11/16/2018
Today from Hiiraan Online:  _
Wararka Maanta- Khamiis, May 3 , 2012
Ra'iisul Wasaaraha Xukuumadda Soomaaliya oo sheegay inuu isku diyaarinayo inuu xilka ku wareejiyo dowlad lasoo doortay


Khamiis, May 03, 2012 (HOL) — Xukuumadda Soomaaliya ayaa waxay waddaa qorshe ay isugu diyaarinayso inay xukunka ku wareejiso dowlad lasoo doortay marka la gaaro bisha Ogoosto ee sannadkan, markaasoo ay dhammaanayso xilliga dowladda KMG ah ay shaqeynayso.

Ra'iisul wasaaraha Soomaaliya, C/weli Maxamed Cali ayaa sheegay inuu diyaar u yahay inuu xilka ku wareejiyo marka la gaaro Ogoosto dowlad lasoo doortay, inta ka horreysana ay ka shaqeynaynaa sidii ay ku dhameystiri lahaayeen howlaha horyaalla.

"Waxaan Al-shabaab ka qabsannay dhul badan. Waxay ku jiraan orod, Soomaalidu waxay ogaadeen inay yihiin dad aan dulqaad lahay," ayuu yiri C/weli Gaas oo intaa ku daray. "Ma ahan kuwo ku socda ajande Soomaaliyeed. Ajandahoodu waa mid shisheeye ay wataan. Al-shabaab waxay lumiyeen wanaaggii iyo maskaxdii ay u hayeen Shacabka Soomaaliyeed, waxayna sidoo kale lumiyeen dagaalkii."

Xukuumadda uu hoggaaminayo Mr. Cali ayaa wuxuu xilligeedu dhammaanayaa marka la gaaro bisha Ogoosto ee sannadkan, iyadoo laba todobaad ka hor dhameystirtay qoraalka dastuurka cusub ee Soomaaliya ay yeelanayso, inkastoo uu muran weyni ka taagan yahay.

"Waxaan sameysannay qorshe aan kaga baxayno xilliga KMG ah. Sababihii fashiliyay xukuumadihii hore waxay ahaayeen inaysan lahayn hab-shaqo oo haga, taasoo ku hagtay meesha ay hadda aadeen," ayuu yiri ra'iisul wasaaraha Soomaaliya oo raaciyay hadalkiisa. "Hadda waxaan leennahay hab-shaqo, waana qorshe waqti leh oo aan ku dhameynayno howsha noo harsan."

Wakiillada la xulayo ayuu sheegay ra'iisul wasaaruhu inay yihiin kuwii soo dooran lahaa xubnaha baarlamaanka cusub ee Soomaaliya marka la gaaro bisha Luuliyo ee sannadkan, markaasoo xilliga dowladda uu ka dhiman tahay muddo bil ah.

"Qofna ma rumeysnayn toddoba bilood ka hor in magaalada Muqdisho oo dhan ay noqonayso nabad," ayuu ra'iisul wasaaruhu hadalkiisa ku daray, isagoo mar kale yiri: "Waxaan leennahay dal taariikh wanaagsan leh, goor dhow ayaana ka bixi doonnaa fowdada, waxaana rajeynaynaa mustaqbalka dhow in Soomaaliya oo nabad ah ay dariskeeda kula noolaato nabadgalyo."

Ugu dambeyn, ra'iisul wasaaraha Soomaaliya wuxuu cambaareeyay weerarkii ka dhacay degmada Dhuusomareeb ee lagu dilay laba xildhibaan, laguna dhaawacay xidhibaanno kale, siyaasiyiin iyo dad kale oo shacab ah.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/3/2012 12:42 PM EST
Khamiis, May 03, 2012(HOL): Xaflad si aad u heer sarraysa loo soo agaasimay laguna soo dhawaynayey Cayaaryahanaddii weyneyd ee kooxda Muqdisho, iyo Xulka Qranka K/Kolayga soomaaliyeed Luul Cusmaan Sabriye ayaa lagu qabtay Magaalada Stockholm ee caasimadda dalka Sweden.

