8/18/2022
Today from Hiiraan Online:  _
Wararka Maanta- Jimco, Aug 30, 2013
Hay’adda Amnesty International oo shaacisay in weli kufsiga haweenku uu si baahsan uga jiro xeryaha Barakacayaasha


Jimco, August 30, 2013 (HOL) — Hay’adda xuquuqda aadanaha ee Amnesty International ayaa ku sheegtay warbixin ay maanta oo Jimco soo saartay in weli gudaha Soomaaliya uu si baahsan uga socdo kufsiga haweenka, iyadoo hay’addu ay xustay in ay jiraan dhibbaneyaal badan oo aan sheegin kufsiga loo geystay iyagoo ka baqaya inay ceeboobaan.

Sarkaalad dhinaca la-talinta dhibaatooyinka ah oo ka tirsan Amnesty oo lagu magacaabo, Donnatella Rovera ayaa sheegtay in weli kufsigu uu cabsi weyn ku hayo haweenka Soomaalida, gaar ahaan kuwa ku jira xeryaha barakacayaasha, kuwaasoo ay ku jirto gabar 13-jir ah oo lagu kufsaday kaam Muqdisho ku yaal.

“Dhab ahaan laguma guuleysan karo in dhibaatooyinka galmada sharciga ka baxsan ee lagula kacayo haweenka iyo gabadhaha ku nool meelaha aanu ka jirin sharciga la xakameeyo, taasoo keentay in kufsiga uu si furan uga dhaco meelahaas,” ayay tiri Rovera.

Warbixin ay Qaramada Midoobay soo saartay sannadkii hore ee 2012 ayaa lagu sheegay in xeryaha barakacayaasha ee ku yaalla Soomaaliya ay ka dhaceen 1,700 oo kufsi. kuwaasoo 70% ay ahaayeen kuwo ay geysteen rag ku labisanaa dharka ciidamada xukuumadda.

“Dambiilayaashii falkaas geystay kuwo yar oo ka mid ah ayaa sharciga la hor keenay. Dhibbanayaasha kufsiga loo geystayna haddii ay sheegi lahaayeen in loo geystay kufsi waxay ka baqayaan in ay bulshada horteeda fadeexad kala kulmaan. Sidaa daraaddeed, marka la isku geeyo baqdinta ceebta ee dumarku ay qabaan iyo inaanay jirin kalsooni kiisaskaas lagu gudbin karo, waxay ka dhigan tahay in inta badan dhibbaneyaashu aysan booliiska u gudbin in la kufsaday,” ayay sarkaaladdu hadalkeeda ku dartay.

Sidoo kale, waxay intaas ku dartay xukuumadda waxaa looga baahan yahay inay ka hortagto haweenka dhibaatada loo geysanayo, kuwa geysanayana ay horkeento cadaaladda nooc walba oo ay yihiin.

Donnatella Rovera waxay sheegtay in haweenka kufsiga loo geysanayo ay yihiin kuwo ku nool guryo ka sameysan baco la isku xir-xiray oo leh albaab ka sameysan baco la isku kabay, kuwaasoo ay si fudud uga gudbi karaan kuwa dambiyada geysanaya, weerarradu inta badanna ay dhacaan habeenka marka la gaaro. Iyadoo xustay in hadalka ay u sheegtay haweeney haysata afar caruur ah.

“Waxay ii sheegtay in iyadoo carruurteeda la jiifta aqalkeeda bacaha ah uu nin u soo galay uuna ula soo baxay mindi, xilliguna uu ahaa habeen dhexaad. Wuxuu igu amray inaanan hadlin isagoo iigu goodiyay inuu i dilayo. Ilmaha waxay jiifeen meel dhabarkeeda ah. Wuu kufsaday, wuuna iska tagay. Waxay ii sheegtay inaysan cidna u sheegin, waayo waxay ka baqaysaa inay darisku ku sheekeystaan wixii ku dhacay, iyadoo xustay inay ku qoslayaan oo keliya ayna leeyihiin wax xun baa lagugu sameeyay,” ayay tiri Rovera.

