3/29/2024
Today from Hiiraan Online:  _
Wararka Maanta- Isniin, Dec 9 , 2013
Maxkamadda Gobolka Banaadir oo Maanta Xukunno ku ridday Wariyeyaal la eedeeyay iyo Milkiilaha Idaacadda Shabeelle


Isniin, December 09, 2013 (HOL) — Maxkamadda gobolka Banaadir ayaa ku ridday maanta xukunno xabsi ah oo kala duwan wariye Maxamed Bashiir Xaashi oo ka tirsan idaacadda Shabelle, Faadumo C/qaadir oo ah suxufiyad sheegtay in la kufsaday iyo milkiilaha idaacadda Shabeelle C/maalik Yuusuf.

Wariye Maxamed Bashiir Xaashi ayaa lagu xukumay lix bilood oo xabsi ah oo uu iibsan karo, milkiilaha idaacadda Shabelle ayaa isagana lagu xukumay hal sano oo xabsi ah oo uu iibsan karo, iyo gabadha sheegtay in la kufsaday oo iyadana lagu xukumay lix bilood oo dibad-joog ah ama ay gurigeeda ku qaadanayso.

Xukunnadan ayaa waxay yimaadeen kaddib markii maxkamaddu ay maanta dhageysatay dacwooyin kala duwan oo lagu soo oogay saddex ruux ee lagu xukumay xabsiyada kala duwan.

Milkiilaha idaacadda Shabeelle ayaa lagu eedeeyay inuu ka shaqeynayay burburinta qaranka uu qoray warbixinno ka dhan ah dowladda, inkastoo ay dood adag dhacday haddana maxkamaddu waxay gaartay go’aankan.

Sidoo kale, wariye Maxamed Bashiir iyo Faadumo C/qaadir ayaa iyagana lagu eedeeyay inay been abuureen kiiska kufsiga ah, inkastoo gabadha ay ka hor-sheegtay maxkamadda in la kufsaday dhibaatana loo geystay.

Guddoomiyaha maxkamadda gobolka Banaadir, Xaashi Cilmi Nuur ayaa ugu dambeyn ku dhawaaqay xukunnadan kala duwan ee lagu riday eedeysanayaashan ee la soo eedeeyay, iyadoo la sheegay in maalintii ay ku iibsan karaan 20,000 oo shilling Soomaali ah ama hal doollar maalintii haddii ay xabsiga dhameysanayaan.

Dhanka kale, maxkamadda waxaa joogay labadii wariye ee ay gabadhu ku eedeysay inay kufsadeen, kuwaasoo ka tirsan warbaahinta dowladda, mana jirto wax su’aalo ah oo arrintan laga weydiiyay.

Xukunkan ayaa wuxuu noqonayaa kii labaad oo garsoorka dalka uu ku rido qof dumar ah oo sheegtay in la kufsaday iyo wariyihii wareystay, iyadoo uu dhawaan sheegtay madaxweynaha in dowladdu ay dagaal la galayso kuwa kufsiga u geysanaya haweenka Soomaaliyeed.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/9/2013 1:37 PM EST
Isniin, December 09, 2013 (HOL) — Kulankan ayaa mas’uuliyiintii ka qayb-galay waxay qireen sida ay muhiim u tahay in haweenku ay doorkooda nololeed helaan, waxaana ugu horreyn halkaas ka hadashay isku-duwaha wasaaradda haweenka Puntland, Adna Cali Axmed oo iyadu sheegtay inuu kulankan qayb ka yahay kulammo la doonayo in lagu eego doorka nololeed ee haweenka, isla markaana lagaga hortago tacadiyada lagula kaco.

12/9/2013 1:19 PM EST
Isniin, December 09, 2013 (HOL) — Magaalada Baydhabo ayaa waxaa ka dhacay cayaar saaxiibtimo oo dhexmartay laba kooxood oo ka kala socday degmooyinka Buur-hakabo iyo degmada Baydhabo, taasoo ahayd tii ugu horreysay tan iyo markii Al-shabaab laga saaray degmadaas.

12/9/2013 12:47 PM EST
Isniin, December 09, 2013 (HOL) — Afartii wariye oo muddo toddoba cisho u xidhnaa xukuumadda ayaa maanta lagu siidaayey damaanad, halka qaar kalana la xidhay.

12/9/2013 10:03 AM EST
Isniin, December 09, 2013 (HOL) — Wafdigii maalin ka hor uga qayb-galay magaalada Jig-jiga xuska qowmiyadaha ee ka socday dowladda Federaalka Soomaaliya ayaa maanta kulan la qaatay madaxweynaha Is-maamulka Soomaalida Itoobiya Cabdi Maxamuud Cumar, waxaana wafdigan uu madaxweynaha ku soo dhaweeyay xarunta madaxtooyada.

12/9/2013 9:55 AM EST
Isniin, December 09, 2013 (HOL) — Madaxweynaha Soomaaliya, Xasan Sh. Maxamuud ayaa maanta ka aqbalay warqadaha aqoonsiga danjirenimo laba safiir oo ay dalalka Masar iyo Jarmalka ay u soo magacaabeen Soomaaliya si ay safiirro ugu noqdaan.

12/9/2013 6:53 AM EST
Isniin, December 09, 2013 (HOL) — Dood-cilmiyeed looga hadlayay sidii ay odayaasha dhaqanka Soomaaliyeed uga badbaadin karaan dhallinyarada in aan loo adeegsan colaadaha ayaa maanta lagu qabtay magaalada Muqdisho.

12/9/2013 5:36 AM EST
Isniin, December 09, 2013 (HOL) — Dibadbaxayaal careysan ayaa maanta albaabada isugu dhuftay goobihii ganacsiga magaalada Beledweyne ee xarunta gobolka Hiiraan kadib dil xalay magaalada loogu geystay sarkaal ka tirsanaa ciidamada xoogga dalka oo lagu magacaabi jiray Col. Xaanshi Xusseen Diiriye.

12/9/2013 3:11 AM EST
Isniin, December 09, 2013 (HOL) — Ducooyinka loo sameynayo hoggaamiyihii hore ee dalka Koonfur Afrika, Nelson Mandela oo geeriyooday toddobaadkii hore ayaa weli ka socda magaalooyinka waaweyn ee dalkaas.

12/9/2013 2:50 AM EST
Isniin, December 09, 2013 (HOL) — Warbixin cusub ayaa muujinaysa inay hay'adaha gar-gaarka lacago siiyaan Xarakada Al-shabaab ee dagaalka kula jirta ciidamada Soomaaliya iyo kuwa Midowga Afrikca ee tageera.

12/9/2013 2:21 AM EST
Isniin, December 09, 2013 (HOL) — Xoogagga Al-shabaab ayaa xalay weerar culus ku qaaday saldhig ay ciidanka Kenya ee qaybta ka ah howlgalka Midowga Afrika ee AMISOM ku leeyihiin degmada Afmadow ee gobolka Jubbada Hoose.