11/18/2018
Today from Hiiraan Online:  _
Wararka Maanta- Khamiis, May 3 , 2012
Xoogagga Xarakada Al-shabaab oo la wareegay gacan ku haynta Deegaanka Goobo oo ka tirsan Gobolka Hiiraan


Khamiis, May 03, 2012 (HOL) — Xoogagga Xarakada Al-shabaab ayaa la wareegay gacan ku haynta deegaanka Goobo oo ka tirsan degmada Maxaas ee gobolka Hiiraan gallinkii dambe ee shalay kaddib dagaal muddo kooban socday oo tuuladaas ku dhexmaray xoogagga Al-shabaab iyo kuwa Ahlusunna oo halkaas ku sugnaa.

Goobjoogayaal ayaa sheegay in dagaalku uu ahaa mid muddo kooban socday ayna deegaanka la wareegeen xoogagga Al-shabaab, iyadoo sidoo kale saraakiil ka kala tirsan DKMG ah iyo Ahlusunna ay sheegeen in deegaankaas ay qabsadeen xoogag taabacsan Al-shabaab.

Inta la ogyahay saddex qof oo dhinacyadii dagaalamay ka tirsan ayaa dhintay sidoo kalena waxaa ku dhaawacmay shan kale, waxaana deegaanka uu weli gacanta ugu jiraa xoogagga Al-shabaab.

Sarkaal lagu magacaabo Farey oo u hadlay dowladda KMG ah ayaa sheegay inay ka faa'iideystay Al-shabaab iyadoo ciidamadii deegaanka ay ku maqnaayeen tababar ay siinayeen ciidamada Itoobiya ee gobolkaas ku sugan.

"Xaaladdu waa daggan tahay, waxaana deegaanka gacanta ku haya ciidamadii la wareegay shalay," ayaa laga soo xigtay qaar ka mid ah dadka ku nool deegaanka Goobo oo ka mid ah deegaanno ay muddo dheer ku loolamayeen Al-shabaab iyo Ahlusunna Waljamaaca.

Gobolka Hiiraan oo ku yaalla bartamaha Soomaaliya ayaa waxaa intiisa badan ka talisa Al-shabaab, marka laga reebo degmooyinka Baladweyne iyo Maxaas oo ay ka kala taliyaan ciidamada DKMG ah iyo xoogagga Ahlusunna.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/3/2012 12:42 PM EST
Khamiis, May 03, 2012(HOL): Xaflad si aad u heer sarraysa loo soo agaasimay laguna soo dhawaynayey Cayaaryahanaddii weyneyd ee kooxda Muqdisho, iyo Xulka Qranka K/Kolayga soomaaliyeed Luul Cusmaan Sabriye ayaa lagu qabtay Magaalada Stockholm ee caasimadda dalka Sweden.

5/3/2012 9:29 AM EST
Khamiis, May 03, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, C/samad Macallin Maxamuud ayaa maanta si rasmi ah xariga uga jaray barnaamijka xasilinta Muqdisho oo ay iska kaashanayaan hay’adda Mareykanka u qaabilsan horumarinta caalamiga (USAID) iyo hay’adda Ingiriiska (UK) u qaabilsan horumarinta dibadda (DFID), iyadoo barnaamijkan lagu taageerayo $9.5 malyuun oo ah deeq ka timid dowladaha Mareykanka iyo UK.

5/3/2012 9:16 AM EST
Khamiis, May 03, 2012 (HOL) — Ra’iisul wasaaraha Soomaaliya, Cabdiweli Maxamed Cali ayaa maanta kulan la qaatay qeybaha kala duwan ee bulshadda Soomaliyeed; sida ururada, xubno ka tirsan culumaa’udiinka Ahlusunna iyo dhalinyaradda.

5/3/2012 8:57 AM EST
Khamiis, May 03, 2012 (HOL) — Hay'adaha samofalka ee HARO iyo WAMY ayaa ugu qaybiyay maanta oo Khamiis ah ugu qaybiyay Muqdihso 450-qoys oo barakacayaal ah gargaar isugu jiray dhar, raashin iyo caano-boore.

5/3/2012 8:42 AM EST
Khamiis, May 03, 2012 (HOL) — Guddidda Diiwaangelinta ururadda Siyaasadda iyo ansixinta axsaabta Somaliland, ayaa sheegay sagaalka urur ee qiimeynta ku hadhay in aanay buuxin shuruudihii laga rabay,isla markaana ay ka xun yihiin eeddaha ay usoo jeediyeen ururadaasi hadhay.

5/3/2012 8:39 AM EST
Khamiis, May 03, 2012 (HOL) — Xukuumadda Soomaaliya ayaa waxay waddaa qorshe ay isugu diyaarinayso inay xukunka ku wareejiso dowlad lasoo doortay marka la gaaro bisha Ogoosto ee sannadkan, markaasoo ay dhammaanayso xilliga dowladda KMG ah ay shaqeynayso.

5/3/2012 8:01 AM EST
Khamiis, May 03, 2012 (HOL) — Kulankan oo lagu qabtay hotel Saxafi ee Muqdisho ayaa waxaa kasoo qaybgalay waxgarad, suldaanno, dhallinyaro isugu jiray gabdho iyo wiilal iyo dad waayeel ah, waxaana looga hadlayay xoojinta nabadda iyo sidii ay Soomaaliya ku heli lahayd nabad.

5/3/2012 7:18 AM EST
Khamiis, May 03, 2012 (HOL) — Maalinta xoriyatul qawlka aduunka ayaa si weyn loogu xusay magaaladda Hargeysa ee Somaliland, kaas oo ay ka soo qaybgaleen suxufiyiinta ka hawlgalla magaaladda Hargeysa iyo masuuliyiin ka tirsan xukuumadda iyo xisbiga muxaafadka ah ee KULMIYE.

5/3/2012 7:16 AM EST
Khamiis, May 03, 2012 (HOL) — Ciidamada dowladda KMG ah ee Soomaaliya ayaa maanta is-hortaag ku sameysay shir ay Muqdihso ku yeelan lahaayeen siyaasiyiin iyo xildhibaanno kasoo horjeeda dowladda KMG ah, kuwaasoo uu ku jiray Sheekh Yuusuf Maxamed Siyaad (Indha-cadde).

5/3/2012 1:46 AM EST
Khamiis, May 03, 2012 (HOL) — Dowladda KMG ah ee Soomaaliya ayaa sheegtay in aan Muqdisho lagu qaban karin shirar aan lagu soo wargelin wasaaradda arrimaha gudaha iyo ammaanka Qaranka ee dowladda KMG ah.

5/3/2012 1:38 AM EST
Khamiis, May 03, 2012 (HOL) — Kooxo hubeysan ayaa xalay ku toogtay xaafadda garsoor ee waqooyiga degmada Gaalkacyo ee gobolka Mudug suxufi u shaqeynayay idaacadda Daljir oo lagu magacaabi jiray, Farxaan Jeemis Cabdulle xilli uu ka tagay goobtiisa shaqo uuna kusii socday gurigiisa.