Iyadoo sii hadlaysa ayey tiri: “Waa wax laga xumaado in taas oo kale ay ka dhacdo gobollada  ay dowladdu ka maamusho dalka, inkasta oo gobollada ay Al-shabaab ka taliso ay iyagana arintan oo kale ka dhacdo”

Ugu dambeyn, Donnatella Rovera waxay sheegtay in haddii xukuumaddu aysan sharciga horkeenin kuwa dambiyadaas galay; ay imaan doonto in haween badan oo hadda bad qaba ay la kulmi doonaan dhibaatooyinkaas oo kale. Waxayna sidoo kale xustay in dhibbanayaasha oo aan sheegan karin dhibkii loo geystay ay horseedi karto in uu dambiga kufsigu sii socdo.

Dowladda Soomaaliya ayaan weli ka hadlin hadalka ku saabsan in kufsigu uu weli ka jiro xeryaha ay ku nool yihiin barakacayaasha ee ku yaalla Muqdisho, inkastoo mas'uuliyiinta dowladdu ay dhowr jeer oo hore beeniyeen in ciidamadoodu ay ku lug leeyihiin kufsiga ka dhaca xeryaha barakacayaasha.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/30/2013 2:22 PM EST
Jimco, August 30, 2013(HOL) — Laba askari oo katirsan ciidamada maamulka Jubba State ee degmada Kismaayo ayaa maanta ku dhimatay shaqaaqo dhexmaray ciidamada dhexdooda, taasoo ka dhalatay jaad la dhacay.

8/30/2013 2:06 PM EST
Jimco, August 30, 2013(HOL) — Kulan maanta ka dhacday Hotel Qiilmawaaye ee magaalada Kismaayo, islamarkaana ay kasoo qeybgaleen Siyaasiyiin, odoyaal iyo waxgarad kasoo jeeda beesha Sade ee degta gobollada Jubooyinka ayaa lagu soo dhaweeyay heshiiskii magaalada Adisababa ee dalka Itoobiya ku dhexmaray dowladda Soomaaliya iyo maamulka Jubba State ee uu hogaamiyo Sheekh Axmed Max’ed Islaam (Axmed Madoobe).

8/30/2013 12:52 PM EST
Jimco, August 30, 2013 (HOL) — Munaasabad ballaaran oo dib loogu furayay xerada ciidamada xoogga dalka ee 21-aad oo ku taalla magaalada Dhuusa-mareeb oo ah xarunta gobolka Galguduud ayaa gelinkii dambe ee maanta lagu qabtay dhismaha xeradaas, waxaana xariga ka jaray abaanduulaha ciidamada xoogga dalka, Jen. Cabdirisaaq Khaliif Cilmi.

8/30/2013 12:51 PM EST
Jimco, August 30, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa gellinkii dambe ee maanta ka dhoofay Muqdisho, iyagoo u dhoofay dalka Sucuudiga halkaasoo la sheegay inuu u tagay cimro iyo ka qaybgalka shir aan faahfaahin laga bixin oo ka dhacayay magaalada Riyadh ee xarunta dalkaas.

8/30/2013 8:29 AM EST
Jimco, August 30, 2013 (HOL) — Madaxweynaha Soomaaliya Xasan Sheekh Maxamuud ayaa amniga Muqdisho iyo dagaallada ay ciidamada dowladdu kula jiraan Al-shabaab kaga hadlay maanta hadal uu shacabka Soomaaliyeed uga jeediyay warbaahinta ku hadasha afka dowladda isagoo ka warbixinayay waxqabadkii dowladdiisa oo hal sano ay u buuxsamayso bisha soo socota ee September.

8/30/2013 7:31 AM EST
Jimco, August 30, 2013 (HOL) — Ra’iisul wasaare ku-xigeenka ahna wasiirka arrimaha dibadda iyo iskaashiga caalamiga ah ee Somalia, Fowsiyo Yuusuf Xaaji Aadan oo maanta dib ugu soo laabtay Muqdisho, kaddib safar shaqo oo qaatay muddo toddobaad ka badan oo ay ku tagay dalka Shiinaha ayaa ka sheegtay shir jaraa'id oo ay ku qabatay garoonka in Shiinuhu uu mashaariic badan oo dib-u-dhis ah ka billaabayo Soomaaliya.

