9/21/2018
Today from Hiiraan Online:  _
Wararka Maanta- Khamiis, May 3 , 2012
Ra'iisul Wasaare C/weli oo Qaybaha Bulshada Soomaaliyeed kala hadlay Dastuurka, Dhameystirka Xilliga kala guurka ah iyo Amniga


Khamiis, May 03, 2012 (HOL) — Ra’iisul wasaaraha Soomaaliya, Cabdiweli Maxamed Cali ayaa maanta kulan la qaatay qeybaha kala duwan ee bulshadda Soomaliyeed; sida ururada, xubno ka tirsan culumaa’udiinka Ahlusunna iyo dhalinyaradda.

Kulanka ayaa waxaa looga hadlayay arrimaha Roadmap-ka dib-u-hashiisiinta, amniga, dhameystirka dastuurka iyo sidii looga bixi lahaa xilliga KMG ah loona heli lahaa dowladd rasimi ah iyo waliba doorka ay dhalinyaradda, oday- dhaqameedyada iyo Culumaa’udiinku ka qaadan karaan arrimahan.

Ra’iisul wasaaraha ayaa sheegay in kulanka uu ku saabsan yahay in dowladda KMG iyo bulshada qaybaheeda kala duwan ay ka qeyb-qaataan is-bedelka ay xukuumadu waddo isla markaana tilmaamay in dowladda ay tahay dowladd shacbiyeed.

Ugu horreyn; waxaa goobta ka hadlay guddoomiyaha ururka dhalinyaradda Qaranka Soomaaliyeed, Cabdullaahi Maxamed Nuur isagoo tilmaamay in dhaliyaradd ay diyaar in xal loo helo dhibaatada Somaaliya ka jirta.

"Dhaliyaradda waa kuwa ugu badan ee saameynta ku yeesheen dhibaatooyinka ka jira dalka Soomaaliya muddadii 20-ka sano ahayd ee lasoo dhaafay, waana kuwa u nugul in dowlad la helo maadaama ay dhibaatooyin badan la kulmeen sida, dilal, dhaawacyo, waxbarasho la’aan, badaha oo ay ku dhamaadeen iyo waliba in loo adeegsaday falal argagaxnimo," ayuu yiri C/llaahi Maxamed Nuur.

Sidoo kale, guddooyimaha ururada bulshada Banaadir oo isna kulanka hadal kooban ka jeediyay ayaa sheegay in dhibaatooyinka ugu badan Soomaaliya ay ka dhacday gobalka Banaadir oo ah caasimada Soomaaliya, inkastoo uu sheegay in bilooyinkii u dambeeyay ay xukuumadda dadaal-dheer u gashay inay xasiliso gobalka iyo sidoo kale gobollada kale ee dalka qaarkood.

Dhanka kale, ra’iisul wasaare Cabdiweli Gaas ayaa sheegay in xukuumadiisu ay u tahay diyaar inay wadashaqeen joogta ah la yeelato qeybaha bulshada ayna mar walba la tashanayso.

Gabagabadii kulanka ayaa wuxuu ra'iisul wasaaruhu ka sheegay in dhalinyaradda, haweenka, culummada iyo qaybaha kale ee bulshada ay xubin muhiin ah ka yihiin xukuumadiisa loogana baahan yahay inay ka wada-shaqeeyaan marxaladaha lagu jiro iyo dadaallada la doonayo in lagu dhiso dowladd rasmi ah oo Soomaaliya ay yeelato.

Xafiiska Warfaafinta Ra'iisul Wasaaraha
Muqdisho, Soomaaliya







Click here
5/3/2012 12:42 PM EST
Khamiis, May 03, 2012(HOL): Xaflad si aad u heer sarraysa loo soo agaasimay laguna soo dhawaynayey Cayaaryahanaddii weyneyd ee kooxda Muqdisho, iyo Xulka Qranka K/Kolayga soomaaliyeed Luul Cusmaan Sabriye ayaa lagu qabtay Magaalada Stockholm ee caasimadda dalka Sweden.

