5/26/2019
Today from Hiiraan Online:  _
Wararka Maanta- Axad, Jun 9 , 2013
Waxgarad iyo siyaasiyiin ku kulmay Magaalada Muqdisho oo ku baaqay in la Joojiyo Dagaallada Kismaayo (SAWIRRO)



Axad, Juun 09, 2013 (HOL) — Kulan ay isugu yimaadeen qaybaha kala duwan ee odayaasha, siyaasiyinta, xildhibaannada iyo waxgarad kasoo jeeda gobollada Juboboyinka oo maanta ka dhacay Muqdisho ayaa lagu dalbaday in la joojiyo dagaallada kasoo cusboonaaday magaalada Kismaayo.

Waxgaradkii kulankaas kasoo qaybgalay ayaa ku baaqay inaan dhibaatooyin loo geysan shacabka, iyadoo labada dhinaca ee dagaalku u dhexeeyana ugu baaay inay nabad ku xalliyaan khilaafaadkooda intii ay dadka ku dul-dagaalami lahaayeen.

Sidoo kale, kulanka ayaa lagu taageeray baaqyadii xabad-jooojinta ahaa ee ay u jeediyeen madaxweynaha Somalia, ra’iisul wasaarahiisa iyo wasiirrada arrimaha gudaha iyo gaashaandhigga.

“Dhammaan dhinacyada isku haya Jubbooyinka waa inay kasoo qaybgalaan kulan dib u heshiisiin ah oo ay dowladda Soomaaliya dhawaan ku qaban doonto Muqdisho; kaasoo ka mid ahaa go’aannadii kasoo baxay shirkii ay ku yeesheen urur goboleedka IGAD magaalada Addis Ababa bishii hore,” ayaa lagu yiri baaq ay wadajir u soo saareen waxgaradkan.


Guddoomiyaha guddiga xiriirka gobollada Jubbooyinka, Cabdulqaadir Xaaji Maxamed Suldaan (Luga-dheere) oo kulanka ka hadlay ayaa sheegay in shacabka ku dhaqan Jubbooyinka ay ka daaleen dagaalo iyo fowdo loona baahan yahay in sida ugu dhaqsiyaha badan loo joojiyo xiisadaha halkaas ka taagan, loona hoggaansamo go’aanka dowladda Soomaaliya ee ku aaddan in la joojiyo xabada, wax walbana lagu dhameeyo nabad.

“Dagaalka waa in la joojiyo, maxaa yeelay dagaal dan Soomaaliyeed, dan beeleed, dan deegaanka iyo dan shaqsiyadeed laguma gaari karo, 22-sano oo la dagaalamayay wax natiijo ah lagama gaarin, waxaana muddooyinkaas lagu dul-dagaalamayay dadka aan dagaal rabin,” ayuu Lugadheere ku daray hadalkiisa.


Kulankaas waxaa kaloo ka hadlay xubno ay ka mid ahaayeen, Maxamed Xasan Fiqi oo ah guddoomiyaha beelaha direed ee Jubbooyinka iyo Ugaas Honero iyagoo madaxda dowadda Soomaaliya ka raalli-galiyay hadalo gef ah oo kaga yimid siyaasiyiinta gobollada Jubbooyinka qaarkood.

Dhanka kale, waxaa kulanka hadallo guubaabo ah oo ku saabsan sidii lagu nabadeyn lahaa gobollada Jubbooyinka kasoo jeediyay aqoon-yahanno iyo haween kasoo jeeda gobolladaas, iyagoo ku baaqay in laga shaqeeyo sidii maamul cadaalad ah loogu sameyn lahaa gobollada Jubbooyinka.

Kulankan ayaa kusoo beegmay xilli ay maanta daggan tahay Kismaayo oo ay labadii maalmood ee lasoo dhaafay ka socdeen dagaallo geystay khasaare isugu jirta dhimasho iyo dhaawac soo gaartay dad shacab ah oo aan waxba galabsan.





Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/9/2013 3:18 PM EST
Axad, Juun 09, 2013 (HOL) — Ugu yaraan 10-qof ayaa ku dhaawacmay qaraxyo kala duwan oo caawa ka kala dhacay magaalada magaalada Mombasa iyo magaalada Nairobi ee xarunta dalka Kenya, sida ay sheegeen saraakiil ka tirsan booliiska Kenya.

