11/11/2019
Today from Hiiraan Online:  _
Wararka Maanta- Sabti, Jun 24, 2013
Arday Soomaaliyeed oo dhameystirtay waxbarasho jaamacadeed oo xaflad Qalin-jabin ah loogu sameeyay dalka Hidniya (SAWIRRO)



Isniin, Juun 24, 2013 (HOL) — Xaflad weyn oo ay ku qalin-jabinayeen arday Soomaaliyeed ee dhameystay wax-barasho Jaamacadeed ayaa lagu qabtay magaalada Hyderabad ee dalka Hindiya.

Xafladan oo sanad waliba loo qabto ardayda Soomaaliyeed ee dalkaas wax-ka-barta ayaa waxaa goobjoog ka ahaa arday, macallimiinta, waaliddiinta ardayda Soomaliyeed iyo madax sare oo ka socday Jaamacadaha iyo machadyada waaweyne ee dalka Hindiya.

Ardayda Soomaaliyeed ee qalin-jabiyay ayaa waxay tiradoodu ahayd 47-arday oo ka baxay kulliyadaha kala duwan ee jamacadaha dalka Hindiya, sida caafimadka, Injineerinka, farshaxanka iyo sayniska, waxayna kala ahaayeen 14-arday oo ka baxay oo heerkoodu ahaa Mastar Degree iyo 33 oo iyaguna qaatay darajada koowaad ee Bachelor degree.

Dadkii ka qaybgalay xafladda oo hadallo jeediyay ayaa ardayda dhameystay waxbarashadooda kula dardaarmay inay aqoontooda uga faa’iideyaan guud ahaan dadka Soomaaliyeed oo ay ugu horreeyaan waalidiintood oo heerkan soo gaarsiiyay.

Prof. Akhder Cali oo ka socday Jaamacadda Osmania University oo ka mid ah jaamacadaha ku yaalla dalka Hindiya ayaa ardayda qalin-jaibyay si weyn ugu ammaanay dadaal dheeraad ah oo ay muujiyeen iyo inay ahaayeen intii ay waxbarashada wateen kuwo akhlaaq wanaagsan.

“Ardayda Soomaalida waa kuwa ugu firfircoon marka loo eego ardayda kale ee wax kasoo jeeda Qaaradda Afrika. Waxaana kula dardaarmayaa in dadaalkooda ay halkaas kasii wadaan,” ayuu yiri Prof. Cali oo ballan-qaaday inay ka jaamacad ahaan garab isgaati doonaan ardayda Soomaaliyeed.

Sidoo kale, waxaa xafladda ka hadlay Prof. Mohammed Khan oo ka socday LVS group of Institutions isagoo ardayda Soomaaliyeed ku amaanay dadaal dheeraad ah oo ay muujiyeen iyo inay yihiin kuwo waxbarashada jecel.

“Tobankii sano ee ugu dambeysay ardayda Soomaaliyeed waxay jaamacadaha dalka Hindiya ka muujiyeen fir-fircooni dheeraad ah, taasina waxay keentay inaan u ballanqaadno inaan xoogga saarno waxbaridda ardayda Soomaaliyeed si aqoontooda ay u noqdo mid sare,” ayuu yiri Prof. Khan.

Liibaan Cusmaan oo ku hadlay magaca ardayda qalin-jabinaysay ayaa tix yar oo gabay ah ku guubaabiyay ardaydii qalinjabinaysay. Isagoo intaas kaddib sheegay in waxbarashadu aysan dhammaad lahayn, looga baahan yahay arday walba oo Soomaaliyeed uu dadaalkiisa laba jibaaro.

Ugu dambeyn, waxaa ardaydii qalin-jabisay la guddoonsiyay shahaadooyinkii ay ku guuleysteen, iyadoo xafladdu ay kusoo dhammaantay farxad dheeraad ah oo ay muujiyeen ardaydii qalin-jabisay, waalidiintood iyo asxaabtii kale ee xafladda goobjoogga ka ahayd.




Axmed C/wahaab Sheekh Aadan
[email protected]
Hyderabad, Hindiya










Click here
6/24/2013 3:09 PM EST
Isniin, Juun 24, 2013 (HOL) — Sheekh Xasan Daahir Aweys oo sannadihii ugu dambeeyay ka mid ahaa saraakiisha Al-shabaab ayaa warar maanta soo baxay waxay sheegayaan inuu si qarsoodi ah uga baxsaday degmada Baraawe ee gobolka Shabeellada Hoose oo muddooyinkii ugu dambeeyay uu deggenaa.

6/24/2013 1:25 PM EST
Isniin, Juun 24, 2013 (HOL) — Boqor Cabdullaahi Boqor Muuse ayaa maanta ku geeriyoodey dalka Finland. Xaaladda caafimaad ee boqorka oo bilihii u dambeeyey aad u liidatey ayaa kasii dartay kaddib markii uu dhiigga maskaxdu istaagey, taasoo sabab u noqotay geeridiisa.

6/24/2013 1:17 PM EST
Isniin, Juun 24, 2013 (HOL) — Saraakiishii ugu horreysay oo ka tirsan cidiamada xoogga dalka oo tiradoodu ahayd 880-askari ayaa tababar loogu soo xiray maanta xerada tababarka ciidamada ee Jaziira, iyagoo noqonaya kuwii ugu horreeyay oo tabbabar ku qaata gudaha dalka.