8/30/2013 7:00 AM EST
Jimco, August 30, 2013 (HOL) — Mas'uuliyiin ka tirsan maamulka gobolka Hiiraan oo uu horkacayay guddoomiyaha gobolka Cabdi Faarax Laqanyo, ayna kamid ahaayeen, duqa degmada Beledweyn, saraakiisha ciidamada dowladda iyo kuwa Jabuuti ee qaybta ka ah howlgalka Midowga Afrika ee AMISOM, ayaa kormeer ku tegey deegaanno ka tirsan gobolka Hiiraan.

8/30/2013 6:28 AM EST
Jimco, August 30, 2013 (HOL) — Madaxweynaha Soomaaliya Xasan Sheekh Maxamuud oo maanta ka hadlayay warbaahinta ku hadasha afka dowladda ayaa sheegay in dowladda Soomaaliya ay qorsheynayso inay wadahadallo la furto maamulka Puntland oo dhawaan ku dhawaaqay inuu xiriirka u jaray.

8/30/2013 3:55 AM EST
Jimco, August 30, 2013 (HOL) — Ciidamada nabadsugidda Soomaaliya ayaa sheegay in howgalka ay ka sameeyeen hoteello ku yaalla Suuqa Bakaaraha ee Muqdisho ay kusoo qabqabteen xubno ka tirsan Al-shabaab oo isugu jira Soomaali iyo ajnabi.

8/30/2013 3:44 AM EST
Jimco, August 30, 2013 (HOL) — Madaxwene ku-xigeenka Puntland, Jen. C/samad Cali Shire oo booqday saldhig ciidan oo ku yaalla degmada Taleex ayaa u sheegay ciidamadii ku suganaa xeradaas in la tayayn doono.

8/30/2013 3:38 AM EST
Jimco, August 30, 2013 (HOL) — Diyaarad nuuceedu ahaa Boeing 747 oo u kireysnayd shirkad laga leeyahay dalka Turkiga oo garoonka Muqdisho lagu wareejin doono si ay dib u dhis ugu sameyso, diyaaraddan ayaan muddo ku dhow 20-sano kusoo deign garoonka diyaaradaha Muqdisho.

8/30/2013 3:19 AM EST
Jimco, August 30, 2013 (HOL) — Xarakada Al-shabaab ayaa degmada Ceelbuur ee gobolka Galguduud kusoo bandhigtay Khamiistii shalay ciidammo ay tababar u soo xirtay xoogag ka tirsan ciidamadeeda oo bilihii lasoo dhaafay uu tababar u socday.

8/30/2013 2:55 AM EST
Jimco, August 30, 2013(HOL) :- Tababarkani oo soconayay muddo laba maalin ah ayaa waxaa haween gaaraya boqol ruux u qabtey ha`yadda Samafalka SADO oo ka shaqeysa horuumarinta arrimaha bulshada, waxaana hay`addan ay ka howlgashaa goballada Bay, Gedo, Jubbooyinka iyo Galgaduud.

8/30/2013 2:26 AM EST
Jimco, August 30, 2013 (HOL) — Howlgallo baaritaanno ah oo boqollaal lagu qabqabtay ayay ciidamada dowladda Soomaaliya iyo kuwa AMISOM saakay ka sameeyeen xaafado ka tirsan degmada Huriwaa oo xalay uu dhacay iska-horimaad u dhexeeya ciidamada dowladda, kuwa AMISOM iyo Al-shabaab.

8/30/2013 2:16 AM EST
Jimce, August 30, 2013 (HOL) — Ururka suxufiyiinta Puntland ayaa cambaareeyey xarig muddo saacado ah shalay loogu geystey magaalada Garoowe labo kamid ah weriyeyaasha TV-ga caalamiga ah ee Channel-4 oo laga leeyahay dalka Britain.Weriyeyaasha la xiray oo muddo shan maalmood ah Garoowe ku sugnaa ayaa kala ah Jamaal Maxamed Cismaan iyo filim-qaade Axmed Faarax.

8/30/2013 2:02 AM EST
Jimco, August 30, 2013 (HOL) — Dagaal culus oo muddo saacad ka badan socday ayaa xalay ka dhacay degmada Ceelbarde ee gobolka Bakool, iyadoo la sheegayo inay dhinteen shan qof oo ka kala tirsanaa dhinacyadii dagaallamay.