5/3/2012 9:29 AM EST
Khamiis, May 03, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, C/samad Macallin Maxamuud ayaa maanta si rasmi ah xariga uga jaray barnaamijka xasilinta Muqdisho oo ay iska kaashanayaan hay’adda Mareykanka u qaabilsan horumarinta caalamiga (USAID) iyo hay’adda Ingiriiska (UK) u qaabilsan horumarinta dibadda (DFID), iyadoo barnaamijkan lagu taageerayo $9.5 malyuun oo ah deeq ka timid dowladaha Mareykanka iyo UK.

5/3/2012 8:57 AM EST
Khamiis, May 03, 2012 (HOL) — Hay'adaha samofalka ee HARO iyo WAMY ayaa ugu qaybiyay maanta oo Khamiis ah ugu qaybiyay Muqdihso 450-qoys oo barakacayaal ah gargaar isugu jiray dhar, raashin iyo caano-boore.

5/3/2012 8:42 AM EST
Khamiis, May 03, 2012 (HOL) — Guddidda Diiwaangelinta ururadda Siyaasadda iyo ansixinta axsaabta Somaliland, ayaa sheegay sagaalka urur ee qiimeynta ku hadhay in aanay buuxin shuruudihii laga rabay,isla markaana ay ka xun yihiin eeddaha ay usoo jeediyeen ururadaasi hadhay.

5/3/2012 8:39 AM EST
Khamiis, May 03, 2012 (HOL) — Xukuumadda Soomaaliya ayaa waxay waddaa qorshe ay isugu diyaarinayso inay xukunka ku wareejiso dowlad lasoo doortay marka la gaaro bisha Ogoosto ee sannadkan, markaasoo ay dhammaanayso xilliga dowladda KMG ah ay shaqeynayso.

5/3/2012 8:01 AM EST
Khamiis, May 03, 2012 (HOL) — Kulankan oo lagu qabtay hotel Saxafi ee Muqdisho ayaa waxaa kasoo qaybgalay waxgarad, suldaanno, dhallinyaro isugu jiray gabdho iyo wiilal iyo dad waayeel ah, waxaana looga hadlayay xoojinta nabadda iyo sidii ay Soomaaliya ku heli lahayd nabad.

5/3/2012 7:18 AM EST
Khamiis, May 03, 2012 (HOL) — Maalinta xoriyatul qawlka aduunka ayaa si weyn loogu xusay magaaladda Hargeysa ee Somaliland, kaas oo ay ka soo qaybgaleen suxufiyiinta ka hawlgalla magaaladda Hargeysa iyo masuuliyiin ka tirsan xukuumadda iyo xisbiga muxaafadka ah ee KULMIYE.

5/3/2012 7:16 AM EST
Khamiis, May 03, 2012 (HOL) — Ciidamada dowladda KMG ah ee Soomaaliya ayaa maanta is-hortaag ku sameysay shir ay Muqdihso ku yeelan lahaayeen siyaasiyiin iyo xildhibaanno kasoo horjeeda dowladda KMG ah, kuwaasoo uu ku jiray Sheekh Yuusuf Maxamed Siyaad (Indha-cadde).

5/3/2012 1:46 AM EST
Khamiis, May 03, 2012 (HOL) — Dowladda KMG ah ee Soomaaliya ayaa sheegtay in aan Muqdisho lagu qaban karin shirar aan lagu soo wargelin wasaaradda arrimaha gudaha iyo ammaanka Qaranka ee dowladda KMG ah.

5/3/2012 1:38 AM EST
Khamiis, May 03, 2012 (HOL) — Kooxo hubeysan ayaa xalay ku toogtay xaafadda garsoor ee waqooyiga degmada Gaalkacyo ee gobolka Mudug suxufi u shaqeynayay idaacadda Daljir oo lagu magacaabi jiray, Farxaan Jeemis Cabdulle xilli uu ka tagay goobtiisa shaqo uuna kusii socday gurigiisa.

5/3/2012 1:29 AM EST
Khamiis, May 03, 2012 (HOL) — Xoogagga Xarakada Al-shabaab ayaa la wareegay gacan ku haynta deegaanka Goobo oo ka tirsan degmada Maxaas ee gobolka Hiiraan gallinkii dambe ee shalay kaddib dagaal muddo kooban socday oo tuuladaas ku dhexmaray xoogagga Al-shabaab iyo kuwa Ahlusunna oo halkaas ku sugnaa.