6/24/2013 11:27 AM EST
Isniin, Juun 24, 2013 (HOL) — Madaxweynaha Somaliland, Axmed Maxamed Siillaanyo, ayaa magacaabay guddi ka hor tagga tahriibka iyo hirgalinta shaqo abuur loo sameeyo dhalinyaradda.

6/24/2013 10:57 AM EST
Isniin, Juun 24, 2013 (HOL) — Baarlamaanka Soomaaliya ayaa joojiyay ka doodista sharciga xuquuqul aadanaha ee Soomaaliya, kaddib markii ay ka dalbadeen guddiga baarlamaanka u qaabilsan arrintan in dib loo dhigo tan iyo kal-fadhiga saddexaad ee baarlamaanka oo furmaya kaddib fasax ay dhawaan galayaan xildhibaannada.

6/24/2013 9:19 AM EST
Isniin, June 24, 2013 (HOL) - Madaxweynaha dalka Kenya Uhuru Kenyatta ayaa sheegay inuu awood u isticmaali doono maleeshiyaadka hubaysan ee ku dagaallamaya deegaanadda Mandheera iyo Wajeer hadii aanay hubkooda soo dhiibin.

6/24/2013 9:15 AM EST
Isniin, Juun 24, 2013 (HOL) — Prof Axmed Ismaaciil Samater ayaa markii uu soo dhamaystay socdaalkii uu goboladda ku marayey, xalay kulan balaadhan la yeeshay ardayda jaamcadda Hargeysa,kuwaas oo waydiiyey su’aalo aad u kulkullaa oo ku aadan mawqifkiisa madax banaanidda Somaliland uu ka qabo.

6/24/2013 8:53 AM EST
Isniin, June 24, 2013(HOL)—Xaflad si weyn loo soo agaasimay oo lagu abaalmarinayay dad wax fiican sameeyay oo ku nool dalka Sweden, gaar ahaan magaalada Borlänge ayaa lagu qabtay magaaladaas, iyadoo xafladdana ay ahayd mid ay ka qeybgaleen inta badan oo ka mid ah dadka ku nool magaaladaas.

6/24/2013 8:51 AM EST
Isniin, Juun 24, 2013 (HOL) — Guddidda la dagaalanka cudurka HIV/AIDS ee Somaliland, ayaa golaha Wakiiladda warbixin ka siiyey heerka uu cudurkaasi ka marayo Somaliland iyo sida looga baahan yahay in golaha Wakiiladdu qayb uga qaadan lahaayeen wacyigelinta bulshadda, isla markaana shacabka ula wacyigelin lahaa halista uu leeyahay cudurkan.

6/24/2013 8:42 AM EST
Isniin, Juun 24, 2013 (HOL) —Ra’iisul wasaaraha xukuumadda Soomaaliya, Cabdi Faarax Shirdoon (Saacid) ayaa maanta u magacaabay afhayeenka xafiiskiisa, Ridwaan Xaaji Cabdiweli oo ah waaya-arag dhanka warbaahinta ah.

6/24/2013 8:19 AM EST
Isniin, Juun 24, 2013 (HOL) — Xildhibaannada baarlamaanka Somalia ayaa maanta kulan ay ku yeesheen xaruntooda Muqdisho waxay kaga doodeen hidise sharciyeedka maal-gashiga dalka, iyagoo warbixin dheer ka dhageystay wasiirka ganacsiga iyo warshadaha xukuumadda Soomaaliya, Maxamuud Axmed Xasan.

6/24/2013 8:04 AM EST
Isniin, Juun 24, 2013 (HOL) — Kulan looga hadlay sida ururrada bulshada rayidka ah ay uga qaybqaadan lahaayeen dadaallada loogu jiro sidii lagu sugi lahaa ammaanka ayaa maanta lagu qabtay Muqdisho, iyadoo ay kasoo qaybgaleen odayaasha dhaqanka, nabadoonno, haween iyo dhallinyaro.

6/24/2013 5:44 AM EST
Isniin, Juun 24, 2013 (HOL) — AMISOM Siminaar socday afar maalmood ah u soo xirtay guddiga arrimaha gudaha iyo amniga Qaranka ee baarlamaanka Soomaaliya, kaasoo sare loogu aqaadayay aqoontooda la xiriira howlaha ay u hayaan baarlamaanka iyo bulshada Soomaaliyeed.

6/24/2013 5:33 AM EST
Isniin, Juun 24, 2013 (HOL) — Dowladda hoose ee magaalada Laascaanood ee gobolka Sool ayaa billaabay howlo lagu burburinayo dhismayaal laga sameeyay hareeraha waddooyinka magaaladaas.

6/24/2013 4:37 AM EST
Isniin, Juun 24, 2013 (HOL) — Kooxo hubeysan oo aan la garanayn ayaa xalay ku toogtay xaafadda Ceel-qalow ee degmada Wadajir mid ka mid ah shaqaalaha rayidka ah ee baarlamaanka Soomaaliya xilli uu gurigiisa kusii socday.

6/24/2013 4:25 AM EST
Isniin, June 24, 2013 (HOL) - Dagaal beeloodyo u dhexeeya qaar kamid ah beelaha dega gobolka Soomaalida Kenya ee waqooyi bari ayaa sababay inay socon waayaan gaariyaashii basaska ahaa ee qaadi jiray dadka isaga kala goosha deegaanada gobolka iyo caasimada dalka Kenya ee Nairobi.