Mooshinkii ka dhanka ahaa madaxweynaha K/galbeed Shariif Xassan Sheekh Aadan oo laga laabtay
Jimco, Maarso, 24, 2017 (HOL) - Xildhibaanno ka tirsan baarlamaanka maamulka
K/galbeed ee wadday mooshikii ka dhanka ahaa madaxweyne Shariif Xassan Sheekh
Aadan ayaa sheegay in ay dib uga laabteen mooshinka.
Xildhibaan Cabdikariin Maxamed Iftin oo ka mid ahaa
xildhibaannadii sida wey ugu olaleynayay mooshinka iyo meelmarintiisa oo
warbaahinta kula hadlayay garoonka diyaaradaha magaalada Baydhabo ayaa sheegay in
mooshinka u joojiyeen sida uu hadalka u
dhigay daruufaha adag ee dalka soo food saaray iyo xaalada abaarta ka jirta
deegaannada maamulka Koonfur galbeed oo u baahan ayuu yiri in si wada jir ah
loogu gurmado.’’’
“” Shariif Xassan Sheekh Aadan waxaan isla garanay in si
hufan bulshada loogu shaqeeyo, sidaa daraadeed saacadan laga bilaabo ma jiro
mooshin ka dhan ah madaxweynaha oo hor yaala baarlamaanka’’ ayuu yiri
xildhibaanka.
Dhinaca kale, madaxweynaha maamulka Koofurta galbeed ayaa
uga mahad celiyay xildhibaannada in dib uga laabashada mooshinkii isaga ka
dhanka ahaa, waxaana uu ku baaqay in si wada jir ah looga shaqeeyo caawinta
dadka dhibaateysan ee u baahan in la gargaaro.
Ugu danbeyntii, xidlhibaannada maamulka Koonfur galbeed
ayaan muddo dheer wax shir ah yeelan, hasse ahaatee guddoomiyaha baarlamaanka
maamulka ayaa ku sheegay in sida ugu dhaqsiyaha badan loo furayo kalfadhiyadii baarlamaanka.
C/raxmaan Diini, Hiiraan Online
[email protected]