8/18/2019
Today from Hiiraan Online:  _
Wararka Maanta- Axad, Jun 9 , 2013
Qaraxyo ay ku dhaawacmeen toban ruux oo caawa siyaabo kala duwan uga dhacay Magaalooyinka Mombasa iyo Nairobi


Axad, Juun 09, 2013 (HOL) — Ugu yaraan 10-qof ayaa ku dhaawacmay qaraxyo kala duwan oo caawa ka kala dhacay magaalada magaalada Mombasa iyo magaalada Nairobi ee xarunta dalka Kenya, sida ay sheegeen saraakiil ka tirsan booliiska Kenya.

Sarkaalka ugu sarreeya booliiska Mombasa, Aggrey Adoli ayaa sheegay in laba qof oo mooto wata ay bam-gacmeed ku tuureen kaniisada ku taalla xaafadda Likoni ee magaalada Mombasa xilli ay ku jireen dad badan oo cibaadeysanayay.

“Qarax ayaa ka dhacay caawa fiidkii kaniisad ku taalla xaafadda Likoni ee Mombasa, waxaana ku dhaawacmay lix qof, waxaana dhammaantood loo qaaday isbitaalka si loo daweeyo,” ayuu yiri Adoli oo aan bixin faahfaahin intaas ka badan.

Booliiska ayaa sheegay in dadka ku dhaawacmay qaraxan ay ku jireen ilmo yar iyo wadaad masiixi ah, iyagoo intaas ku daray in bamka uu ku dhacay gudaha kaniisada kaddibna uu la maqlay qarax aad u weyn.

Goobjoogayaa ayaa sheegay in inay arkayeen laba nin oo mooto wata oo bambaanada ku tuuraya kaniisada, ayna markiiba u baxsadeen dhinaca Koonfureed ee magaalada oo ay daggan yihiin dadka saboolka ah.

Dhanka kale, taliyaha booliiska magaalada Nairobi, Benson Kibue ayaa sheegay in saddex qof ay ku dhaawacmeen bambaano lagu tuuray caawa deegaanka Majengo oo ku taalla xaafadda ay Soomaalidu deggen tahay ee Islii (Eastleigh).

"Bam-gacmeed caawa lagu tuuray deegaanka Majengo ee xaafadda Islii waxayna kasoo gaareen dhaawacyo saddex qof," ayuu yiri Kibue oo shheegay in kooxihii weerarka geystay ay markiibta goobta ka baxsadeen.

Ma jirto weli cid ay ciidamada booliiska Kenya ku eedeeyeen qaraxyadii kala duwanaa ee caawa ka dhacay magaalooyinka Mombasa iyo Nairobi, balse booliiska Kenya ayaa dhowr jeer oo hore qaraxyada ka dhaca gudaha Kenya ku eedeeyay inay ka dambeyso xubno ka tirsan Al-shabaab oo ku sugan dalka Kenya.

Inkastoo aysan jirin cid weli sheegatay inay ka dambeysay weerarradan ayaa haddana waxay qayb ka noqonayaan weerarro ay Kenya la kulmaysay tan iyo sannadkii 2011 oo ay Kenya ciidamadeeda u dirtay Soomaaliya si ay ula dagaalamaan Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/9/2013 2:38 PM EST
Axad, Juun 09, 2013 (HOL) — Xildhibaan Maxamed Maxamuud Ibraahim (Goodir) oo ka mid ah wafdiga dowladda Soomaaliya ee Kismaayo ku sugan ayaa ku eedeeyay ciidamada Kenya ee qaybta ka ah howgalka AMISOM inay la safteen dhinac ka mid ah dhinacyadii ku dagaalamaya Kismaayo.

6/9/2013 12:02 PM EST
Axad, Juun 09, 2013 (HOL) — Kulan ay isugu yimaadeen qaybaha kala duwan ee odayaasha, siyaasiyinta, xildhibaannada iyo waxgarad kasoo jeeda gobollada Juboboyinka oo maanta ka dhacay Muqdisho ayaa lagu dalbaday in la joojiyo dagaallada kasoo cusboonaaday magaalada Kismaayo.

6/9/2013 9:47 AM EST
Axad, Juun 09, 2013 (HOL) — Bartamaha magaalada Baydhabo gar ahaan agagaarka Hotel Bay ayaa ciidamo ka tirsan kuwa AMSIOM oo ku sugnaa waxaa lagu eegtay maanta bam-gacmeed, iyadoo qaar ka tirsan ciidamada AMSIOM iyo dad shacab ah ay ku dhaawacmeen.

6/9/2013 9:12 AM EST
Axad, Juun 09, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay inaan la isaga hari doonin hurinta colaad ay ku dhintaan dad aan waxba galabsan in si macno-darro ah lagu daadiyo dhiigga shacabka Soomaaliyeed.

6/9/2013 9:10 AM EST
Axad, Juun 09, 2013 (HOL) — Xukuumadda Soomaaliya ayaa maanta soo dhaweysay mashaariic cusub oo dowladda Sucuudiga ay ka bilaabayso dalka Soomaaliya, kuwaasoo ay fulinayso ururka iskaashiga Islaamka ee OIC, sida uu sheegay ra’iisul wasaaraha Soomaaliya.

6/9/2013 9:05 AM EST
Kulan ay isugu yimaadeen qaybaha kala duwan ee bulshada oo lagu lafa gurayay sidii hogaan midaysan loogu samayn lahaa jaaliyada Soomaaliyeed ee ku dhaqan wadanka Kenya ayaa lagu qabtay hotelka Nomad ee xaafada Islii.

6/9/2013 7:56 AM EST
Axad, Juun 09, 2013 (HOL) — Bannaanbax looga soo horjeedo dhibaatooyinka lagu hayo Soomaalida ku nool dalka Koonfur Afrika ayaa ka dhacay maanta magaalada Muqdisho, waxaana ka hadlay mas’uuliyiin uu ku jiray guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan).

6/9/2013 7:32 AM EST
Axad, Juun 09, 2013 (HOL) — Madaxweynihii hore ee Koonfur Afrika, Nelson Mandela oo 94-jir ah ayaa la dhigay isbitaal u yaalla magaalada Pretoria ee dalka Koonfur Afrka, si looga daweeyo caabuq ama infakshan kaga dhacay sambabada.

6/9/2013 4:34 AM EST
Axad, June 09, 2013(HOL) :- Waxaa weli xaalad kacsanaan ah laga dareemayaa magaalada Kismaayo kadib dagaallo xooggan oo shalay ilaa daraad gudaha magaalada ku dhexmaray ciidamada maamulka uu hogaamiyo Sheekh Axmed Madoobe iyo kuwo daacad u ah Iftiin Xasan Baasto oo isagu sheeganaya xilka madaxweeynenimo ee Jubbaland.

6/9/2013 3:37 AM EST
Axad, Juun 09, 2013 (HOL) — Muwaadin Soomaaliyeed oo doonayay inuu dib ugu soo laabto Soomaaliya ayaa xalay dhac bareer ah logou geystay magaalada Johannesburg ee dalka Koonfur Afrika, iyadoo laga dhacay lacag gaaraysa 11,000 oo doolarka Mareykanka ah.

6/9/2013 3:26 AM EST
Axad, Juun 09, 2013 (HOL) — Ergaygga gaarka ah ee xoghayaha guud ee Qaramadda Middobay u qaabilsan arrimaha Soomaaliya (SRSG), Nicholas Kay ayaa ku baaqay in si deg-deg ah loo joojiyo dagaalka Kismaayo, isagoo ku baaqay in khilaafyada jira lagu dhameeyo wadahadal.