5/3/2012 9:29 AM EST
Khamiis, May 03, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, C/samad Macallin Maxamuud ayaa maanta si rasmi ah xariga uga jaray barnaamijka xasilinta Muqdisho oo ay iska kaashanayaan hay’adda Mareykanka u qaabilsan horumarinta caalamiga (USAID) iyo hay’adda Ingiriiska (UK) u qaabilsan horumarinta dibadda (DFID), iyadoo barnaamijkan lagu taageerayo $9.5 malyuun oo ah deeq ka timid dowladaha Mareykanka iyo UK.

5/3/2012 9:16 AM EST
Khamiis, May 03, 2012 (HOL) — Ra’iisul wasaaraha Soomaaliya, Cabdiweli Maxamed Cali ayaa maanta kulan la qaatay qeybaha kala duwan ee bulshadda Soomaliyeed; sida ururada, xubno ka tirsan culumaa’udiinka Ahlusunna iyo dhalinyaradda.

5/3/2012 8:57 AM EST
Khamiis, May 03, 2012 (HOL) — Hay'adaha samofalka ee HARO iyo WAMY ayaa ugu qaybiyay maanta oo Khamiis ah ugu qaybiyay Muqdihso 450-qoys oo barakacayaal ah gargaar isugu jiray dhar, raashin iyo caano-boore.

5/3/2012 8:42 AM EST
Khamiis, May 03, 2012 (HOL) — Guddidda Diiwaangelinta ururadda Siyaasadda iyo ansixinta axsaabta Somaliland, ayaa sheegay sagaalka urur ee qiimeynta ku hadhay in aanay buuxin shuruudihii laga rabay,isla markaana ay ka xun yihiin eeddaha ay usoo jeediyeen ururadaasi hadhay.

5/3/2012 8:01 AM EST
Khamiis, May 03, 2012 (HOL) — Kulankan oo lagu qabtay hotel Saxafi ee Muqdisho ayaa waxaa kasoo qaybgalay waxgarad, suldaanno, dhallinyaro isugu jiray gabdho iyo wiilal iyo dad waayeel ah, waxaana looga hadlayay xoojinta nabadda iyo sidii ay Soomaaliya ku heli lahayd nabad.

5/3/2012 7:18 AM EST
Khamiis, May 03, 2012 (HOL) — Maalinta xoriyatul qawlka aduunka ayaa si weyn loogu xusay magaaladda Hargeysa ee Somaliland, kaas oo ay ka soo qaybgaleen suxufiyiinta ka hawlgalla magaaladda Hargeysa iyo masuuliyiin ka tirsan xukuumadda iyo xisbiga muxaafadka ah ee KULMIYE.

5/3/2012 7:16 AM EST
Khamiis, May 03, 2012 (HOL) — Ciidamada dowladda KMG ah ee Soomaaliya ayaa maanta is-hortaag ku sameysay shir ay Muqdihso ku yeelan lahaayeen siyaasiyiin iyo xildhibaanno kasoo horjeeda dowladda KMG ah, kuwaasoo uu ku jiray Sheekh Yuusuf Maxamed Siyaad (Indha-cadde).

5/3/2012 1:46 AM EST
Khamiis, May 03, 2012 (HOL) — Dowladda KMG ah ee Soomaaliya ayaa sheegtay in aan Muqdisho lagu qaban karin shirar aan lagu soo wargelin wasaaradda arrimaha gudaha iyo ammaanka Qaranka ee dowladda KMG ah.

5/3/2012 1:38 AM EST
Khamiis, May 03, 2012 (HOL) — Kooxo hubeysan ayaa xalay ku toogtay xaafadda garsoor ee waqooyiga degmada Gaalkacyo ee gobolka Mudug suxufi u shaqeynayay idaacadda Daljir oo lagu magacaabi jiray, Farxaan Jeemis Cabdulle xilli uu ka tagay goobtiisa shaqo uuna kusii socday gurigiisa.

5/3/2012 1:29 AM EST
Khamiis, May 03, 2012 (HOL) — Xoogagga Xarakada Al-shabaab ayaa la wareegay gacan ku haynta deegaanka Goobo oo ka tirsan degmada Maxaas ee gobolka Hiiraan gallinkii dambe ee shalay kaddib dagaal muddo kooban socday oo tuuladaas ku dhexmaray xoogagga Al-shabaab iyo kuwa Ahlusunna oo halkaas ku sugnaa.