11/15/2019
Today from Hiiraan Online:  _
Wararka Maanta- Axad, Jun 9 , 2013
Madaxweynihii Hore ee Koonfur Afrika Mandela oo la dhigay Isbitaal si looga daweeyo caabuq kaga dhacay Sambabada


Mandelaap12z.jpg
Axad, Juun 09, 2013 (HOL) — Madaxweynihii hore ee Koonfur Afrika, Nelson Mandela oo 94-jir ah ayaa la dhigay isbitaal u yaalla magaalada Pretoria ee dalka Koonfur Afrka, si looga daweeyo caabuq ama infakshan kaga dhacay sambabada.

Dhakhaatiirta daweynaya Mandela ayaa sheegay in xalaaddiisa caafimaad ay aad u culus tahay inkastoo uu neefsanayo iyadoo aan la caawinayn, waana markii afaraad oo isbitaal la dhigao muddo lix bilood gudahood ah.

Xaaska Mandela, Craca Mechel ayaa joojisay ka qaybgalka shir caalami ah oo looga hadlayo gaajada iyo macluusha oo ka socda magaalada London ee xarunta dalka Britain si ay ula socoto xalaadda saygeeda oo xaalad xun ku jira.

“Waxaan doonaynaa inaan shacabka Koonfur Afrika la socodsiinno in xaalka Mandela uu daran yahay, balse ay ogaadaan in dhowr jeer uu ka bogsaday xaalado caafimaad oo khatar ah, waana inaad u soo duceysaan si uu u helo caafimaad deg-deg ah,” ayuu yiri afhayeenka madaxtooyada Koonfur Afrika, Mac Maharaj.

Taageerayaasha xisbiga ANC ee maamula dalka Koonfur Afrika oo uu muddo dheer hoggaamiye ka ahaa Mandela ayaa sheegsay inay rajeynayaan inuu ka bogsan doono hoggaamiyahoodii hore xanuunkan caabuqa ah ee kaga dhacay sambabada.

“Ducooyin badan ayaan u diraynaa Mandela iyo qoyskiisa, dadka Koonfur Afrika ku nool iyo dadka kale ee calaamka oo dhanna waxaan ka dalbaynaa in sidaas oo kale ay ducooyinka ugu soo diraan si uu u bogsado Mandela oo ah nin aad looga jecel yahay dunida oo dhan,” ayaa lagu yiri warbixin uu soo saaray xisbiga ANC.

Bishii Abriil ee sannadkan 2013 ayay ahayd markii Mandela la dhigay isbitaal ku yaalla magaalada Johannesburg halkaasoo ay ku booqdeen Jacob Zuma oo ah madaxwenaha Koonfur Afrika iyo xubno ka tirsan xisbiga ANC ee dalka xukuma.

“Nelson Mandela waa aabbihii Koonfur Afrika, mar walba waxaa la dhigaa isbitaal waana mid aan aad uga murugeysannahay, waxaana u rajeynaynaa caafimaad deg-deg ah,” ayaa lagu yiri warsaxaafadeed uu soo saaray isbahaysiga dimuqraadiyadda Koofur Afrika oo ah xisbiga ugu weyn ee mucaaradka ah.

Madaxweynihii hor ee Koonfur Afrika, Nelson Mandela ayaa xilka dalkaas la wareegay sannadkii 1994-kii markaasoo dalkaas uu ka xoroobay gumeysi midan kala sooc ah, isagoo xilka ka dagay aakhirkii sagaashameedyadii, wuxuuna muddo dheer u xirnaa inuu ahaa dhaqdhaqaaqe xorriyad-doon ah.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/9/2013 3:18 PM EST
Axad, Juun 09, 2013 (HOL) — Ugu yaraan 10-qof ayaa ku dhaawacmay qaraxyo kala duwan oo caawa ka kala dhacay magaalada magaalada Mombasa iyo magaalada Nairobi ee xarunta dalka Kenya, sida ay sheegeen saraakiil ka tirsan booliiska Kenya.

