3/28/2024
Today from Hiiraan Online:  _
Wararka Maanta- Isniin, Dec 9 , 2013
Hay’adaha Gargaarka ee ka howlgala Somalia oo lagu eedeeyay inay lacago fara badan siiyaan Xarakada Al-shabaab


Isniin, December 09, 2013 (HOL) — Warbixin cusub ayaa muujinaysa inay hay'adaha gar-gaarka lacago siiyaan Xarakada Al-shabaab ee dagaalka kula jirta ciidamada Soomaaliya iyo kuwa Midowga Afrikca ee tageera.

Hay'adaha ayaa la sheegay inay lacagta u bixinayeen sidii ay cunno gargaar ah u gaarsiiyaan lahaayeen dadkii la il-darnaa abaarihii Somalia ku dhuftay sannadkii 2011-kii. iyadoo aysan jirin hal hay'ad oo magaceeda la xusay.

Sidoo kale, hay’adaha ayaa qaarkood ayaa la sheegayaa in illaa haatan ay lacago bixiyaan si ay ugu howl-galaan dhulka ay Al-shabaab ka taliso ee ku yaalla Koonfurta iyo bartamaha Soomaaliya.

Warbixintan oo ay si wadajir ah u soo saareen Humanitarian Policy Group of the Overseas Development Institute (ODI) iyo xarunta cilmi-baarista ee Heritage ayaa waxay sheegaysaa in kooxda Al-shabaab ay hay'adaha ka dalbato lacago si ay ugu oggolaato in howlahooda ay ka fushadaan deegaannada ay ka taliso.

Xarakada Al-shabaab ayaa la sheegayaa inay hay'adaha ka dalabto markiiba lacag dhan 10,000 oo doollarka Mareykanka ah si loo diiwaan-geliyo ayna uga howl-gasho deegaannadooda.

Ururka ayaa la sheegayaa in inta badan ay iyagu qaybiyaan raashiinka loogu talo-galay gargaar ahaanta ee la gaarsiiyo dhulka ay ka taliyaan. Warbixintu intaas ku dartay in qayb ka mid ah cunnada gargaarka ah ay Al- shabaab u dhigayeen dagaallamayaashooda.

Waxaa kaloo ay warbixintu sheegaysaa in Xarkada Al-shabaab ay raashin dheeri ah siiyaan dadka u soo gudbiyo wararka la xiriira howlaha hay'adaha gargaarka.

Ugu dambeyn, warbixintu waxaa lagu sheegay in hay'adaha ay la sheqeyn jireen xafiiska Al-shabaab u xilsaarnaa arrimaha gargaarka, taasoo ah sida lagu sheegay warbixinta mid sharci-darro ah.

Inkastoo aysan jirin wax jawaab ah oo ay weli hay’adaha gargaarku arrintan ka bixiyeen ayaa haddana waxaa la xusuustaa in Al-shabaab ay hay’ado badan ka eryeen deegaannada ay ka taliyaan kuwaasoo ay ku eedeeyeen in ay ahaayeen jawaasiis la shaqeeya reer galbeedka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/9/2013 1:37 PM EST
Isniin, December 09, 2013 (HOL) — Kulankan ayaa mas’uuliyiintii ka qayb-galay waxay qireen sida ay muhiim u tahay in haweenku ay doorkooda nololeed helaan, waxaana ugu horreyn halkaas ka hadashay isku-duwaha wasaaradda haweenka Puntland, Adna Cali Axmed oo iyadu sheegtay inuu kulankan qayb ka yahay kulammo la doonayo in lagu eego doorka nololeed ee haweenka, isla markaana lagaga hortago tacadiyada lagula kaco.

12/9/2013 1:19 PM EST
Isniin, December 09, 2013 (HOL) — Magaalada Baydhabo ayaa waxaa ka dhacay cayaar saaxiibtimo oo dhexmartay laba kooxood oo ka kala socday degmooyinka Buur-hakabo iyo degmada Baydhabo, taasoo ahayd tii ugu horreysay tan iyo markii Al-shabaab laga saaray degmadaas.

12/9/2013 12:47 PM EST
Isniin, December 09, 2013 (HOL) — Afartii wariye oo muddo toddoba cisho u xidhnaa xukuumadda ayaa maanta lagu siidaayey damaanad, halka qaar kalana la xidhay.

12/9/2013 10:03 AM EST
Isniin, December 09, 2013 (HOL) — Wafdigii maalin ka hor uga qayb-galay magaalada Jig-jiga xuska qowmiyadaha ee ka socday dowladda Federaalka Soomaaliya ayaa maanta kulan la qaatay madaxweynaha Is-maamulka Soomaalida Itoobiya Cabdi Maxamuud Cumar, waxaana wafdigan uu madaxweynaha ku soo dhaweeyay xarunta madaxtooyada.

12/9/2013 9:55 AM EST
Isniin, December 09, 2013 (HOL) — Madaxweynaha Soomaaliya, Xasan Sh. Maxamuud ayaa maanta ka aqbalay warqadaha aqoonsiga danjirenimo laba safiir oo ay dalalka Masar iyo Jarmalka ay u soo magacaabeen Soomaaliya si ay safiirro ugu noqdaan.

12/9/2013 6:53 AM EST
Isniin, December 09, 2013 (HOL) — Dood-cilmiyeed looga hadlayay sidii ay odayaasha dhaqanka Soomaaliyeed uga badbaadin karaan dhallinyarada in aan loo adeegsan colaadaha ayaa maanta lagu qabtay magaalada Muqdisho.

12/9/2013 6:25 AM EST
Isniin, December 09, 2013 (HOL) — Maxkamadda gobolka Banaadir ayaa ku ridday maanta xukunno xabsi ah oo kala duwan wariye Maxamed Bashiir Xaashi oo ka tirsan idaacadda Shabelle, Faadumo C/qaadir oo ah suxufiyad sheegtay in la kufsaday iyo milkiilaha idaacadda Shabeelle C/maalik Yuusuf.

12/9/2013 5:36 AM EST
Isniin, December 09, 2013 (HOL) — Dibadbaxayaal careysan ayaa maanta albaabada isugu dhuftay goobihii ganacsiga magaalada Beledweyne ee xarunta gobolka Hiiraan kadib dil xalay magaalada loogu geystay sarkaal ka tirsanaa ciidamada xoogga dalka oo lagu magacaabi jiray Col. Xaanshi Xusseen Diiriye.

12/9/2013 3:11 AM EST
Isniin, December 09, 2013 (HOL) — Ducooyinka loo sameynayo hoggaamiyihii hore ee dalka Koonfur Afrika, Nelson Mandela oo geeriyooday toddobaadkii hore ayaa weli ka socda magaalooyinka waaweyn ee dalkaas.

12/9/2013 2:21 AM EST
Isniin, December 09, 2013 (HOL) — Xoogagga Al-shabaab ayaa xalay weerar culus ku qaaday saldhig ay ciidanka Kenya ee qaybta ka ah howlgalka Midowga Afrika ee AMISOM ku leeyihiin degmada Afmadow ee gobolka Jubbada Hoose.