8/8/2022
Today from Hiiraan Online:  _
Wararka Maanta- Talaado, Oct 16, 2012
Kulan looga hadlayay Dhibaatooyinka Dumarka loo geysto oo lagu qabtay Magaalada Marka ee Gobolka Shabeellada Hoose


Talaado, Oktoobar 16, 2012 (HOL) — Kulan ay ka qaybgaleen mas'uuliyiin ka tirsan dowladda Soomaaliya, maamulka gobolka Shabeellada Hoose, ururrada haweenka iyo qaybaha kala duwan ee bulshada ku dhaqan magaalada Marka ayaa lagu qabtay maanta degmada Marko ee xarunta gobolka Shabeellada Hoose.

Madaxda dowladda ee ka qaybgalay kulanka ayaa waxay kala ahaayeen: sii-haya xilka wasiirka gaashaandhigga Soomaaliya, Xuseen Carab Ciise, taliyaha ciidamada xoogga Soomaaliya, Jen. Cabdulqaadir Sheekh Cali Diini, guddoomiyaha gobolka Shabeellada Hoose, Cabdulqaadir Maxamed Siidi, taliyaha ciidmada AMISOM ee gobolka Shabeellada Hoose, Jan. Michel Odongo iyo taliyaha AMISOM ee degmada Marka, Col. Charles.

Guddoomiyaha gobolka Shabeellada Hoose, Cabdulqaadir Siidi oo kulanka ku furay hadal ayaa sheegay inuu si weyn ugu faraxsan yahay kulanka arrimaha haweenka looga hadlayo ee lagu qaabtay degmada Makro, isagoo sheegay in tani ay qayb ka tahay waxyaabaha ay dowlad ahaan si weyn u raadinayeen.


Sidoo kale, Siidii ayaa ka hadlay dhibaatooyinkii Al-Shabaab ay ka geysteen gobolka Shabeelada Hoose, gaar ahaan magaalada Marka; isagoona in xoogagii Al-shabaab ay dadka degmadaan ku nool ay si khasab ah uga qaadan jireen xoolo iyo maal fara badan; kuwaasoo uu sheegay in la siin jiray dagaalyahanno ajnabi ah.

“Waxaan hay’adda CCD uga mahadcelinaynaa kulankan ay ku qaabtay magaalada Marko oo ka mid ah magaalooyinka ugu ilbaxnimada fog Soomaaliya si ay dadka ku nool degmadan uga tashadaan aayahooda uguna midoobi lahaayeen kaddib muddo sannado ah oo ay xukunka Al-shabaab ku hoos jireen,” ayuu guddoomiyaha gobolka Shabeellada Hoose ku sheegay khudbadii uu ku furay kulanka.


Taliyaha AMISOM ee gobolka Shabeellada Hoose; Jan. Michel Odonga oo isaguna ka hadlay kulanka ayaa kula dardaarmay haweenka ku nool degmada Marka inay la si toos ah ula shaqeeyaan ciidamada dowladda Soomaaliya iyo kuwa AMISOM, isagoo ku ammaanay dadka ku dhaqan degmada Marka inay yihiin dad nabadda jecel.

Xuseen Carab Ciise oo ka hadlay kulanka ayaa sheegay in haweenka Soomaaliyeed ay yihiin kuwa ay ku dhaceen dhibaatooyinkii ugu badnaa ee dalka ka dhacay, isagoo sheegay in qudhiisa ay ku khasabtay inuu dowladda ka mid noqdo, kaddib markii haweenka Soomaaliyeed ay dhibaatooyin kala kulmeen Al-shabaab.

Kulankan oo ay ka qaybgaleen in ka badan 100 haween ah oo deggen magaalada Marko ayaa waxaa la isku dhaafsaday fikrado iyo talooyin ku aadan sidii loo cirib-tiri lahaa dhaqamada xun-xun ee lagu dhibaateeyo haweenka.

Taliyaha AMISOM ee gobolka Shabeellada Hoose, Jen. Michel Odongo ayaa khudbad gaaban ka jeediyay kulanka isagoo caddeeyay in dadka magaaladaas ay yihiin dad wanaagsan oo nabadda jecel, sidaas daraadeedna uu ku boorrinayo haweenka inay kaalin mug leh ka qaataan nabad kusoo dabaalidda degmada iyo sidii ay ciidamada dowaldda iyo kuwa AMISOM ugala shaqeyn lahaayeen dhinaca nabadeynta.


Taliyaha ciidamada xoogga Soomaaliya, Jan. Cabdulqaadir Sheekh Cali Diini oo isna hadal ka jeediyay kulanka ayaa sheegay in haweenka Soomaaliyeed mar kasta ay yihiin hormuudka bulshada, wuxuuna soo qaatay halgamadii kala duwana ee ay soo mareen laga soo billaabo markii loo dagaalamayay gobonimada dalka illaa maanta ay ahaayeen kuwo u taagan badbaadinta bulshada Soomaaliyeed.

