10/22/2019
Today from Hiiraan Online:  _
Wararka Maanta- Isniin, May 27, 2013
Odayaal iyo Waxgarad u Xidhnaa Shaqaaqo ka Dhacday Magaalada Xariirad ee Gobolka Awdal oo la sii daayay


Isniin, May 27, 2013 (HOL) — Wasiirka Wasaarada Arimaha Gudaha Somaliland, Maxamed Nuur Caraale(duur), ayaa maanta Xabsiga Dhexe ee Magaalada Boorame  ka siidaayey Odayaal ka soo jeedda degmadda Xariirad oo illaa sideetan maalmood ugu xidhnaa dil ka dhacay degmadaasi, isla markaana odayaashan loo xidhay sidii ay soo qaban lahaayeen ninkii dilkaasi geystay.

wasiirka Wasaarada Arimaha Gudaha Somaliland Md: Maxamed Nuur Caraale(duur), ayaa sheegay inay xaliyeen shaqaaqo ka taagnayd dil ka dhacay magaaladda Xariirad oo lagu eedeeyey inay geystaan rag ka soo jeedda beesha Saylac degta, kaas oo u xidhnaa inay soo qabtaan ninkii dilka geystay, isla markaana amni ahaan loo xidhay odayaashaasi, haseyeeshee muddo billo ah ka dib waxa uu wasiirku xaliyey arrintaasi taas oo keentay inay odayaashaasi xoriyadoodii loo soo celiyo.

"Umeydaan xidhneyn dambi aad gasheen ee waxaad u xidhneydeen nabedgelyada iyo Xoojinteeda,markaa ninkii dilka geystey oo aan la laheyn wakaa oo aan gacan ku dhiiglihii la keenin, nabada sida kaliya ee lagu hoojin karayaa waxa weeye in cida wax geysatey in la kala xisaabtamo wixii meesha ka dhacay”ayuu yidhi wasiirka Arrimaha gudaha Mr: Duul oo ka hadlayey siideynta odayaashan, waxaanu intaas ku daray “ laba beelood ayaa wax kala gaadheen oo Walaalo ah intii aad xidhneydeen Xaajadii cidi uma dhaqaaqin garowshiiyo iyo gacal daaweyni ma dhicin garowshiiyona ma dhicin gacalkiina lalama xidhiidhin halkii la idinka soo xidhey arinkii sidii buu uyaalaa”

"Waxaan go,aansadey inaan  idin soo daayo oo soo deyntu, inaan idinku sii dhex daayo uun ma,ah ee waa in si nabed ah ku tagtaan Deegaankii, Geed kasta waan u guureynay anana Nabedgelyada ilaaha na waafajiyay inaanu anagoo madaxdii qaranka ah tagno Xariirad ayaa mahadaa leh, hadaananu tagina soo deyntaa maantu waxba may tarteen”ayuu hadalkiisa sii raaciyey, isagoo tilmaamay inay xaliyeen wixii dhibaato ka taagnayd degmadda.

"Ummad kasta oo meel wada degta illaahay ayaa wada dajiyay Soomaalidu siday wax iskugu tahey mataqaan,  maalintii  la idin soo xidhey waxa la igu yidhi Hargeysa gee, waxaan idhi geyn maayo ee goobta ugu wanaagsan ee ugu gacalka badan ee ugu sokeeye badani  ee dushiina ka muuqataa in ay Boorame tahey hadaan Hargeysa iyo Goob kale idinku xidho waxa laga yaabaa in aydaan qof idinka daba yimaadaba aragteen taana waxaad dadkii gaadhsiisaan waar inta is xigta ee Walaalaha ah ayaa wax kala gaadhaan ee laba aan is arag wax kala gaadhi maayaan, hadey wax kala gaadhaana imika wax wanaajiya, fursada aad ka hesheen Booramena meelnaba kamaydaan hesheen "Ayuu raaciyey isagoo la dardaarmaya odayaasha la soo daayey,.

Sidoo kale waxa isaguna halkaasi ak hadlay Caaqil Cali Cawaale oo kamid ahaa Madaxdhaqameedka  u xidhnaa dilkaasi ka dhacay Xariirad, waxaanu sheegay in dhacdani tahay mid qadar alla ku timid, isla markaana loo baahan yahay in si nabadgalyo loo wada noolaato.

