7/18/2019
Today from Hiiraan Online:  _
Wararka Maanta- Axad, Jun 9 , 2013
Kulan loogu Gogol-xaarayay dhismaha hogaan ay yeeshaan Soomaalida ku nool Kenya oo lagu Qabtay Nairobi (SAWIRRO)


IMG_0017.jpg

Axad, June 09, 2013 (HOL) - Kulan ay isugu yimaadeen qaybaha kala duwan ee bulshada  oo lagu lafa gurayay sidii hogaan midaysan loogu samayn lahaa jaaliyada Soomaaliyeed ee ku dhaqan wadanka Kenya ayaa lagu qabtay hotelka Nomad ee xaafada Islii.

Ujeedada kulanka ayaa lagu sheegay inuu yahay mid looga wada tashanayo sidii hogaan midaysan ay u dooran lahaayeen jaaliyada Soomaaliyeed ee ku dhaqan dalka Kenya, kuwaasoo lagu qiyaaso inay ka badanyihiin hal milyan.

Xassan Craxmaan Xusseen Qoordheere oo isagu kulanka wadatashiga soo qabanqaabiyay ayaa tilmaamay in baahi wayn loo qabo in la helo hogaan midaysan oo ay yeelato Soomaalida ku dhaqan dalka Kenya.

“Muddo dheer ayaynu dalkan daganayn, mana lihin hogaan midaysan oo lagala xiriiro danaha ummada Soomaaliyeed ee ku dhaqan dalka Kenya” ayuu yiri Xassan.

IMG_0028.jpg

Waxaa kale oo uu sheegay in wakhtigan ay muhiim tahay in la helo cid matasha jaaliyada Soomaaliyeed ee dalka Kenya, kuwaasoo dhibaatooyin kala duwani ay ku haystaan waddankan.

Axmed haadi urur  oo kamid ah dhalinyaradii wax kasoo agaasimay shirka wadatashiga ayaa sheegay inay sameeyeen cilmi baaris ku aadan baahida loo qabo helitaanka hogaan jaaliyadeed si buu yiri loo maareeyo isfahamka bulshada Soomaaliyeed iyo dawlada Kenya oo labaduba ay ka dhexayso dan guud.

Sheekh Maxamed Ibraahim Shakuul oo kamid ah culumaa’udiinka Soomaaliyeed ee ku dhaqan dalka Kenya oo kulankaasi ka qaybgalay ayaa isna dhankiisa sheegay in loo baahanyahay in Soomaalid ku dhaqan dalka Kenya ay isu yimaadaan oo doortaan hogaan ay raali ka wada yihiin.

Waxaana uu ku baaqay in guddi arrintaas loo saaro si ay u diyaariyaan qaabkii loo qaban lahaa doorashada isagoo si gaar ah ugu mahadceliyay dhalinyaradii soo qabanqaabisay kulankaas oo ugu horreeyo Xassan C/raxmaan Qoordheere oo uu sheegay inuu iskiis isu xilqaamay.

Shukri Maxamuud Afrax oo kamid ahayd dadkii goobtaas ka hadlay ayaa wax lala yaabo ku tilmaantay in Soomaalida ku dhaqan Kenya aysan lahayn hogaan jaaliyadeed taasoo ay sheegtay inay tahay mid dib u dhac ku keeni karta horumarka ummada.

Soomaalida ku dhaqan Kenya ayaa horay u lahaa oo kaliya guddi ganacsi oo ka shaqeeya danaha ganacsatada, balse ilaa iyo hadda ma jiro hogaan jaaliyadeed oo si guud uga dhexeeya, marka laga reebo ururo jaaliyadeed oo ku magacaaban maamullada kala duwan ee ka jira Jamhuuriyadda Soomaaliya.

M1440034.jpg
M1440027.jpg
M1440009.jpg
M1440047.jpg
M1440050.jpg
M1440065.jpg
M1440076.jpg
M1440083.jpg

Axmed C/samad, Hiiraan Online
[email protected]
Nairobi , Kenya









Click here
6/9/2013 3:18 PM EST
Axad, Juun 09, 2013 (HOL) — Ugu yaraan 10-qof ayaa ku dhaawacmay qaraxyo kala duwan oo caawa ka kala dhacay magaalada magaalada Mombasa iyo magaalada Nairobi ee xarunta dalka Kenya, sida ay sheegeen saraakiil ka tirsan booliiska Kenya.

