8/18/2022
Today from Hiiraan Online:  _
Wararka Maanta- Isniin, Oct 16, 2012
Ciidanka Booliiska Degmada Boorame oo si hubsiimo la’aan ah u weeraray Guri ay ku noolaayeen Qoys Shacab ah
Talaado, Oktoobar 16, 2012 (HOL) — Ciidamadda Booliska magaaladda Boorame, ayaa shalay si hubsiimo la’aan ah u weeraray guri ay ku noolyihiin qoys shacab ahi, kuwaas oo dhibaato ka soo gaadhay Aabihii qoyskaasi iyo qaar ka mid ah qoyska deganaa gurigaasi.

Ciidankan booliska ayaa waxa la sheegay inuu  dalbaday maamulaha dugsiga sare ee Sheekh Cali Jawhar si ay ciidanku wax uga qabto arday iskuulka isku dhexlaysay, haseyeeshee, ciidanka ayaa beegsaday mid ka mid ah ardaydii is laysay gurigoodda, kaas oo ay ugu tageen aabihii dhalay ardayda dagaalamaysay, waxaanay xidh-xidheen intii guriga ku sugnaa, isla markaana garaacid iyo dhibaato kale ka soo gaadhay dadkii guriga joogay.

Ciidankan ayaa la sheegay inay u dhaqmeen si argagax leh, kuwaas oo rasaas ku riday guriga, inkastoo aanay cidi wax ku noqon, haseyeeshee, waxa mar dambe goobtii yimid taliyaha saldhiga oo soo eegay siday wax u dhaceen, waxaana aabihii guriga oo dhaawac ka soo gaadhay hawl-galkaasi la dhigay cisbitaalka, waxaanu taliyaha uga waramay siday wax u dhaceen iyo dhibaatadda loo gaystay Aabihii qoyska oo ka dacweeyey ciidankii gurigiisa soo weeraray.

Toddobaadkii u dambeeyey, ayaa ciidanka amniga ee Boorame hawl-gal balaadhan ka sameeyeen Boorame, kuwaas oo la sheegay inay ku daba jiraan dad laga shakisan inay ka mid yihiin xarakada Alshabaab inay dhuumasho ku soo galeen magaaaladda, waxaana maalmihii u dambeeyey aad loo baadhayey gaadiidka, iyagoo dadka la socdana aad loo fiirinayey.

Sida wararku sheegayaan Hawl-galka maalmihii u dambeeyey wadeen ciidanku, ayaa la sheegay in lagu soo qabtay gabadh Marookiyaan ah oo ka timid koonfurta Soomaaliya, balse sheegtay in nin soomaali ah oo guursday uu kaga baxsaday Soomaaliya, sidaa awgeedna magaaladda u timid nabadgalyo, kaasoo markii dambe la siidaayey, haseyeeshee magaalooyinka waaweyn ee Somaliland ayaa habeenkii hawl-galo amniga lagu adkeenayo ka wadaan ciidanku, kaas oo mararka qaarkood dhibaaato u keenta dad shacab ah oo aan waxba war ka hayn.

Si kastaba ha ahaatee, baryahan dambe ayaa ciidanka amnigu si ka baxsan nidaamka dawnimo ula dhaqmaan dadweyaha, kuwaas oo abuuri karta inay shacabka iyo boolisku kala fogaadaan, maadaama oo ay ahayd in boolisku saaxiib dhow la noqdo dadweynaha ay amnigooda ilaalinayaan.

Barkhad-Ladiif  M. Cumar, Hiiraan Online
[email protected]
Hargeysa, Somaliland











Click here
10/16/2012 9:11 AM EST
Talaado, Oktoobar 16, 2012 (HOL) — Dacwadan oo noqonaysa tii ugu horreysay oo qof Soomaali ah lagu eedeeyo ayaa ka socota maxkamad ku taalla magaalada Buffalo ee dalka Mareykanka, iyadoo maxkamadda ay ka hor hadashay hooyadii dhashay wiilka la dilay oo 10-jir ahaa.

10/16/2012 8:36 AM EST
Talaado, Oktoobar 16, 2012 (HOL) — Hay'adda samafalka Waano oo ka mid ah hay'adaha ka howlgala Soomaaliya kana shaqeysa nafaqeynta caruurta iyo hooyooyinka ayaa waxay Muqdisho ku qabatay xuska maalinta cunnada adduunka oo ku beegan maanta oo ay bishu tahay 16-ka Oktoobar.

10/16/2012 8:28 AM EST
Talaado, Oktoobar 16, 2012 (HOL) — Roob bilaawday 11:00 habeenimo ee xalay soona garay saakay waabarigii hore ayaa xalay mar kale ka da’ay magaalada Baladweyne ee xarunta gobolka Hiiraan oo dhawaan ay ku dhufteen daaadad ka dhashay wabiga Shabeelle oo buux dhaafay iyo roob mudo dheer qaatay oo ka da’ay magaalada.

10/16/2012 7:21 AM EST
Talaado, Oktoobar 16, 2012 (HOL) — Kulan ay ka qaybgaleen mas'uuliyiin ka tirsan dowladda Soomaaliya, maamulka gobolka Shabeellada Hoose, ururrada haweenka iyo qaybaha kala duwan ee bulshada ku dhaqan magaalada Marka ayaa lagu qabtay maanta degmada Marko ee xarunta gobolka Shabeellada Hoose.

10/16/2012 6:57 AM EST
Talaado, Oktoobar 16, 2012 (HOL) — Dagaal culus oo ay ku dhinteen 10-qof oo ka mid ah dhinacyadii uu dagaalku u dhexeeyay tiro intaas ka badana ay dhaawacyo kasoo gaareen ayaa maanta baqadii ka dhacay deegaanno u dhexeeyay deegaanka Yaaq-bari-weyne iyo garoonka diyaaradaha ee Balli-doogle ee gobolka Shabeellada hoose.

10/16/2012 6:32 AM EST
Talaado, Oktoobar 16, 2012 (HOL) — Golaha Wakiiladda Somaliland, ayaa cod aqlabiyad ah ku meel mariyey xeerka ay ku shaqeynayaan sirdoonka Qaranka oo maalmihii u dambeeyey laga doodayay.

10/16/2012 2:08 AM EST
Talaado, Oktoobar 16, 2012 (HOL) — Ra'iisul wasaaraha cusub ee Soomaaliya ayaa lagu wadaa inuu maalinta Arbacada Berri ah uu hortago baarlamaanka si codka kalsoonida ah loogu qaado, sida ay sheegeen mudane ka tirsan baarlamaanka Soomaaliya.

10/16/2012 1:57 AM EST
Talaado, Oktoobar 16, 2012 (HOL) — Dab geystay khasaare maaliyadeed oo xoog leh ayaa xalay ka kacay xerada Xagar-dheer oo ka mid ah xeryaha qoxootiga ee ku yaalla deegaanka Dhadhaab ee dalka Kenya, waxaana halkaas ku gubtay dukaanno fara badan.

10/16/2012 1:50 AM EST
Talaado, Oktoobar 16, 2012 (HOL) — Maxkamadda sare ee dalka ayaa amar kasoo saartay lacagaha la qaado ee aysan ka warhayn hay'adaha dhaqaalaha dalka, kaddib markii ay maxkamadda dacwad u gudbiyeen iskaashatada gadiidleyda gobolka Banaadir oo ka cabanaya lacago ay ka qaaddo wasaaradda gaadiidka.