11/16/2018
Today from Hiiraan Online:  _
Wararka Maanta- Khamiis, May 3 , 2012
Guddida Diiwaan-gelinta Ururradda Siyaasadda Somaliland oo markii ugu horaysay ka hadlay shuruudihii ay buuxin waayeen Ururraddii haray


Khamiis, May 03, 2012 (HOL) — Guddidda Diiwaangelinta ururadda Siyaasadda iyo ansixinta axsaabta Somaliland, ayaa sheegay sagaalka urur ee qiimeynta ku hadhay in aanay buuxin shuruudihii laga rabay,isla markaana ay ka xun yihiin eeddaha ay usoo jeediyeen ururadaasi hadhay.

Guddidan oo maanta shirjaraa’id ku qabtay xafiiskooda magaaladda Hargeysa, ayaa sheegay inay ka xunyihiin eedaha sharaftoodda wax u dhimaya ee ay usoo jeediyeen ururadii qiimeynta ku hadhay,kuwaas oo aan ku qancin natiiijadii ay soo saareen.

Gudoomiyaha guddidan diiwaangelinta ururadda siyaasadda Cabdirisaaq Jaamac Cumar (Ciyaale) ayaa tilmaamay ururada cabanayaa ee aan ku qancin natiijadoodda ay sifo sharci ah u maraan Waxay ka cabanayaan, isla markaana u tagaan garsoorka.

"arrinta waxa buunbuuniyey waa saxaafadda oo leh ururadda la reebay, waa inay tidhaa ururada hadhay iyo ururada fursada u heli waayey, laakiin lama reebin waa la reebay macnihii waxay ka dhigan tahay badheedh baa loo reebay luuqada saxaafada isticmaalayso ha la eego, saxaafada waxa ay u dhextahay ummadda oo dhan" ayuu yidhi guddoomiyaha guddidda oo saxaafadda uga digayey in aanay isticmaalin kalmadda ururadda la reebay, balse ay yihiin ururo qiimeyntii ku hadhay.

Afhayeenka guddidan Xasan Macalin oo faah-faahin ka bixiyey sababta ay ku hadheen ururaddu ayaa sheegay in aanay buuxin sagaalka urur ee hadhay shuruudihii laga rabay oo ay ka mid ahayd kunkii qof ee laga rabay, halka qaarkoodna aanay buuxin shirweynahoodii oo laga rabay gudidda fulinta iyo golaha dhexe, halka kuwa kalana gobolada ka samaysan xafiisyo.

Waa markii ugu horaysay ee guddidda Diiwaangelintu ay ka hadlaan qaabkay ku hadheen sagaalka urur ee qiimeynta ku hadhay, iyagoo mid mid usoo bandhigay waxa ay ku hadheen.

Barkhad-Ladiif M. Cumar, Hiiraan Online
[email protected]
Hargeysa, Somaliland







Click here
5/3/2012 12:42 PM EST
Khamiis, May 03, 2012(HOL): Xaflad si aad u heer sarraysa loo soo agaasimay laguna soo dhawaynayey Cayaaryahanaddii weyneyd ee kooxda Muqdisho, iyo Xulka Qranka K/Kolayga soomaaliyeed Luul Cusmaan Sabriye ayaa lagu qabtay Magaalada Stockholm ee caasimadda dalka Sweden.

5/3/2012 9:29 AM EST
Khamiis, May 03, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, C/samad Macallin Maxamuud ayaa maanta si rasmi ah xariga uga jaray barnaamijka xasilinta Muqdisho oo ay iska kaashanayaan hay’adda Mareykanka u qaabilsan horumarinta caalamiga (USAID) iyo hay’adda Ingiriiska (UK) u qaabilsan horumarinta dibadda (DFID), iyadoo barnaamijkan lagu taageerayo $9.5 malyuun oo ah deeq ka timid dowladaha Mareykanka iyo UK.

5/3/2012 9:16 AM EST
Khamiis, May 03, 2012 (HOL) — Ra’iisul wasaaraha Soomaaliya, Cabdiweli Maxamed Cali ayaa maanta kulan la qaatay qeybaha kala duwan ee bulshadda Soomaliyeed; sida ururada, xubno ka tirsan culumaa’udiinka Ahlusunna iyo dhalinyaradda.

5/3/2012 8:57 AM EST
Khamiis, May 03, 2012 (HOL) — Hay'adaha samofalka ee HARO iyo WAMY ayaa ugu qaybiyay maanta oo Khamiis ah ugu qaybiyay Muqdihso 450-qoys oo barakacayaal ah gargaar isugu jiray dhar, raashin iyo caano-boore.

5/3/2012 8:39 AM EST
Khamiis, May 03, 2012 (HOL) — Xukuumadda Soomaaliya ayaa waxay waddaa qorshe ay isugu diyaarinayso inay xukunka ku wareejiso dowlad lasoo doortay marka la gaaro bisha Ogoosto ee sannadkan, markaasoo ay dhammaanayso xilliga dowladda KMG ah ay shaqeynayso.

5/3/2012 8:01 AM EST
Khamiis, May 03, 2012 (HOL) — Kulankan oo lagu qabtay hotel Saxafi ee Muqdisho ayaa waxaa kasoo qaybgalay waxgarad, suldaanno, dhallinyaro isugu jiray gabdho iyo wiilal iyo dad waayeel ah, waxaana looga hadlayay xoojinta nabadda iyo sidii ay Soomaaliya ku heli lahayd nabad.

5/3/2012 7:18 AM EST
Khamiis, May 03, 2012 (HOL) — Maalinta xoriyatul qawlka aduunka ayaa si weyn loogu xusay magaaladda Hargeysa ee Somaliland, kaas oo ay ka soo qaybgaleen suxufiyiinta ka hawlgalla magaaladda Hargeysa iyo masuuliyiin ka tirsan xukuumadda iyo xisbiga muxaafadka ah ee KULMIYE.

5/3/2012 7:16 AM EST
Khamiis, May 03, 2012 (HOL) — Ciidamada dowladda KMG ah ee Soomaaliya ayaa maanta is-hortaag ku sameysay shir ay Muqdihso ku yeelan lahaayeen siyaasiyiin iyo xildhibaanno kasoo horjeeda dowladda KMG ah, kuwaasoo uu ku jiray Sheekh Yuusuf Maxamed Siyaad (Indha-cadde).

5/3/2012 1:46 AM EST
Khamiis, May 03, 2012 (HOL) — Dowladda KMG ah ee Soomaaliya ayaa sheegtay in aan Muqdisho lagu qaban karin shirar aan lagu soo wargelin wasaaradda arrimaha gudaha iyo ammaanka Qaranka ee dowladda KMG ah.

5/3/2012 1:38 AM EST
Khamiis, May 03, 2012 (HOL) — Kooxo hubeysan ayaa xalay ku toogtay xaafadda garsoor ee waqooyiga degmada Gaalkacyo ee gobolka Mudug suxufi u shaqeynayay idaacadda Daljir oo lagu magacaabi jiray, Farxaan Jeemis Cabdulle xilli uu ka tagay goobtiisa shaqo uuna kusii socday gurigiisa.

5/3/2012 1:29 AM EST
Khamiis, May 03, 2012 (HOL) — Xoogagga Xarakada Al-shabaab ayaa la wareegay gacan ku haynta deegaanka Goobo oo ka tirsan degmada Maxaas ee gobolka Hiiraan gallinkii dambe ee shalay kaddib dagaal muddo kooban socday oo tuuladaas ku dhexmaray xoogagga Al-shabaab iyo kuwa Ahlusunna oo halkaas ku sugnaa.