3/29/2024
Today from Hiiraan Online:  _
Wararka Maanta- Sabti, Jun 15, 2013
Madaxweynaha Somaliland oo Qasriga madaxtooyada ku casuumay ardayda dhagooleyaasha ah ee gobolladda Somaliland


Sabti, June 15, 2013(HOL)— Madaxweynaha Somaliland Mudane Axmed Maxamed Maxamuud (Silaanyo), ayaa maanta Qasriga Madaxtooyada kulan balaadhan ugu sameeyey Ardayda Dhagoolayaasha Somaliland ee wax ka barata dugsiyadda Dhagooleyaasha ee goboladda.

 

Ardaydan ayaa ka koobnaa  5 Dugsi oo ka kala yimid Gobolada Awdal, Togdheer, Maroodi-jeex (Hargeysa) oo ay ka socdeen laba Dugsi iyo Gabiley oo ay ka socdeen hal Dugsi.

 

kualnkan ayaa waxa ka soo qayb galay Bulshada qaybeheeda kala duwan, waxaana halkaasi hadalo kooban ka jeediyey masuuliyiinta Dugsiyada oo iyagu ah kuwo dhego qaba, halka Dhogoolayaasha iyaga looga Turjumaayey Madaxda kale .

 

Sidoo kale waxa aad loogu sacaba tumay dadkuna aad ula yaabeen markii uu madasha soo istaagay wiil dhagooleyaasha ka mid ah oo qaadaya heesta Calanka Somaliland oo  inta kalena ay u jiibinayeen iyaga oo ku soo gudbinaaya Af ka dhegoolayaasha.

 


Waxa isna Xusid mudan wiil aad u da' yaraa oo ka mid ahaa ardayda oo madaxweynaha Khudbad u soo jeediyey iyada oo uu ka turjumaayo macalinkiisi oo isna soo bandhigay heerka aqooneed ee ay taagan yihiin Ardaydan Dhegaha-la.

 

Madaxweyne Axmed Siillaanyo ayaa isna u mahadnaqay ardayda iyo macalimiintooda, waxaanu sheegay inuu taageeri doona, isla markaana wax badan la qaban doonno.

 

Waxa iyaguna madaxweynaha ku wehelinayey casuumadda qaar kamid ah wasiiradda oo ay hor socoto wasiiradda waxbarashadda Samsam Cabdi Aadan.





 

Barkhad-ladiif M. Cumar, Hiiraan Online

[email protected]

Hargeysa, Somaliland

 

 













Click here
6/15/2013 4:52 PM EST
Sabti, June 15, 2013(HOL)—Madaxweynaha Jamhuuriyadda Federaalka Soomaaliya, Mudane Xasan Sheekh Maxamud ayaa maanta kulan la qaatay Ra’iisul Wasaaraha UK David Cameron, isla markaana ka qeybgalay xafladda dhalashada Boqortooyada UK, isla galabtanah khudbad ka jeediyey shirka hordhaca G8 oo looga hadlayey arrimaha canshuuraha, ganacsiga xorta ah iyo maamul wanaaga.

6/15/2013 4:21 PM EST
Sabti, June 15, 2013(HOL)—Imtixaankan oo ay ka qayb qaadanayaan sida uu sheegay Isuduwaha gobolka Sool ee wasaaradda waxbarashada ee maamulka Somaliland Maxamuud Bisinle in 1163 arday oo isugu jira dugsi dhexe iyo dugsi sare.

6/15/2013 4:18 PM EST
Sabti, June 15, 2013(HOL)—417 arday ayaa loogu qaybiyey raashin degmada Xuddun oo 83Km dhinaca waqaqooyi kaga beegan magaaladda Laascaanood Xarunta gobolka Sool.

6/15/2013 11:03 AM EST
Sabti, Juun 15, 2013 (HOL) — Magaalada Garoowe ee xarunta maamulka Puntland waxaa maanta ka furmay kal-fadhigii 30-aad ee golaha wakiillada Puntland. Kal-fadhigan oo ay xildhibaanadu arimo dhowr ah ku eegi doonaan, waxaa si rasmi ah u furay madaxweyne-ku-xigeenka Puntland, ahna sii hayaha xilka madaxweynaha Jen. C/samed Cali Shire.

6/15/2013 9:02 AM EST
Booliska soomaliyeed ayaa hawlgal ay sameeyeen ku soo qabtay hub aad u badan iyo waxyaabaha qarxa oo laga soo saaray meel dhulka hoostiisa ah oo ku taal degmada Hodan sida lagu sheegay warsaxaafadeed kasoo baxay taliska ciidanka booliska.

6/15/2013 8:34 AM EST
Sabti, June 15, 2013(HOL) :- Ciidamo ka tirsan kuwa Kenya ee ku sugan gobolka J/hoose islamarkaana qeybta ka ah howlgalka AMISOM ayaa lagu soo waramayaa in ay askar ka tirsan ciidamada dowladda Soomaaliya ku dileen deegaanka Hoosingoow ee gobolka J/hoose, kadib iska horimaad dhexmaray labada dhinac.

6/15/2013 7:46 AM EST
Sabti, June 15, 2013(HOL) :- Waxaa maanta garoonka diyaaradaha ee magaalada Kismaayo ka dhacay kulan ay soo qabanqaabiyeen qaar ka tirsan madaxda gudiyadii shirkii maamul u sameynta Jubooyinka ee lagu soo doortay Sheekh Axmed Max'ed Islaam (Axmed Madoobe), iyadoonta ujeedada kulanku ahayd sidii loo heshiisiin lahaa beelaha dega Jubooyinka, waxaana sidoo kale halkaasi looga dhawaaqay guddi ka shaqeyn doona nabadda iyo xallinta dhibaatooyinkii dhawaan ka dhacay Kismaayo.

6/15/2013 6:45 AM EST
Sabti, June 15, 2013(HOL)—Ra’iisul Wasaaraha Xukuumadda Federaalka ah ee Soomaaliya Cabdi Faarax Shirdoon (Saacid) ayaa xafiiskiisa kulan kula qaatay Ra’iisul Wasaarihii hore ee Norway Kjell Magne Bondevik oo hada ah gudoomiyaha Xarunta Oslo ee dimuqraadiyadda iyo xuquuqda aadanaha oo la asaasay sanadkii 2006.

6/15/2013 2:04 AM EST
Sabti, Juun 15, 2013 (HOL) — Iskahorimaadyo kala duwan ayaa xalay ka dhacay deegaanno ka tirsan gobolka Shabeellada hoose, kuwaasoo mid ka mid ah uu u dhexeeyay ciidammo kawada tirsan kuwa dowladda Soomaaliya.