6/9/2013 2:38 PM EST
Axad, Juun 09, 2013 (HOL) — Xildhibaan Maxamed Maxamuud Ibraahim (Goodir) oo ka mid ah wafdiga dowladda Soomaaliya ee Kismaayo ku sugan ayaa ku eedeeyay ciidamada Kenya ee qaybta ka ah howgalka AMISOM inay la safteen dhinac ka mid ah dhinacyadii ku dagaalamaya Kismaayo.

6/9/2013 12:02 PM EST
Axad, Juun 09, 2013 (HOL) — Kulan ay isugu yimaadeen qaybaha kala duwan ee odayaasha, siyaasiyinta, xildhibaannada iyo waxgarad kasoo jeeda gobollada Juboboyinka oo maanta ka dhacay Muqdisho ayaa lagu dalbaday in la joojiyo dagaallada kasoo cusboonaaday magaalada Kismaayo.

6/9/2013 9:47 AM EST
Axad, Juun 09, 2013 (HOL) — Bartamaha magaalada Baydhabo gar ahaan agagaarka Hotel Bay ayaa ciidamo ka tirsan kuwa AMSIOM oo ku sugnaa waxaa lagu eegtay maanta bam-gacmeed, iyadoo qaar ka tirsan ciidamada AMSIOM iyo dad shacab ah ay ku dhaawacmeen.

6/9/2013 9:12 AM EST
Axad, Juun 09, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay inaan la isaga hari doonin hurinta colaad ay ku dhintaan dad aan waxba galabsan in si macno-darro ah lagu daadiyo dhiigga shacabka Soomaaliyeed.

6/9/2013 9:10 AM EST
Axad, Juun 09, 2013 (HOL) — Xukuumadda Soomaaliya ayaa maanta soo dhaweysay mashaariic cusub oo dowladda Sucuudiga ay ka bilaabayso dalka Soomaaliya, kuwaasoo ay fulinayso ururka iskaashiga Islaamka ee OIC, sida uu sheegay ra’iisul wasaaraha Soomaaliya.

6/9/2013 7:56 AM EST
Axad, Juun 09, 2013 (HOL) — Bannaanbax looga soo horjeedo dhibaatooyinka lagu hayo Soomaalida ku nool dalka Koonfur Afrika ayaa ka dhacay maanta magaalada Muqdisho, waxaana ka hadlay mas’uuliyiin uu ku jiray guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan).

6/9/2013 7:32 AM EST
Axad, Juun 09, 2013 (HOL) — Madaxweynihii hore ee Koonfur Afrika, Nelson Mandela oo 94-jir ah ayaa la dhigay isbitaal u yaalla magaalada Pretoria ee dalka Koonfur Afrka, si looga daweeyo caabuq ama infakshan kaga dhacay sambabada.

6/9/2013 4:34 AM EST
Axad, June 09, 2013(HOL) :- Waxaa weli xaalad kacsanaan ah laga dareemayaa magaalada Kismaayo kadib dagaallo xooggan oo shalay ilaa daraad gudaha magaalada ku dhexmaray ciidamada maamulka uu hogaamiyo Sheekh Axmed Madoobe iyo kuwo daacad u ah Iftiin Xasan Baasto oo isagu sheeganaya xilka madaxweeynenimo ee Jubbaland.

6/9/2013 3:37 AM EST
Axad, Juun 09, 2013 (HOL) — Muwaadin Soomaaliyeed oo doonayay inuu dib ugu soo laabto Soomaaliya ayaa xalay dhac bareer ah logou geystay magaalada Johannesburg ee dalka Koonfur Afrika, iyadoo laga dhacay lacag gaaraysa 11,000 oo doolarka Mareykanka ah.

6/9/2013 3:26 AM EST
Axad, Juun 09, 2013 (HOL) — Ergaygga gaarka ah ee xoghayaha guud ee Qaramadda Middobay u qaabilsan arrimaha Soomaaliya (SRSG), Nicholas Kay ayaa ku baaqay in si deg-deg ah loo joojiyo dagaalka Kismaayo, isagoo ku baaqay in khilaafyada jira lagu dhameeyo wadahadal.