6/9/2013 2:38 PM EST
Axad, Juun 09, 2013 (HOL) — Xildhibaan Maxamed Maxamuud Ibraahim (Goodir) oo ka mid ah wafdiga dowladda Soomaaliya ee Kismaayo ku sugan ayaa ku eedeeyay ciidamada Kenya ee qaybta ka ah howgalka AMISOM inay la safteen dhinac ka mid ah dhinacyadii ku dagaalamaya Kismaayo.

6/9/2013 9:47 AM EST
Axad, Juun 09, 2013 (HOL) — Bartamaha magaalada Baydhabo gar ahaan agagaarka Hotel Bay ayaa ciidamo ka tirsan kuwa AMSIOM oo ku sugnaa waxaa lagu eegtay maanta bam-gacmeed, iyadoo qaar ka tirsan ciidamada AMSIOM iyo dad shacab ah ay ku dhaawacmeen.

6/9/2013 9:12 AM EST
Axad, Juun 09, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay inaan la isaga hari doonin hurinta colaad ay ku dhintaan dad aan waxba galabsan in si macno-darro ah lagu daadiyo dhiigga shacabka Soomaaliyeed.

6/9/2013 9:10 AM EST
Axad, Juun 09, 2013 (HOL) — Xukuumadda Soomaaliya ayaa maanta soo dhaweysay mashaariic cusub oo dowladda Sucuudiga ay ka bilaabayso dalka Soomaaliya, kuwaasoo ay fulinayso ururka iskaashiga Islaamka ee OIC, sida uu sheegay ra’iisul wasaaraha Soomaaliya.

6/9/2013 9:05 AM EST
Kulan ay isugu yimaadeen qaybaha kala duwan ee bulshada oo lagu lafa gurayay sidii hogaan midaysan loogu samayn lahaa jaaliyada Soomaaliyeed ee ku dhaqan wadanka Kenya ayaa lagu qabtay hotelka Nomad ee xaafada Islii.

6/9/2013 7:56 AM EST
Axad, Juun 09, 2013 (HOL) — Bannaanbax looga soo horjeedo dhibaatooyinka lagu hayo Soomaalida ku nool dalka Koonfur Afrika ayaa ka dhacay maanta magaalada Muqdisho, waxaana ka hadlay mas’uuliyiin uu ku jiray guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan).

6/9/2013 7:32 AM EST
Axad, Juun 09, 2013 (HOL) — Madaxweynihii hore ee Koonfur Afrika, Nelson Mandela oo 94-jir ah ayaa la dhigay isbitaal u yaalla magaalada Pretoria ee dalka Koonfur Afrka, si looga daweeyo caabuq ama infakshan kaga dhacay sambabada.

6/9/2013 4:34 AM EST
Axad, June 09, 2013(HOL) :- Waxaa weli xaalad kacsanaan ah laga dareemayaa magaalada Kismaayo kadib dagaallo xooggan oo shalay ilaa daraad gudaha magaalada ku dhexmaray ciidamada maamulka uu hogaamiyo Sheekh Axmed Madoobe iyo kuwo daacad u ah Iftiin Xasan Baasto oo isagu sheeganaya xilka madaxweeynenimo ee Jubbaland.

6/9/2013 3:37 AM EST
Axad, Juun 09, 2013 (HOL) — Muwaadin Soomaaliyeed oo doonayay inuu dib ugu soo laabto Soomaaliya ayaa xalay dhac bareer ah logou geystay magaalada Johannesburg ee dalka Koonfur Afrika, iyadoo laga dhacay lacag gaaraysa 11,000 oo doolarka Mareykanka ah.

6/9/2013 3:26 AM EST
Axad, Juun 09, 2013 (HOL) — Ergaygga gaarka ah ee xoghayaha guud ee Qaramadda Middobay u qaabilsan arrimaha Soomaaliya (SRSG), Nicholas Kay ayaa ku baaqay in si deg-deg ah loo joojiyo dagaalka Kismaayo, isagoo ku baaqay in khilaafyada jira lagu dhameeyo wadahadal.