12/2/2022
Today from Hiiraan Online:  _
Wararka Maanta- Khamiis, Sept 27, 2012
Maamulka Gobolka Hiiraan oo sheegay inuu wado Qorshe wax looga qabanayo Amniga Magaalada Baladweyne

Khamiis, September 27, 2012 (HOL) — Maamulka gobolka Hiiraan ayaa sheegay in ay wadaa qorsheyaal la doonayo in lagu xaqiijiyo amniga magaalada Baladweyne ee xarunta gobolka Hiiraan.

Guddoomiye ku-xigeenka arrimaha nabad-galyada maamulka gobollka Axmed Cismaan Cabdalla Inji oo warbaahinta la hadllay ayaa sheegay in ciidamada maamulka gobollka Hiiraan, AMISOM iyo ciidamada dowladda Itoobiya oo iskaashanaya wadaan qorshayaal la doonayo in wax badan looga qabto amaanka magaalada Baladweyne.

"Ciidamada maamulka gobollka, AMISOM iyo kuwa dowladda Itoobiya oo iskaashanaya waxaa u qorheysan in ay gacan adag ku qabtaan amniga magaalada Baladweyne, si looga hortago kuwa falalka amaan darro geysanaya, maamulkana waxaa ka go’an in nabad-galyada magaalada marka hore salka loo dhigo,’’ ayuu yiri Axmed Inji.

Sidoo kale, wuxuu sheegay inay ka war hayaan qorshayaasha kooxda Al-shabaab ay ku doonayaan in ay ku dhibaateeyaan dadka ku dhaqan degmada Baladweyne, laakiin sida uu sheegay ciidamadu u taagan yihiin in arintaa ay ka hor tagaan.

Warkan kasoo baxay maamulka gobollka Hiiraan ayaa imanaya xili dhawaan ay gaareen magaalada Baladweyne ciidamo ka socda dowladda Jabuuti ee qeybta ka ah howlgalka AMISOM, kuwaasoo durbaba bilaabay in ay la wareegaan saldhigyo markii ay hore ay gacanta ku hayeen ciidamada Itoobiya si ay uga qeyb-qaatan sugida amniga magaalada Baladweyne.

Maalintii shalay ayeey aheyd markii magaalada Baladweyne qarax lagula eegtay ciidamada Itoobiya, waxaana rasaas ay rideen ciidamada ku geeriyootay labo ruux oo rayid ah.

C/raxmaan Diini, Hiiraan Online
[email protected]
Baladweyne, Soomaaliya













Click here
9/27/2012 9:26 AM EST
Khamiis, September 27, 2012 (HOL) — Ugu yaraan afar qof oo ay ku jirto haweeney ka ganacsata caanaha ayaa ku dhaawacmay qarax ka dhashay bam gacmeed lagu weeraray gaari ay wateen ciidamada dowladda Soomaaliya oo marayay isgoyska KM-4 ee Muqdisho oo ah mid aad u mashquul badan.

9/27/2012 9:04 AM EST
Khamiis, September 27, 2012 (HOL) — Wasiirka Waxbarashadda iyo Tacliinta Sare ee Somaliland marwo: Samsam Cabdi Aadan, ayaa maanta si rasmi ah ugu dhawaaqay natiijadii imtixaanka shahaadiga ah ee dugsiyadda sare iyo kuwa dhexe/hoose.

9/27/2012 8:59 AM EST
Khamiis, September 27, 2012 (HOL) — Madaxweynaha Soomaaliya, Xasan Sheekh Maxamuud oo taleefoonka la iska arko uga qaybgalay shir looga hadlayay arrimaha Soomaaliya oo xalay ka dhacay magaalada New York ee dalka Mareykanka ayaa sheegay inay ka shaqeyn doonaan afarta sano ee soo socota sugidda ammaanka iyo dib u dhiska dalka.

9/27/2012 8:21 AM EST
Khamiis, September 27, 2012 (HOL) — Hay'adda nabadsugidda dowladda Federaalka Soomaaliya ayaa maanta soo bandhigtay 80 qof oo dhallinyaro ah, kuwaasoo lagu soo qabqabtay howgallo laga sameeyay degmooyinka Muqdisho 24-kii saac ee ugu dambeeyay.

9/27/2012 8:00 AM EST
Khamiis, September 27, 2012 (HOL) — Taliyaha ciidamada Jabuuti ee qeybta ka ah howlgalka midowgga Afrikaa ee dhawaan gaaray magaalada Baladweyne, Col. Cismaan Dubad ayaa baaq u dirray dhalinyarrada ka tirsan Xarrakada Al-shabaab.

9/27/2012 7:55 AM EST
Khamiis, September 27, 2012 (HOL) — Wararka laga helayo magaalada Gaalkacyo ee gobolka Mudug ayaa sheegaya in laba mid ah saraakiishii ururka Xisbul Islaam la qabtay shalay xilli ay ka dhoofayeen garoonka diyaaradaha ee Gaalkacyo, inkastoo wadahadallo dheer kaddib lasii daayay maanta.

9/27/2012 3:53 AM EST
Khamiis, September 27, 2012 (HOL) — Xoghayaha guud ee Qaramada Midoobay, Ban Ki-Moon ayaa ammaanay horumarka dhinaca dimuqraadiyadda ah ee ay ku tallaabsatay Soomaaliya, isagoo beesha caalamka ugu yeeray inay sii wadaan gargaarkii ay siin jireen Soomaaliya.

9/27/2012 3:24 AM EST
Khamiis, September 27, 2012 (HOL) — Taliyaha booliiska gobolka Bay, Col. Mahad C/raxmaan ayaa saxaafadda u sheegay in dagaalyahanno ka tirsan Al-shabaab oo lagu helay dambiyadii lagu soo eedeeyay ay maxkamadda ciidamada qalabsida faraceeda Baydhab ay ku ridday xukunno kala duwan.

9/27/2012 3:13 AM EST
Khamiis, September 27, 2012 (HOL) — Wasiirka arrimaha gudaha Somaliland, Maxamed Nuur Caraale (Duur), ayaa maanta hortagay guddi hoosaadka Arrimaha gudaha iyo nabadgalyadda golaha Wakiiladda, kuwaas oo wax ka waydiiyey xaaladda amniga ee dalka, cafiskii uu u fidiyey dhalinyaradda Al-shabaab iyo inuu ka tirsan yahay ururka islaamiga ah ee Islaax.