Jimco, Maarso, 24, 2017 (HOL) - Warar isa soo taraya ayaa sheegaya in ay
degtay doon ay la socdeen in ka badan labo boqol oo tariibayaal xeebaha dalka
Liibiya, waxaana dadka doonta la socda la sheegay in ay ka mid ahaayeen
muhaajiriin ka tagay wadamada bariga Africa.
Ilaa iyo hadda waxaa la helay meydadka shan ruux oo la sheegay
ay dul heehaabayeen biyaha badda, walina waxaa socda baadigoobka dadkii kale ee
ku dhinta doonta degtay.
Sanadihii ugu danbeeyayba waxaa sii kordhayay dadka ka soo tahriibiiya
xeebaha dalka Liibiya oo kuwaa oo doonaya in ay gallaan dalka Talyaaniga.
Hay’ada IOM oo u qaabilsan dadka soo galootiga ah QM ayaa waxaa ay sheegeen
in labaatan kun oo tahriibayaal ah ay gaareen dalka Talyaaniga waxaana la
sheegay in dad gaaraya 559 tahriibayaal ay dhinteen ama lagu la’ yahay badda.
Dowladda Talyaaniga ayaa sheegay in wali dhinacooda uusan soo gaarin warka
ku saabsa doonta degtay, hasse ahaatee haddii loo baahdo ka qeybqaadanayaan
baadigoobka dadka meydkooda la yahay.
C/raxmaan Diini, Hiiraan Online
[email protected]