6/9/2013 2:38 PM EST
Axad, Juun 09, 2013 (HOL) — Xildhibaan Maxamed Maxamuud Ibraahim (Goodir) oo ka mid ah wafdiga dowladda Soomaaliya ee Kismaayo ku sugan ayaa ku eedeeyay ciidamada Kenya ee qaybta ka ah howgalka AMISOM inay la safteen dhinac ka mid ah dhinacyadii ku dagaalamaya Kismaayo.

6/9/2013 12:02 PM EST
Axad, Juun 09, 2013 (HOL) — Kulan ay isugu yimaadeen qaybaha kala duwan ee odayaasha, siyaasiyinta, xildhibaannada iyo waxgarad kasoo jeeda gobollada Juboboyinka oo maanta ka dhacay Muqdisho ayaa lagu dalbaday in la joojiyo dagaallada kasoo cusboonaaday magaalada Kismaayo.

6/9/2013 9:47 AM EST
Axad, Juun 09, 2013 (HOL) — Bartamaha magaalada Baydhabo gar ahaan agagaarka Hotel Bay ayaa ciidamo ka tirsan kuwa AMSIOM oo ku sugnaa waxaa lagu eegtay maanta bam-gacmeed, iyadoo qaar ka tirsan ciidamada AMSIOM iyo dad shacab ah ay ku dhaawacmeen.

6/9/2013 9:12 AM EST
Axad, Juun 09, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay inaan la isaga hari doonin hurinta colaad ay ku dhintaan dad aan waxba galabsan in si macno-darro ah lagu daadiyo dhiigga shacabka Soomaaliyeed.

6/9/2013 9:10 AM EST
Axad, Juun 09, 2013 (HOL) — Xukuumadda Soomaaliya ayaa maanta soo dhaweysay mashaariic cusub oo dowladda Sucuudiga ay ka bilaabayso dalka Soomaaliya, kuwaasoo ay fulinayso ururka iskaashiga Islaamka ee OIC, sida uu sheegay ra’iisul wasaaraha Soomaaliya.

6/9/2013 9:05 AM EST
Kulan ay isugu yimaadeen qaybaha kala duwan ee bulshada oo lagu lafa gurayay sidii hogaan midaysan loogu samayn lahaa jaaliyada Soomaaliyeed ee ku dhaqan wadanka Kenya ayaa lagu qabtay hotelka Nomad ee xaafada Islii.

6/9/2013 7:56 AM EST
Axad, Juun 09, 2013 (HOL) — Bannaanbax looga soo horjeedo dhibaatooyinka lagu hayo Soomaalida ku nool dalka Koonfur Afrika ayaa ka dhacay maanta magaalada Muqdisho, waxaana ka hadlay mas’uuliyiin uu ku jiray guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan).

6/9/2013 4:34 AM EST
Axad, June 09, 2013(HOL) :- Waxaa weli xaalad kacsanaan ah laga dareemayaa magaalada Kismaayo kadib dagaallo xooggan oo shalay ilaa daraad gudaha magaalada ku dhexmaray ciidamada maamulka uu hogaamiyo Sheekh Axmed Madoobe iyo kuwo daacad u ah Iftiin Xasan Baasto oo isagu sheeganaya xilka madaxweeynenimo ee Jubbaland.

6/9/2013 3:37 AM EST
Axad, Juun 09, 2013 (HOL) — Muwaadin Soomaaliyeed oo doonayay inuu dib ugu soo laabto Soomaaliya ayaa xalay dhac bareer ah logou geystay magaalada Johannesburg ee dalka Koonfur Afrika, iyadoo laga dhacay lacag gaaraysa 11,000 oo doolarka Mareykanka ah.

6/9/2013 3:26 AM EST
Axad, Juun 09, 2013 (HOL) — Ergaygga gaarka ah ee xoghayaha guud ee Qaramadda Middobay u qaabilsan arrimaha Soomaaliya (SRSG), Nicholas Kay ayaa ku baaqay in si deg-deg ah loo joojiyo dagaalka Kismaayo, isagoo ku baaqay in khilaafyada jira lagu dhameeyo wadahadal.