3/28/2024
Today from Hiiraan Online:  _
Wararka Maanta- Talaado, Oct 16, 2012
Dacwadda Nin Soomaali ah oo loo haysto inuu dilay wiil uu adeer u ahaa oo ka socota Magaalada Buffalo ee Gobolka New York
Talaado, Oktoobar 16, 2012 (HOL) — Dacwadan oo noqonaysa tii ugu horreysay oo qof Soomaali ah lagu eedeeyo ayaa ka socota maxkamad ku taalla magaalada Buffalo ee dalka Mareykanka, iyadoo maxkamadda ay ka hor hadashay hooyadii dhashay wiilka la dilay oo 10-jir ahaa.


Cabdifataax Maxamuud oo ah wiilka la dilay ayaa waxaa la sheegay in la garaacay in ka badan 70-jeer 16-kii bishii Abriil ee sannadkan, xilli uu doonayay inuu safar ku tago magaalada Kampala ee xarunta dalka Mareykanka oo uu aabbihii ku nool yahay.

"Wuxuu igu yiri nabadgalyo Maama," ayay tiri Shukri Bile oo ah hooyada dhashay wiilka la dilay oo ilmaynaysay iyadoo ka hadlayay xiligii isugu dambeysay iyada iyo wiilkeeda, markaasoo ahayd xilli galab ah oo ay u socotay shaqo nadafaadeed ay ka haysay xafiis ku yaalla bartamaha magaalada Buffalo oo xuduud la leh dalka Canada.

Marqribnimadii la dilayay wiilka ayaa waxaa la sheegay in Cali Maxamed Maxamuud oo ahaa adeerka qabay wiilka hooyadii ayaa la sheegay inuu watay midi uu kala soo baxay jikada, iyadoo la sheegay in wiilka yar la garaacay in ka badan 70-jeer.

Cali Maxamuud ayaa la sheegay inuu u sheegay Shurki Bile markii ay kasoo laabatay shaqada xilli dambe oo habeenkii ah inuu baxayo, iyadoo booliisku ay markiibta daba-gal ku sameeyeen maqnaashaha Cabdifataax, iyadoo la arkay markaas kaddib dhiig badan oo dabaqa kasoo daadanaya, waxaana jidkiisa ku yaalla dhaawacyo.

Adeerka lagu eedeeyay dilka wiilka ayaa ah 40-jir ku noolaa dalka Mareykanka 10-sanadood, waxaana warbixinta ku saabsan dilka uu u geystay wiilka uu adeerka u ahaa dhowr jeer daabacay wargeysyada kasoo baxa magaalada Buffalo.

Abuukaataha Cali Maxamuud oo ah ninka dilka geystay oo lagu magacaabo, Lana Tupchik ayaa sheegay in Cali Maxamuud uu diiday dacwadda loo haysto ee ah inuu dilay wiilka uu adeerka u ahaa.

Inta badan eedeysanuhu wuxuu eegayay xaaskiisa intii ay dooddu socotay, iyadoo mar la weydiistay inay soo aragto ninkeeda ay tiri ma doonayo inaan arko wajigiisa, xilligaas oo uu ku jiray qol yar oo maxkamadda ku dhex-yaalla.

Wiilka la dilay ayaa ku dhashay Isbitaal ku yaalla dalka Uganda lix maalmood kaddib markii ay dhaceen qaraxyadii 9/11 ee lala beegsaday daarihii ganacsiga Adduunka. Iyadoo Shukri Bile iyo wiilkeeda oo afar jir ah ay bishii Feberaayo ee sannadkii 2002 galeen dalka Mareykanka oo ay illaa xilligaas ku nool yihiin.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/16/2012 8:36 AM EST
Talaado, Oktoobar 16, 2012 (HOL) — Hay'adda samafalka Waano oo ka mid ah hay'adaha ka howlgala Soomaaliya kana shaqeysa nafaqeynta caruurta iyo hooyooyinka ayaa waxay Muqdisho ku qabatay xuska maalinta cunnada adduunka oo ku beegan maanta oo ay bishu tahay 16-ka Oktoobar.

10/16/2012 8:28 AM EST
Talaado, Oktoobar 16, 2012 (HOL) — Roob bilaawday 11:00 habeenimo ee xalay soona garay saakay waabarigii hore ayaa xalay mar kale ka da’ay magaalada Baladweyne ee xarunta gobolka Hiiraan oo dhawaan ay ku dhufteen daaadad ka dhashay wabiga Shabeelle oo buux dhaafay iyo roob mudo dheer qaatay oo ka da’ay magaalada.

10/16/2012 7:27 AM EST
Talaado, Oktoobar 16, 2012 (HOL) — Ciidamadda Booliska magaaladda Boorame, ayaa shalay si hubsiimo la’aan ah u weeraray guri ay ku noolyihiin qoys shacab ahi, kuwaas oo dhibaato ka soo gaadhay Aabihii qoyskaasi iyo qaar ka mid ah qoyska deganaa gurigaasi.

10/16/2012 7:21 AM EST
Talaado, Oktoobar 16, 2012 (HOL) — Kulan ay ka qaybgaleen mas'uuliyiin ka tirsan dowladda Soomaaliya, maamulka gobolka Shabeellada Hoose, ururrada haweenka iyo qaybaha kala duwan ee bulshada ku dhaqan magaalada Marka ayaa lagu qabtay maanta degmada Marko ee xarunta gobolka Shabeellada Hoose.

10/16/2012 6:57 AM EST
Talaado, Oktoobar 16, 2012 (HOL) — Dagaal culus oo ay ku dhinteen 10-qof oo ka mid ah dhinacyadii uu dagaalku u dhexeeyay tiro intaas ka badana ay dhaawacyo kasoo gaareen ayaa maanta baqadii ka dhacay deegaanno u dhexeeyay deegaanka Yaaq-bari-weyne iyo garoonka diyaaradaha ee Balli-doogle ee gobolka Shabeellada hoose.

10/16/2012 6:32 AM EST
Talaado, Oktoobar 16, 2012 (HOL) — Golaha Wakiiladda Somaliland, ayaa cod aqlabiyad ah ku meel mariyey xeerka ay ku shaqeynayaan sirdoonka Qaranka oo maalmihii u dambeeyey laga doodayay.

10/16/2012 2:08 AM EST
Talaado, Oktoobar 16, 2012 (HOL) — Ra'iisul wasaaraha cusub ee Soomaaliya ayaa lagu wadaa inuu maalinta Arbacada Berri ah uu hortago baarlamaanka si codka kalsoonida ah loogu qaado, sida ay sheegeen mudane ka tirsan baarlamaanka Soomaaliya.

10/16/2012 1:57 AM EST
Talaado, Oktoobar 16, 2012 (HOL) — Dab geystay khasaare maaliyadeed oo xoog leh ayaa xalay ka kacay xerada Xagar-dheer oo ka mid ah xeryaha qoxootiga ee ku yaalla deegaanka Dhadhaab ee dalka Kenya, waxaana halkaas ku gubtay dukaanno fara badan.

10/16/2012 1:50 AM EST
Talaado, Oktoobar 16, 2012 (HOL) — Maxkamadda sare ee dalka ayaa amar kasoo saartay lacagaha la qaado ee aysan ka warhayn hay'adaha dhaqaalaha dalka, kaddib markii ay maxkamadda dacwad u gudbiyeen iskaashatada gadiidleyda gobolka Banaadir oo ka cabanaya lacago ay ka qaaddo wasaaradda gaadiidka.