"Wax xumaana oo walaalahayo na dhex yaalaa majiro wixii dhacayaba rabibaa samada ka keena”ayuu yidhi Caaqal Cali Cawaale oo ka hadlayey xadhigoogii, waxaanu intaas ku daray “waxa anaga halkan na keenay qadar alla iyo masuul xumo, Reer Booramena way  mahadsan yihiin boqolkiiba boqol aqaladayadii ayaanu ku xidhneyn ee meel kale kumaanu xidhneyn dadka wax noo keenayeyna dadkayagii ayuu ahaa gogoshu gogoshayadii bay aheyd”.

Si kasataba ha ahaatee, wasiirka ayaa maalmihii u dambeeyey ku sugnaa magaaladda Boorame, waxaanu ku guulaystay inuu isku keeno labaddii beelood ee gacantu kala gaadhay, isla markaana wuxuu ku adkeeyey sidii amniga loo xoojin lahaa kana wada shaqayn lahaayeen labadda beelood ee degmada wadda degtaa.

Barkhad-ladiif M. Cumar, Hiiraan online
[email protected]
Hargeysa, Somaliland.










Click here
5/27/2013 1:24 PM EST
Isniin, May 27, 2013 (HOL) — Ciidamada la-dagaalanka argagaxisada dalka Kenya ayaa maanta oo Isniin ah ku toogtay deegaan lagu magacaabo Kisauni oo ku yaalla duleedka magaalada xeebta leh ee Mombasa, waxaana iska hor-imaad dhexmaray ninkaas iyo booliiska ku dhaawacmay lab aka mid ah ciidamada Kenya.

5/27/2013 1:02 PM EST
Isniin, May 27, 2013 (HOL) — Ugu yaraan lix qof oo dhinacyadii dagaalamay ah ayaa ku dhintay dagaal culus oo ciidamada dowladda Soomaaliya, kuwa AMISOM iyo xoogagga Al-shaabaab ku dhexmaray duleedka waqooyi ee degmada Jowhar.

5/27/2013 10:13 AM EST
Isniin, May 27, 2013 (HOL) — Xarunta CRD ee Muqdisho ayaa maanta tababar loogu soo xiray in ku dhow 30-shaqaale ah oo ka tirsan wasaaradda arrimaha gudaha iyo amniga Qaranka xukuumadda Soomaaliya, kuwaasoo loo tababaray fulinta howlaha wasaaradda, iyadoo la guddoonsiiyay shahaadooyin.

5/27/2013 10:05 AM EST
Isniin, May 27, 2013 (HOL) — Dowladda Soomaaliya ayaa sheegtay inay tayeyn doonto ciidamada dowladda ee ku sugan gobollada Jubbooyinka si ay deegaannada kale ee gobolkaas ug saaraan Xarakada Al-shabaab.

5/27/2013 9:58 AM EST
Isniin, May 27, 2013 (HOL) — Maamulka gobolka Banaadir ayaa Muqdisho ugu soo gabagabeeyay tababar xubno laga soo xulay degmooyinka Hodan, Howlwadaag, Wardhiigley iyo Yaaqshiid, kuwaasoo loo tababaray sidii ay u ilaalin lahaayeen hantida dadweynaha oo ay ka mid yihiin nalalka qoraxda ku shaqeeya oo dhawaan la suray jidka 30-ka ee Muqdisho.

5/27/2013 8:19 AM EST
Isniin, May 27, 2013 (HOL) — Maxkamad degmadda Hargeysa, ayaa shalay ka furantay dacwad ka dhan ah saddex qof oo Itoobiyaan ah oo lagu eedeeyey fasahaadin diimeed, kaas oo mudaddii u dambeeyey kiiskoodu ka socday maxkamadda.

5/27/2013 1:51 AM EST
Isniin, May 27, 2013 (HOL) — Madaxweynaha Soomaaliya Xasan Sheekh Maxamuud aya walaac ka muujiyay howlaha nabad ilaalineed ee ciidamada Kenya ay ku joogaan magaalada Kismaayo ee gobolka Jubbada Hoose, xilli ay dowladda Soomaaliya doonayso inay qabsato deegaannada kale ee ku yaalla gobolka Jubbada Hoose.

5/27/2013 1:49 AM EST
Isniin, May 27, 2013 (HOL) — Ciidamada booliiska Soomaaliya iyo kuwa AMISOM ayaa saakay howlgallo baaritaanno ah kawada xaafado ka tirsan degmada Wadajir ee gobolka Banaadir, iyagoo howlgalladaas ku qabqabtay dad fara badan.