11/17/2019
Today from Hiiraan Online:  _
Wararka Maanta- Isniin, Jun 24, 2013
Kulan looga hadlayay sidii Bulshada Rayidka ay uga Qaybqaadan lahaayeen sugidda Amniga oo Muqdisho lagu qabtay (WASIRRO)



Isniin, Juun 24, 2013 (HOL) — Kulan looga hadlay sida ururrada bulshada rayidka ah ay uga qaybqaadan lahaayeen dadaallada loogu jiro sidii lagu sugi lahaa ammaanka ayaa maanta lagu qabtay Muqdisho, iyadoo ay kasoo qaybgaleen odayaasha dhaqanka, nabadoonno, haween iyo dhallinyaro.

Kulankan oo ay soo qabanqaabisay hay’adda CCD ayaa waxaa uu qayb ka ahaa kulammo si is-daba-joog ah loogu qabanayay Muqdisho, kuwaasoo looga hadlayay horumarinta ammaanka iyo waxbarashada dalka.

Guddoomiyaha dallada ururada bulshada rayidka, Muxyaddiin Xasan Afrax oo kulanka furay ayaa sheegay in bulshada rayidka ah looga baahan yahay inay is abaabusho, isla markaana ay dib boorka looga jafo kaalintooda kaga aadan wacyi-gelinta, ka shaqeynta amniga guud ee dalka.

"Bulshada rayidka waxaa laga rabaa inay is abaabusho oo kaalintooda lasoo baxaan, waxaa la rabaa inay ciidamada amniga nabada gacan ku siiyaan iyo in kooxaha nabada-diidan ay xaafadaha iyo guryaha kasoo dhex saaraan, Al-Shabaab dagaalkii tooska waa looga adkaaday, inay bulshada isku dhex-qariyaan oo ay is-qarxiyaan ayayna billaabeen, waxaan rabnaa inaad ka hor-tagtiin qaraxyada xaafadaha laga soo abaabulo," ayuu yiri Afrax.

Iimaam Maxamed Yuusuf oo isna kulanka ka hadlay ayaa tilmaamay in loo baahan yahay wada-tashi si dhibaatada jirta difaac looga geli lahaa, isagoo yiri: "Meesha dhib nooga imaanayo waxaa la rabaa inaan ogaano, oo aan ciidamada gacan ku siinno, amnigana kala shaqeyno… aan is kaashano… aan iska warqabno…. bulshada ha ogaato in dhibaatadan looga bixi karo in isku-duubni la muujiyo dalka iyo diintana aan daafacno."

C/kariin Cabdulle Cali oo ah guddoomiyaha gudiga dhallinyarada ee dallada bulshada rayidka ayaa sheegay in loo baahan yahay in la sameeyo wacyi-gelinno joogto ah, isla markaana bulshada ay mar walba u taagnaato sidii ay uga qeyb qaadan laheyd sugida ammaanka.

Ruqiyo Cali Cabdulle oo iyana ka hadashay kulanka ayaa sheegtay in 20-kii sano ay ururrada bulshada rayidka ah ka qayb qaadanayeen raadinta xalka ummadda, iyadoo xustay in bulshada laga rabo in xiriir joogto la sameeyaan dowladda, isla markaana la yimaada wacyi-gelin iyo toosinta bulshada, ayna kasoo baxaan bulshada dhexdeeda dad fir-fircoon oo ka qayb qaadan kara nabada.

Waxaa kulanka ka hadashay Faadumo Aadan Cosoble oo sheegtay in looga baahan yahay bulshada inay isku-xir sameeyaan, isla markaana xaafadaha laga abaabulo darisayn, lana helo kalsooni ay ku wada-shaqeyn karaan, si looga hortago dadka amni-darrada sameynaya ee kusoo dhex dhuumanaya, iyadoo ugu baaqay inay wada-shaqeeyaan maamullada degmooyinka iyo bulshada si ay isaga kaashaan nabadgelyada.

Intii uu socday kulankan waxay is-weydaarsadeen qaybaha kala duwan ee ka qaybgalay talooyin iyo fikrado la xiriira sidii dadallada dowladdu wado ee ay ku aaddan sugidda ammaanka uga qeyb qaadan lahaayeen.





Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/24/2013 3:09 PM EST
Isniin, Juun 24, 2013 (HOL) — Sheekh Xasan Daahir Aweys oo sannadihii ugu dambeeyay ka mid ahaa saraakiisha Al-shabaab ayaa warar maanta soo baxay waxay sheegayaan inuu si qarsoodi ah uga baxsaday degmada Baraawe ee gobolka Shabeellada Hoose oo muddooyinkii ugu dambeeyay uu deggenaa.

6/24/2013 1:25 PM EST
Isniin, Juun 24, 2013 (HOL) — Boqor Cabdullaahi Boqor Muuse ayaa maanta ku geeriyoodey dalka Finland. Xaaladda caafimaad ee boqorka oo bilihii u dambeeyey aad u liidatey ayaa kasii dartay kaddib markii uu dhiigga maskaxdu istaagey, taasoo sabab u noqotay geeridiisa.

6/24/2013 1:17 PM EST
Isniin, Juun 24, 2013 (HOL) — Saraakiishii ugu horreysay oo ka tirsan cidiamada xoogga dalka oo tiradoodu ahayd 880-askari ayaa tababar loogu soo xiray maanta xerada tababarka ciidamada ee Jaziira, iyagoo noqonaya kuwii ugu horreeyay oo tabbabar ku qaata gudaha dalka.

