oo iskugu jira noocyadda kala duwan ee Gaadiidka oo laga soo dhacay Itoobiya ayaa maanta lagu wareejiyey dawladda Itoobiya.

8/26/2018 7:32 AM EST
Axad , August, 26, 2018 (HOL) – Ra’iisul wasaaraha xukuummadda federaalka Soomaaliya mudne Xasan Cali khayre oo wakiil ka ah madaxweynaha jamhuuriyadda, Maxamed Cabdullaahi Maxamed (Farmaajo) ayaa darajada Sarreeye Guuto u xiray Zakiya Xuseen Axmed oo noqotay gabadhii ugu horreysay ee darajadaas ka gaarta ciidanka Soomaaliya.

8/26/2018 7:31 AM EST
Axad , August, 26, 2018 (HOL) – Ayadoo dhawaan dibadbaxyo waaweyn oo looga soo horjeeday maamulka degmada Garbahaareey iyo masuuliyiin ka tirsan Jubbaland oo degmadaasi gaaray ayaa waxaa soconaya dadaallo la doonayo in wax looga qabto cabashooyinka shacabka degmadaasi.

8/26/2018 6:52 AM EST
Axad , August, 26, 2018 (HOL) – Machadkan oo lagu magacaabo Hiigsi ayaa waxaa daahfuray dhalinyaro aqoonyahanno Soomaaliyeed ah oo ku nool dalka gudihiisa iyo dibaddiisaba, ayadoo machadku daraasaad iyo cilmi baaris uu ku sameyn doono arimaha isbadallada dalka Soomaaliya ka socda, gaar ahaan dhinacyada waxbarashada, siyaasadda, ammaanka iyo arimaha bulshada.

8/26/2018 6:49 AM EST
Axad , August, 26, 2018 (HOL) – Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) oo xafiiskiisa kula kulmay Wasiirka Arrimaha Gudaha iyo Federaalka Xukuumadda Federaalka Soomaaliya Mudane Cabdi Maxamed Sabriye ayaa warbixin ka siiyey Waxqabadka maamulka Gobolka ee lixdii bilood ee la soo dhaafay.

8/26/2018 6:44 AM EST
Axad , August, 26, 2018 (HOL) – Hey’adda Socdaalka iyo Jinsiyadda Soomaaliya, ayaa maanta magaalada Muqdisho ka furtay shir looga hadlayo wada shaqeynta hey’addaha ka howlgala albaabada Dalka laga soo galo ama looga baxo sida; Xuduudaha dhulka, Garoomada diyaaradaha iyo Dekadaha.

8/26/2018 4:34 AM EST
Axad , August, 26, 2018 (HOL)–Guddoomiyaha maxkamada sare Baashi Yuusuf Axmed ee dalka oo wareysi siinayay warbaahinta ayaa sheegay in la dhisayo Golaha adeegga Garsoorka dalka oo la kala diray sanadkii 2015ka, wixii ka danbeeyay waqtigaanna aan shaqeyn.

8/26/2018 1:24 AM EST
Axad , August, 26, 2018 (HOL)-Dowladda Soomaaliya ayaa fariin digniin ah u dirtay ciidamada dowladda Soomaaliya, gaar ahaan kuwa Booliiska ee caadeystay sida ay hadalka u dhigtay in ay dad-weynaha ka qaadaan lacago sharci darro ah.

8/26/2018 1:03 AM EST
Axad , August, 26, 2018 (HOL) - Hoggaamiyaha mucaaradka Ruushka Alexei Navalny ayaa lagu xiray magaalada Moscow ee caasimadda Ruushka.

8/26/2018 12:52 AM EST
Axad , August, 26, 2018 (HOL)-Mid kamid ah siyaasiyiinta rug-cadaaga ee aqalka Senate-ka Mareykanka, John McCain ayaa ku geeriyooday da'da 81 sano.