9/22/2018
Today from Hiiraan Online:  _
Wararka Maanta- Axad, May 20, 2012
Duqeymo ka dhacay dalka Yemen oo lagu dilay Dagaalyahan Soomaali ah oo ka barbar Dagaalamayay Al-Qaacida


Axad, May 20, 2012 (HOL) — Dagaal iyo duqeyn diyaaradeed oo shalya oo Sabti ah ka dhacday dalka Yemen ayaa lagu dilay 36-qof oo uu ku jiro dagaalyahan Soomaali ah oo ka barbar dagaalamayay xoogagga Al-Qaacida ee dalka Yemen.

Saraakiisha dalka Yemen ayaa sheegay in duqeyn ka dhacday gobolka Bayda ee Koonfurta Yemen lagu dilay laba xubnood oo Al-Qaacida ka tirsan kuwaasoo mid ka mid ah uu ahaa Soomaali halka midka kale uu ahaa Yemeni.

"Dagaalyahan Soomaali ah iyo mid Yemeni ah ayaa lagu dilay duqeyn ay diyaaradaha dagaalka ee Mareykanku ka fuliyeen gobolka Bay shalay gallinkii dambe dambe," ayay yiraahdeen saraakiil Yemeniyiin ah.

Sidoo kale, dagaal u dhexeeyay ciidamada Yemen iyo Al-Qaacida oo ka dhacay gobolka Abyan ayaa lagu dilay 34-qof oo isugu jiray 12-askarta Yemen ah iyo 22 ka mid ah dagaalyahannada Al-Qaacida.

Dalka Yemen ayaa waxaa tan iyo sannadkii hore ka socday dagaallo u dhexeeya ciidamada dalka Yemen iyo xoogagga Al-Qaacida, iyadoo dhowr jeer la sheegay in dalka Yemen lagu dilay dagaalyahanno Soomaali ah oo la safan Al-Qaacidada dalkaas ka dagaalanta.

Xarakada Al-shabaab ayaa horay u sheegtay inay dalka Yemen u dirayso xubno ka barbar dagaalama xoogagga Al-Qaacida ee dalka Yemen, taasoo cabsi weyn gelisay qoxootiga Soomaalida ah ee ku nool dalkaas.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/20/2012 6:39 AM EST
Axad, May 20, 2012 (HOL) — Wafdi ay hogaaminayaan ra'iisul wasaaraha Soomaaliya, C/weli Maxamed Cali iyo gudoomiyaha baarlamaanka Shariif Xassan Sheekh aadan ayaa maanta ka dhoofay garoonka diyaaradaha ee Muqdisho iyagoo kusii jeeda magaalada Addis Ababa ee dalka Itoobiya.

5/20/2012 6:35 AM EST
Axad, May 20, 2012 (HOL) — Saddex askarta ciidamada DKMG ah ka tirsan ayaa ku dhaawacmay laba qarax oo baqonimadii maanta ka dhacay isgoyska Towfiiq ee degmada Yaaqshiid ee gobolka Banaadir.

5/20/2012 6:29 AM EST
Axad, May 20, 2012 (HOL) — Mas’uuliyiinta maamul gobollka Hiiraan ayaa ka warbixiyay dagaal saacadihii aynu soo dhaafnay deegaanno hoos taga degmada Maxaas ee gobollka Hiiraan gaar ahaan deegaannka Goobo ku dhaxmaray ciidamada maamulka iyo xoogagga Al-shabaab.

5/20/2012 6:26 AM EST
Axad, May 20, 2012 (HOL) — Ardayda barata kuliyadda Kalkaaliyenimada (Nurse) ee wax ka barata Jaamacadda Jubba University ayaa maanta u fariisatay imtixaankii Finalka ee lagu soo gababeynayo sanadkii labaad ee Kuliyadda Nurse-siga.

5/20/2012 6:06 AM EST
Axad, May 20, 2012 (HOL) — Ergayga gaarka ah ee xoghayaha guud ee Qaramada Midoobay u qabailsan arrimaha Soomaaliya, danjire Augustine Mahiga ayaa sheegay inuu aad uga walaacay dagaalkii Hargeysa ku dhexmaray ciidamada Somaliland iyo dadka shacabka ah, kaasoo dhaliyay khasaaraha nafeed.

5/20/2012 3:17 AM EST
Axad, May 20, 2012 (HOL) — Ugu yaraan shan qof oo u badan askarta dowladda KMG ah ee Soomaaliya ayaa lagu dilay qarax miino oo shalay ka dhacya duleedka degmada Kaaraan ee Magaalada Muqdisho.