10/15/2019
Today from Hiiraan Online:  _
Wararka Maanta- Isniin, May 27, 2013
Dowladda Soomaaliya oo sheegtay inay Tayeynayso Ciidamada kaga sugan Magaalada Kismaayo ee Jubbada Hoose


Isniin, May 27, 2013 (HOL) — Dowladda Soomaaliya ayaa sheegtay inay tayeyn doonto ciidamada dowladda ee ku sugan gobollada Jubbooyinka si ay deegaannada kale ee gobolkaas ug saaraan Xarakada Al-shabaab.

Wasiirka gaashaandhigga Soomaaliya, C/xakiin Maxamuud Xaaji Fiqi oo ku sugan magaalada Kismaayo ayaa kulan arrintan ku saabsan la yeeshay saraakiisha ciidamada dowladda iyo kuwa AMISOM.

Fiqi ayaa sheegay in qorshahooda ugu weyn ee ay u tageen Jubbooyinka uu yahay sidii ay u tayeyn lahaayeen ciidamada dowladda, isagoo ugu baaqay ciidamada inay noqdaan kuwo isku xiran oo howlaha loo idmaday fuliya.

Magaalada Kismaayo ayaa waxaa ku sugan saddex wasiir oo xukuumadda Soomaaliya ka tirsan kuwaasoo shalay halkaas gaaray, waxaana ka mid ah wasiirka warfaafinta, C/llaahi Ciilmooge Xirsi iyo wasiirka cadaaladda iyo garsoorka, C/llaahi Abyan Nuur.

Ciidamada dowladda Soomaaliya ee ku sugan Kismaayo ayaa waxay qayb ka ahaayeen howgalladii labadii sano ee lasoo dhaafay Al-shabaab looga saaray deegaanno ka tirsan gobolka Jubbada Hoose oo ay ku jirto Kismaayo.

Tallaabadan ayaa waxay kusoo beegmaysaa iyadoo muran xooggan oo ku saabsan maamul Jubaland oo looga dhawaaqay Kismaayo uu ka taagan yahay halkaas, waxaana degmadaas ku sugnaa muddo toddobaadyo ah guddi ka kooban labada gole ee dowalda oo halkaas u tagay xallinta khilaafka taagan.

Deegaanno ka tirsan gobollada Jubbooyinka ayaa waxaa weli gacanta ku haysay Xarakada Al-shabaab, kuwaasoo ay ka mid yihiin degmooyinka Jamaame iyo Jilib oo ka kala tirsan gobollada Jubbada Hoose iyo Jubbada Dhexe.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/27/2013 1:24 PM EST
Isniin, May 27, 2013 (HOL) — Ciidamada la-dagaalanka argagaxisada dalka Kenya ayaa maanta oo Isniin ah ku toogtay deegaan lagu magacaabo Kisauni oo ku yaalla duleedka magaalada xeebta leh ee Mombasa, waxaana iska hor-imaad dhexmaray ninkaas iyo booliiska ku dhaawacmay lab aka mid ah ciidamada Kenya.

5/27/2013 1:02 PM EST
Isniin, May 27, 2013 (HOL) — Ugu yaraan lix qof oo dhinacyadii dagaalamay ah ayaa ku dhintay dagaal culus oo ciidamada dowladda Soomaaliya, kuwa AMISOM iyo xoogagga Al-shaabaab ku dhexmaray duleedka waqooyi ee degmada Jowhar.

5/27/2013 12:50 PM EST
Isniin, May 27, 2013 (HOL) — Wasiirka Wasaarada Arimaha Gudaha Somaliland, Maxamed Nuur Caraale(duur), ayaa maanta Xabsiga Dhexe ee Magaalada Boorame ka siidaayey Odayaal ka soo jeedda degmadda Xariirad oo illaa sideetan maalmood ugu xidhnaa dil ka dhacay degmadaasi, isla markaana odayaashan loo xidhay sidii ay soo qaban lahaayeen ninkii dilkaasi geystay.

5/27/2013 10:13 AM EST
Isniin, May 27, 2013 (HOL) — Xarunta CRD ee Muqdisho ayaa maanta tababar loogu soo xiray in ku dhow 30-shaqaale ah oo ka tirsan wasaaradda arrimaha gudaha iyo amniga Qaranka xukuumadda Soomaaliya, kuwaasoo loo tababaray fulinta howlaha wasaaradda, iyadoo la guddoonsiiyay shahaadooyin.

5/27/2013 9:58 AM EST
Isniin, May 27, 2013 (HOL) — Maamulka gobolka Banaadir ayaa Muqdisho ugu soo gabagabeeyay tababar xubno laga soo xulay degmooyinka Hodan, Howlwadaag, Wardhiigley iyo Yaaqshiid, kuwaasoo loo tababaray sidii ay u ilaalin lahaayeen hantida dadweynaha oo ay ka mid yihiin nalalka qoraxda ku shaqeeya oo dhawaan la suray jidka 30-ka ee Muqdisho.

5/27/2013 8:19 AM EST
Isniin, May 27, 2013 (HOL) — Maxkamad degmadda Hargeysa, ayaa shalay ka furantay dacwad ka dhan ah saddex qof oo Itoobiyaan ah oo lagu eedeeyey fasahaadin diimeed, kaas oo mudaddii u dambeeyey kiiskoodu ka socday maxkamadda.

5/27/2013 1:51 AM EST
Isniin, May 27, 2013 (HOL) — Madaxweynaha Soomaaliya Xasan Sheekh Maxamuud aya walaac ka muujiyay howlaha nabad ilaalineed ee ciidamada Kenya ay ku joogaan magaalada Kismaayo ee gobolka Jubbada Hoose, xilli ay dowladda Soomaaliya doonayso inay qabsato deegaannada kale ee ku yaalla gobolka Jubbada Hoose.

5/27/2013 1:49 AM EST
Isniin, May 27, 2013 (HOL) — Ciidamada booliiska Soomaaliya iyo kuwa AMISOM ayaa saakay howlgallo baaritaanno ah kawada xaafado ka tirsan degmada Wadajir ee gobolka Banaadir, iyagoo howlgalladaas ku qabqabtay dad fara badan.