3/28/2024
Today from Hiiraan Online:  _
Wararka Maanta- Isniin, Dec 9 , 2013
Dibad-bax ka Dhashay Dil Xalay loo Geystay Sarkaal ka Tirsanaa Ciidamada Xoogga dalka oo ka dhacay Beledweyne (SAWIRRO)


Isniin, December 09, 2013 (HOL) — Dibadbaxayaal careysan ayaa maanta albaabada isugu dhuftay goobihii ganacsiga magaalada Beledweyne ee xarunta gobolka Hiiraan kadib dil xalay magaalada loogu geystay sarkaal ka tirsanaa ciidamada xoogga dalka oo lagu magacaabi jiray Col. Xaanshi Xusseen Diiriye.

Taliyaha saldhiga booliiska magaalada Beledweyne G/dhexe Cali Dhuux Cabdi Mahad Alla oo warbaahinta la hadllay ayaa faah faahin ka bixiyay dilka xalay ka dhacay magaalada, isaga oo sheegay in dalkaasi ka danbeeyeen ciidamada militariga dowladda Soomaaliya oo toogasho ku dillay sida uu hadalka u dhigay Col Xaanshi Xusseen iyo askari ka tirnasaa ciidamada dowladda.

“Waxaan idiin xaqiijinayaan in dilka sarkaalka iyo askariga kale ee dhintay ay ka danbeeyeen ciidamo ka tirsan militariga dowladda Soomaaliya, qaar ka mid ah kuwii dilka ka danbeeyay gacanta ayaa lagu hayaa, baaritaan ayaana socda’’ ayuu yiri G/dhexe Cali Dhuux Cabdi Mahad Alle.

Dadka isugu soo baxay jidadka magaalada ayaa dhagaxaan ku tuurayay goobaha ganacsiga, iyaga oo sidoo kalana Taayaro ku shiday bartamaha magaalada, waxaana ay dadka ugu baaqayeen in ay dbadbaxa ka qeyb-qaataan.

Mid ka mid ah dadweynaha dibadbaxa ka qeyb-gallayay  oo la hadllay HOL ayaa sheegay in aysan joojin doonin rabashadaha ay dhigayaan ilaa sida uu hadalka u dhigay maamulka jawaab ka bixinayo dilka sarkaalka ka tirsanaa ciidamada xoogga dalka.

Lama oga ugu danbeytii jawaabta uu maamulka ka bixin doono cabashada dadweynaha dibadbaxa dhigaya oo gabi ahaanba joojiyay dhaq-dhaqaaqii ganacsiga magaalada.




C/raxmaan Diini, Hiiraan Online
[email protected]
Beledweyne, Soomaaliya













Click here
12/9/2013 1:37 PM EST
Isniin, December 09, 2013 (HOL) — Kulankan ayaa mas’uuliyiintii ka qayb-galay waxay qireen sida ay muhiim u tahay in haweenku ay doorkooda nololeed helaan, waxaana ugu horreyn halkaas ka hadashay isku-duwaha wasaaradda haweenka Puntland, Adna Cali Axmed oo iyadu sheegtay inuu kulankan qayb ka yahay kulammo la doonayo in lagu eego doorka nololeed ee haweenka, isla markaana lagaga hortago tacadiyada lagula kaco.

12/9/2013 1:19 PM EST
Isniin, December 09, 2013 (HOL) — Magaalada Baydhabo ayaa waxaa ka dhacay cayaar saaxiibtimo oo dhexmartay laba kooxood oo ka kala socday degmooyinka Buur-hakabo iyo degmada Baydhabo, taasoo ahayd tii ugu horreysay tan iyo markii Al-shabaab laga saaray degmadaas.

12/9/2013 12:47 PM EST
Isniin, December 09, 2013 (HOL) — Afartii wariye oo muddo toddoba cisho u xidhnaa xukuumadda ayaa maanta lagu siidaayey damaanad, halka qaar kalana la xidhay.

12/9/2013 10:03 AM EST
Isniin, December 09, 2013 (HOL) — Wafdigii maalin ka hor uga qayb-galay magaalada Jig-jiga xuska qowmiyadaha ee ka socday dowladda Federaalka Soomaaliya ayaa maanta kulan la qaatay madaxweynaha Is-maamulka Soomaalida Itoobiya Cabdi Maxamuud Cumar, waxaana wafdigan uu madaxweynaha ku soo dhaweeyay xarunta madaxtooyada.

12/9/2013 9:55 AM EST
Isniin, December 09, 2013 (HOL) — Madaxweynaha Soomaaliya, Xasan Sh. Maxamuud ayaa maanta ka aqbalay warqadaha aqoonsiga danjirenimo laba safiir oo ay dalalka Masar iyo Jarmalka ay u soo magacaabeen Soomaaliya si ay safiirro ugu noqdaan.

12/9/2013 6:53 AM EST
Isniin, December 09, 2013 (HOL) — Dood-cilmiyeed looga hadlayay sidii ay odayaasha dhaqanka Soomaaliyeed uga badbaadin karaan dhallinyarada in aan loo adeegsan colaadaha ayaa maanta lagu qabtay magaalada Muqdisho.

12/9/2013 6:25 AM EST
Isniin, December 09, 2013 (HOL) — Maxkamadda gobolka Banaadir ayaa ku ridday maanta xukunno xabsi ah oo kala duwan wariye Maxamed Bashiir Xaashi oo ka tirsan idaacadda Shabelle, Faadumo C/qaadir oo ah suxufiyad sheegtay in la kufsaday iyo milkiilaha idaacadda Shabeelle C/maalik Yuusuf.

12/9/2013 3:11 AM EST
Isniin, December 09, 2013 (HOL) — Ducooyinka loo sameynayo hoggaamiyihii hore ee dalka Koonfur Afrika, Nelson Mandela oo geeriyooday toddobaadkii hore ayaa weli ka socda magaalooyinka waaweyn ee dalkaas.

12/9/2013 2:50 AM EST
Isniin, December 09, 2013 (HOL) — Warbixin cusub ayaa muujinaysa inay hay'adaha gar-gaarka lacago siiyaan Xarakada Al-shabaab ee dagaalka kula jirta ciidamada Soomaaliya iyo kuwa Midowga Afrikca ee tageera.

12/9/2013 2:21 AM EST
Isniin, December 09, 2013 (HOL) — Xoogagga Al-shabaab ayaa xalay weerar culus ku qaaday saldhig ay ciidanka Kenya ee qaybta ka ah howlgalka Midowga Afrika ee AMISOM ku leeyihiin degmada Afmadow ee gobolka Jubbada Hoose.