6/24/2013 1:11 PM EST
Isniin, Juun 24, 2013 (HOL) — Xaflad weyn oo ay ku qalin-jabinayeen arday Soomaaliyeed ee dhameystay wax-barasho Jaamacadeed ayaa lagu qabtay magaalada Hyderabad ee dalka Hindiya.

6/24/2013 11:27 AM EST
Isniin, Juun 24, 2013 (HOL) — Madaxweynaha Somaliland, Axmed Maxamed Siillaanyo, ayaa magacaabay guddi ka hor tagga tahriibka iyo hirgalinta shaqo abuur loo sameeyo dhalinyaradda.

6/24/2013 10:57 AM EST
Isniin, Juun 24, 2013 (HOL) — Baarlamaanka Soomaaliya ayaa joojiyay ka doodista sharciga xuquuqul aadanaha ee Soomaaliya, kaddib markii ay ka dalbadeen guddiga baarlamaanka u qaabilsan arrintan in dib loo dhigo tan iyo kal-fadhiga saddexaad ee baarlamaanka oo furmaya kaddib fasax ay dhawaan galayaan xildhibaannada.

6/24/2013 9:19 AM EST
Isniin, June 24, 2013 (HOL) - Madaxweynaha dalka Kenya Uhuru Kenyatta ayaa sheegay inuu awood u isticmaali doono maleeshiyaadka hubaysan ee ku dagaallamaya deegaanadda Mandheera iyo Wajeer hadii aanay hubkooda soo dhiibin.

6/24/2013 9:15 AM EST
Isniin, Juun 24, 2013 (HOL) — Prof Axmed Ismaaciil Samater ayaa markii uu soo dhamaystay socdaalkii uu goboladda ku marayey, xalay kulan balaadhan la yeeshay ardayda jaamcadda Hargeysa,kuwaas oo waydiiyey su’aalo aad u kulkullaa oo ku aadan mawqifkiisa madax banaanidda Somaliland uu ka qabo.

6/24/2013 8:53 AM EST
Isniin, June 24, 2013(HOL)—Xaflad si weyn loo soo agaasimay oo lagu abaalmarinayay dad wax fiican sameeyay oo ku nool dalka Sweden, gaar ahaan magaalada Borlänge ayaa lagu qabtay magaaladaas, iyadoo xafladdana ay ahayd mid ay ka qeybgaleen inta badan oo ka mid ah dadka ku nool magaaladaas.

6/24/2013 8:51 AM EST
Isniin, Juun 24, 2013 (HOL) — Guddidda la dagaalanka cudurka HIV/AIDS ee Somaliland, ayaa golaha Wakiiladda warbixin ka siiyey heerka uu cudurkaasi ka marayo Somaliland iyo sida looga baahan yahay in golaha Wakiiladdu qayb uga qaadan lahaayeen wacyigelinta bulshadda, isla markaana shacabka ula wacyigelin lahaa halista uu leeyahay cudurkan.

6/24/2013 8:42 AM EST
Isniin, Juun 24, 2013 (HOL) —Ra’iisul wasaaraha xukuumadda Soomaaliya, Cabdi Faarax Shirdoon (Saacid) ayaa maanta u magacaabay afhayeenka xafiiskiisa, Ridwaan Xaaji Cabdiweli oo ah waaya-arag dhanka warbaahinta ah.

6/24/2013 8:19 AM EST
Isniin, Juun 24, 2013 (HOL) — Xildhibaannada baarlamaanka Somalia ayaa maanta kulan ay ku yeesheen xaruntooda Muqdisho waxay kaga doodeen hidise sharciyeedka maal-gashiga dalka, iyagoo warbixin dheer ka dhageystay wasiirka ganacsiga iyo warshadaha xukuumadda Soomaaliya, Maxamuud Axmed Xasan.

6/24/2013 5:44 AM EST
Isniin, Juun 24, 2013 (HOL) — AMISOM Siminaar socday afar maalmood ah u soo xirtay guddiga arrimaha gudaha iyo amniga Qaranka ee baarlamaanka Soomaaliya, kaasoo sare loogu aqaadayay aqoontooda la xiriira howlaha ay u hayaan baarlamaanka iyo bulshada Soomaaliyeed.

6/24/2013 5:33 AM EST
Isniin, Juun 24, 2013 (HOL) — Dowladda hoose ee magaalada Laascaanood ee gobolka Sool ayaa billaabay howlo lagu burburinayo dhismayaal laga sameeyay hareeraha waddooyinka magaaladaas.

6/24/2013 4:37 AM EST
Isniin, Juun 24, 2013 (HOL) — Kooxo hubeysan oo aan la garanayn ayaa xalay ku toogtay xaafadda Ceel-qalow ee degmada Wadajir mid ka mid ah shaqaalaha rayidka ah ee baarlamaanka Soomaaliya xilli uu gurigiisa kusii socday.

6/24/2013 4:25 AM EST
Isniin, June 24, 2013 (HOL) - Dagaal beeloodyo u dhexeeya qaar kamid ah beelaha dega gobolka Soomaalida Kenya ee waqooyi bari ayaa sababay inay socon waayaan gaariyaashii basaska ahaa ee qaadi jiray dadka isaga kala goosha deegaanada gobolka iyo caasimada dalka Kenya ee Nairobi.