“Haweenka degmada Marka iyo dhammaan haweenka Soomaaliyeed waxaan ugu baaqayaa inay soo celiyaan halgankoodii ku saleysnaa badbaadinta shacabka si ay nabad u helaan, arrintaasina dowladdu waxay la garab-joogtaa wixii taageero ah oo ay u baahdaan,” ayuu yiri taliye milateriga Soomaaliya.


Dhinaca kale; waxaa halkaas khudbado kala duwan ka jeediyay guddoomiyaha haweenka hay’adda CCD, Sahro Max'ud Amiin, xoghayaha ururka haweenka Qaranka, Faadumo Aadan Cosoble iyo mas'uuliyiin kale.

Kulankan ayaa noqonaya kii ugu horreeyay oo ay hay'adda CCD ay ku qabato degmada Marko ee gobolka Shabeellada hoose oo ciidamada dowladda iyo kuwa AMISOM ay la wareegeen bishii hore, iyadoo hay'addan ay kulammo noocan oo kale ah horay ugu soo qabatay degmooyinka: Afgooye, Balcad iyo Baldweyne oo ka mid ah degmooyinka laga qabsaday Al-shabaab.






Maxamed Xaaji, Xuseen, Hiiraan Online
[email protected]
Muqdisho, Soomaaliya













Click here
10/16/2012 9:11 AM EST
Talaado, Oktoobar 16, 2012 (HOL) — Dacwadan oo noqonaysa tii ugu horreysay oo qof Soomaali ah lagu eedeeyo ayaa ka socota maxkamad ku taalla magaalada Buffalo ee dalka Mareykanka, iyadoo maxkamadda ay ka hor hadashay hooyadii dhashay wiilka la dilay oo 10-jir ahaa.

10/16/2012 8:36 AM EST
Talaado, Oktoobar 16, 2012 (HOL) — Hay'adda samafalka Waano oo ka mid ah hay'adaha ka howlgala Soomaaliya kana shaqeysa nafaqeynta caruurta iyo hooyooyinka ayaa waxay Muqdisho ku qabatay xuska maalinta cunnada adduunka oo ku beegan maanta oo ay bishu tahay 16-ka Oktoobar.

10/16/2012 8:28 AM EST
Talaado, Oktoobar 16, 2012 (HOL) — Roob bilaawday 11:00 habeenimo ee xalay soona garay saakay waabarigii hore ayaa xalay mar kale ka da’ay magaalada Baladweyne ee xarunta gobolka Hiiraan oo dhawaan ay ku dhufteen daaadad ka dhashay wabiga Shabeelle oo buux dhaafay iyo roob mudo dheer qaatay oo ka da’ay magaalada.

10/16/2012 7:27 AM EST
Talaado, Oktoobar 16, 2012 (HOL) — Ciidamadda Booliska magaaladda Boorame, ayaa shalay si hubsiimo la’aan ah u weeraray guri ay ku noolyihiin qoys shacab ahi, kuwaas oo dhibaato ka soo gaadhay Aabihii qoyskaasi iyo qaar ka mid ah qoyska deganaa gurigaasi.

10/16/2012 6:57 AM EST
Talaado, Oktoobar 16, 2012 (HOL) — Dagaal culus oo ay ku dhinteen 10-qof oo ka mid ah dhinacyadii uu dagaalku u dhexeeyay tiro intaas ka badana ay dhaawacyo kasoo gaareen ayaa maanta baqadii ka dhacay deegaanno u dhexeeyay deegaanka Yaaq-bari-weyne iyo garoonka diyaaradaha ee Balli-doogle ee gobolka Shabeellada hoose.

10/16/2012 6:32 AM EST
Talaado, Oktoobar 16, 2012 (HOL) — Golaha Wakiiladda Somaliland, ayaa cod aqlabiyad ah ku meel mariyey xeerka ay ku shaqeynayaan sirdoonka Qaranka oo maalmihii u dambeeyey laga doodayay.

10/16/2012 2:08 AM EST
Talaado, Oktoobar 16, 2012 (HOL) — Ra'iisul wasaaraha cusub ee Soomaaliya ayaa lagu wadaa inuu maalinta Arbacada Berri ah uu hortago baarlamaanka si codka kalsoonida ah loogu qaado, sida ay sheegeen mudane ka tirsan baarlamaanka Soomaaliya.

10/16/2012 1:57 AM EST
Talaado, Oktoobar 16, 2012 (HOL) — Dab geystay khasaare maaliyadeed oo xoog leh ayaa xalay ka kacay xerada Xagar-dheer oo ka mid ah xeryaha qoxootiga ee ku yaalla deegaanka Dhadhaab ee dalka Kenya, waxaana halkaas ku gubtay dukaanno fara badan.

10/16/2012 1:50 AM EST
Talaado, Oktoobar 16, 2012 (HOL) — Maxkamadda sare ee dalka ayaa amar kasoo saartay lacagaha la qaado ee aysan ka warhayn hay'adaha dhaqaalaha dalka, kaddib markii ay maxkamadda dacwad u gudbiyeen iskaashatada gadiidleyda gobolka Banaadir oo ka cabanaya lacago ay ka qaaddo wasaaradda gaadiidka.