10/23/2018
Today from Hiiraan Online:  _
Wararka Maanta- Axad, May 20, 2012
Ardayda Jaamacadda Lower Jubba University ee Magaalada Kismaayo oo Fariisatay Imtixaankii ugu dambeeyay Sannadkan


Axad, May 20, 2012 (HOL) — Ardayda barata kuliyadda Kalkaaliyenimada (Nurse) ee wax ka barata Jaamacadda Jubba University ayaa maanta u fariisatay imtixaankii Finalka ee lagu soo gababeynayo sanadkii labaad ee Kuliyadda Nurse-siga.

Ardaydani maanta u fariisatay Imtixaanaadka ayaa ah ardeydii lagu furay Jaamacadda, waxayna mudo laba sano ah baranayeen Culuumta Kalkaaliyenimada (Nurse), iyadoona Jaamacaddu ay bixiso kuliyado kala duwan.

Maamulaha Jaamacadda Lower Jubba University Siraaje Aadan Max’ed oo ay HOL ka wareysatay Jaamacadda ayaa sheegay in maanta ardeydii ugu horeeysay ay u fariisanayaan imtixaankii ugu danbeeyay ee sanadka, wuxuuna sheegay in jaamacaddu dib loo furi doono 1-da Aug, 2012.

"Daraasadu waxay dib u bilaaban doontaa haduu Alle idmo 01-08-2012, taas oo qeybkasta oo Jaamacadda kamid ah la furi doono, inta ka horeysana waxaa socdo Admision-kii ama qabuulkii," ayuu hadalkiisii raaciyay.

Maamulaha ayaa sheegay in ardayda imtixaanka u fadhido ay u diri doonaan tuulooyinka ku teedsan magaalada Kismaayo halkaasuu uu sheegay in ay kasoo fulin doonaaan adeegyo caafimaad.

Mar aan wax ka weydinay cida ay jaamacaddu ku tiirsantahay xaga dhaqaalaha ayuu yiri: "Ilaa iyo hadda ma jirto cid kale oo ay ku tiirsantahay Jaamacadda ama ay gacan ka hesho, waxay ku socotaa waxa yar ee laga qaado ardeyda."

Sidoo kale maamulaha ayaa sheegay in macalimiinta wax ka dhigto Jaamacadda ay aqoontooda aad u sareeyso, isagoona xusay in macalimiintu ay isugu jiraan kuwo wax ku soo bartay dalka gudihiisa iyo dibadiisaba.

Jaamacadda Lower Jubba University ayaa kamid ah Jaamacadaha ka howgala gobolka Jubada Hoose, waxaana jaamacadani wax ka barta arday badan oo ka kala timid gobollada Jubada Hoose iyo jubada Dhexe, waxaana jaamcadani ay bixisaa kuliyado kala duwan oo ay kamid yihiin kuliyadda Kaalkaalinima (Nurse), Farsamada Sheybaarka (Lab Technician) iyo kuliyad lagu barto umuliso-nimada (Midwifery)

Xasan Nuur, Hiiraan Online
[email protected]
Kismaayo, Soomaaliya







Click here
5/20/2012 6:39 AM EST
Axad, May 20, 2012 (HOL) — Wafdi ay hogaaminayaan ra'iisul wasaaraha Soomaaliya, C/weli Maxamed Cali iyo gudoomiyaha baarlamaanka Shariif Xassan Sheekh aadan ayaa maanta ka dhoofay garoonka diyaaradaha ee Muqdisho iyagoo kusii jeeda magaalada Addis Ababa ee dalka Itoobiya.

5/20/2012 6:35 AM EST
Axad, May 20, 2012 (HOL) — Saddex askarta ciidamada DKMG ah ka tirsan ayaa ku dhaawacmay laba qarax oo baqonimadii maanta ka dhacay isgoyska Towfiiq ee degmada Yaaqshiid ee gobolka Banaadir.

5/20/2012 6:29 AM EST
Axad, May 20, 2012 (HOL) — Mas’uuliyiinta maamul gobollka Hiiraan ayaa ka warbixiyay dagaal saacadihii aynu soo dhaafnay deegaanno hoos taga degmada Maxaas ee gobollka Hiiraan gaar ahaan deegaannka Goobo ku dhaxmaray ciidamada maamulka iyo xoogagga Al-shabaab.

5/20/2012 6:06 AM EST
Axad, May 20, 2012 (HOL) — Ergayga gaarka ah ee xoghayaha guud ee Qaramada Midoobay u qabailsan arrimaha Soomaaliya, danjire Augustine Mahiga ayaa sheegay inuu aad uga walaacay dagaalkii Hargeysa ku dhexmaray ciidamada Somaliland iyo dadka shacabka ah, kaasoo dhaliyay khasaaraha nafeed.

5/20/2012 3:17 AM EST
Axad, May 20, 2012 (HOL) — Ugu yaraan shan qof oo u badan askarta dowladda KMG ah ee Soomaaliya ayaa lagu dilay qarax miino oo shalay ka dhacya duleedka degmada Kaaraan ee Magaalada Muqdisho.

5/20/2012 3:16 AM EST
Axad, May 20, 2012 (HOL) — Dagaal iyo duqeyn diyaaradeed oo shalya oo Sabti ah ka dhacday dalka Yemen ayaa lagu dilay 36-qof oo uu ku jiro dagaalyahan Soomaali ah oo ka barbar dagaalamayay xoogagga Al-Qaacida ee dalka Yemen.